[᭒᭒ 22B]
᭒᭒
ᬬᬬᬶᬳᬗᬗ᭄ᬕᭀᬧᭂᬝᬓ᭄ᬢᬸᬢᬸᬢ᭄ᬰ᭄ᬭᬷᬧ᭄ᬭᬫᬾᬰ᭄ᬯᬭᬷ᭟ᬲᬂᬦᬵᬣᬳᬬᬲ᭄ᬲᬶᬭᬲᬫᬳᬯᬲ᭄ᬢᬺᬳᬓᬵᬫ᭄ᬧᬸᬄᬧᭂ᭠ᬝᬓ᭄ᬫᬶᬭᬶᬃᬓᬶᬦᬸᬮᬢᬾᬂᬳᭂᬫᬲ᭄ᬳᬲᭂᬲ᭄ᬭᬦ᭄ᬭᭀᬭᭀᬢᬸᬗ᭄ᬕᬕᬮ᭄ᬳᬲᭀᬲᭀᬘᬫᬶᬭᬳᬤᬶᬮᬦ᭄ᬓᬸᬱ᭄ᬬᬭᬵᬕᬮᬯᬵᬦ᭄ᬰ᭄ᬭᬷᬧ᭄ᬭᬫᬾᬰ᭄ᬯᬭᬷ
᭟ᬲᬭᬵᬚᬲᬵᬫ᭄ᬧᬸᬦ᭄ᬲᬫᬳᬗᬗ᭄ᬕᭀᬧᭂᬝᬓ᭄ᬢᭂᬓᬦᬶᬂᬩᬮᬫᬦ᭄ᬢ᭄ᬭᬷᬲᬢ᭄ᬬᬭᬶᬂᬲᬂᬦᬵᬣᬢᬦ᭄ᬯᬃᬡ᭄ᬦᬧᭀᬮᬳᬶ᭠ᬭᬫᬸᬯᬄᬲᬹᬃᬬ᭄ᬬᬯᬗ᭄ᬰᬳᬚᬶᬳᬤᬦ᭄ᬫᬗ᭄ᬓᬢᬳᬦᭂᬢᭂᬕ᭄ᬢᬗᬭᬢ᭄ᬭᬶ᭟ᬧ᭄ᬭᬵᬧ᭄ᬢᬓᬂᬩᬮᬲᬺᬕᭂᬧ᭄ᬲᬳᬲᬜ᭄ᬚᬢᬲᬢ᭄ᬭᬶᬬᬧᬭᬳᬚᬶᬧᬥᬵ
ᬦᬸᬗ᭄ᬕᬂᬮᬶᬫᬦ᭄ᬲᬧ᭄ᬤᬂᬧᬗᬯᬶᬦᬦ᭄ᬲᬵᬕᬸᬗᬶᬂᬧᬭᬫᬦ᭄ᬢ᭄ᬭᬷᬯᬸᬲ᭄ᬫᬗ᭄ᬕ᭄ᬯᬶᬂᬓᬸᬤᬲᬳᬯᬢᬂᬳᬜ᭄ᬚ᭄ᬭᬶᬳᬶᬦ᭄᭟ᬲᬂᬦᬵᬣᬲᬵᬫ᭄ᬧᬸᬦ᭄ᬳᬦᬶᬢᬶᬳᬶᬦ᭄ᬯᬳᬦᬚᬸᬚᬸᬮᬸᬓᬾᬧᬶᬦᬦ᭄ᬤᬶᬂᬳᬃᬱᬵᬮᬯᬦ᭄ᬤ᭄ᬯᬚᬲᬧ᭄ᬤᬂᬯᬸᬲ᭄ᬮᬶᬦᬶᬕᬲ᭄ᬓᬺᬧᭂᬓᬶᬂᬯᬢᬗᬕᬝᬶᬓ᭄ᬓᬕᬾ
ᬢ᭄ᬓᬾᬂᬧ᭄ᬭᬂᬭᬶᬢ᭄ᬧᬶᬦᬶᬂᬫ᭄ᬮᬬᬯᬢᬶ᭟ᬲᬢᭂᬓᬦᬾᬲᬂᬦᬵᬣᬳᬢᬶᬗ᭄ᬓᬄᬕᭂᬮᬃᬤ᭄ᬯᬶᬭᬥᬫᭂᬝᬰ᭄ᬭᬷᬪᬹᬧᬢᬶᬫᬸᬗ᭄ᬕ᭄ᬯᬶᬂᬲᬶᬭᬄᬢᬸᬮᬮᬾᬲᬶᬭᬤᭂᬫᬂᬮᬦ᭄ᬢᬸᬫᭂᬗ᭄ᬕᬸᬂᬧᬭᬲᬢ᭄ᬭᬶᬬᬫᬸᬗ᭄ᬕ᭄ᬯᬶᬂᬳᬸᬦ᭄ᬢᬢ᭄ᬳᬗ᭄ᬕᬭᬓ᭄ᬭ᭄ᬬᬦᬧᬢᬶᬄ᭟ᬢᬦ᭄ᬓᭀᬘᬧᬦ᭄ᬲᬶᬭᬧ᭄ᬭᬪ᭄ᬯᬶᬂᬲᬹᬃᬬ᭄ᬬᬯᬗ᭄ᬰ
[᭒᭓ 23A]
ᬕᬚᬄᬓᬸᬫᬸᬥᬫᬮᬶᬄᬲᬵᬫ᭄ᬧᬸᬦ᭄ᬳᬧᭀᬢᬸᬲᬦ᭄ᬳᬭᬦ᭄ᬧᬢᬶᬄᬥᬂᬥᬂᬗ᭄ᬮᬓ᭄ᬢᬦ᭄ᬓᬯᬃᬡ᭄ᬦᬳᬭᬶᬂᬫᬵᬃᬕ᭄ᬕᬶᬧ᭄ᬭᬧ᭄ᬱᬯ᭄ᬢᬾᬂᬦᬵᬕᬭᬫᬮᬬᬯᬢ᭄ᬬᬳᬕ᭄ᬮᬶᬲ᭄᭟ᬚᬸᬫᬸᬚᬸᬕ᭄ᬲᬶᬭᬫᬭᬭᬶᬂᬧᬦᬗ᭄ᬓᬶᬮᬦ᭄ᬦ᭄ᬤᬦ᭄ᬲᬶᬭᬰ᭄ᬭᬷᬪᬹᬧᬢᬶᬯᬸᬲ᭄ᬫᬗ᭄ᬕ᭄ᬯᬶᬂᬧᬗᬲ᭄ᬢ᭄ᬭ᭄ᬬ
ᬦ᭄ᬮᬯᬵᬦ᭄ᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬᬮᬦ᭄ᬲᬫᬓ᭄ᬯᬾᬄᬧᬭᬩᬶᬦ᭄ᬬᬵᬚᬶᬧᬭᬓᭂᬲᬢ᭄ᬭ᭄ᬬᬫᬶᬯᬄᬭᬓ᭄ᬭ᭄ᬬᬦᬧᬢᬶᬄ᭟ᬳᬓᬸᬫ᭄ᬧᬸᬮ᭄ᬓᬸᬫ᭄ᬧᬸᬮ᭄ᬧᬥᬳᬗᬗ᭄ᬕᭀᬧᭂᬝᬓ᭄ᬧᬢᬶᬄᬥᬂᬥᬂᬗ᭄ᬮᬓ᭄ᬧ᭄ᬭᬵᬧ᭄ᬢᬶᬫᬋᬓᬶᬂᬲᬂᬦᬵᬣᬳᬗᬢᬸᬭᬓᭂᬦ᭄ᬲᬸᬭᬢ᭄ᬳᬦ᭄ᬤᬶᬓᬦᬶ
ᬭᬢ᭄ᬯᬦ᭄ᬫᬦ᭄ᬢ᭄ᬭᬷᬕᬚᬄᬓᬸᬫᬸᬥᬳᬦᭂᬤᬲᬶᬦᬫ᭄ᬧᬸᬭᬶ᭟ᬲᬂᬦᬵᬱᬲ᭄ᬫᬸᬓᬕ᭄ᬬᬢ᭄ᬳᬦᬗ᭄ᬰᬧᬶᬦ᭄ᬘᬶᬢ᭄ᬭᬲᬫ᭄ᬧᬸᬦ᭄ᬯᬶᬦᬘᬭᬶᬗᬢᬶᬳᬤᬸᬄᬩᬧᬦᬵᬣᬲᬵᬫ᭄ᬧᬸᬦ᭄ᬦᬗ᭄ᬲᬬᬾᬂᬦᬵᬮᬭᬶᬳᬶᬮᬂᬭᬳᬤᬾᬦ᭄ᬤᬾᬯᬷᬤ᭄ᬬᬄᬘᬦ᭄ᬤ᭄ᬭᬯᬢ᭄ᬬᬳᬶᬲᬸᬦ᭄ᬓᬂᬳᬗ
ᬮᬧᬶ᭟ᬳᬶᬗ᭄ᬲᬸᬦ᭄ᬳᬦᬓᬶᬭᬧ᭄ᬭᬪ᭄ᬯᬶᬂᬲᬹᬃᬬ᭄ᬬᬯᬗ᭄ᬰᬳᬸᬦᬶᬲᬶᬭᬦᬺᬋᬢᬶᬮᬸᬗ᭄ᬳᬵᬳᬘᬗ᭄ᬓ᭄ᬭᬫᬜᬚᬄᬮᬗᭃᬦᬶᬂᬮᬗᭃᬓᬫ᭄ᬧᬶᬄᬭᬶᬂᬯᬶᬭᬦᬕᬭᬶᬳᬸᬗ᭄ᬕ᭄ᬯᬦ᭄ᬭᬓ᭄ᬱᬲᬳᬲᬦᬦ᭄ᬮᬦᬂᬳᬶᬲ᭄ᬢ᭄ᬭᬷ᭟ᬳᬦᬲᬶᬭᬧ᭄ᬭᬪᬸᬚᬫ᭄ᬩᬶᬦᬵᬕᬭᬳᬲᬶᬱ᭄ᬬᬭᬓ᭄
Kaca:Bali-lontar-gaguritan-suryawangsa-250ppi.pdf/23
Kaca puniki sampun kauji-wacén