[᭘ 8B]
᭘
᭛᭐᭛ᬊᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬲᬶᬦᭀᬫ᭄᭝ᬳᬶᬲᭂᬗ᭄ᬕᬯᬾᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫᬸᬜᬶᬩᬮᬶ᭞ᬚᬯ᭄ᬯᬲᭀᬓ᭄ᬳᬗ᭄ᬕᭀᬜᬶᬤᬬ᭞ᬳᬶᬥᭂᬧ᭄ᬳᬦᬓᬾᬫᬗ᭄ᬯᬶᬥᬶ᭞ᬫ᭄ᬮᬶᬤ᭄ᬦᬕᬶᬄᬢᬸᬢᬸᬭᬶᬦ᭄᭞ᬓᬢᬢ᭄ᬯᬦ᭄ᬭᬢᬸᬦᬾ
ᬳᬶᬮᬸ᭞ᬦᬾᬧᬺᬱᬶᬤ᭄ᬥᬵᬦᭂᬋᬳᬂ᭞ᬧᬜ᭄ᬘᬧᬡ᭄ᬥᬯᬦᬾᬲᬫᬶ᭞ᬫᬗ᭄ᬤᬾᬜᬦᬾ᭞ᬢᬢᬲ᭄ᬢ᭄ᬓᬾᬦ᭄ᬧᬹᬃᬯ᭄ᬯᬓᬡ᭄ᬥᬵ᭟ᬬᬾᬦ᭄ᬢᭂᬓᬢᬸᬢᬸᬭᬶᬦ᭄ᬲᬢ᭄ᬯ᭞ᬳᬮᬦ᭄ᬳᬮᬫ᭄ᬩᬜᬦᬫ᭄ᬧᬶ᭞ᬢ᭄ᬓᬩᬸᬤ᭄ᬥᬶᬜᬲ᭄ᬮᬬᬂ᭞ᬫᬓ᭄ᬚᬂᬕᬳᬾ
ᬗ᭄ᬕᭂᬕ᭄ᬯᬦᬶᬦ᭄᭞ᬫᬲᬢ᭄ᬯᬲᬳᬶᬲᬳᬶ᭞ᬧᬮᬜ᭞ᬳᬧ᭄ᬯᬭᬮᬦ᭄ᬢᬸᬤ᭄᭞ᬜᬭᬢᬾᬦ᭄ᬓᬩᬜ᭄ᬘᬶᬗᬄ᭞ᬩᬸᬳᬸᬫᬫᬘᬫᬦᬸᬮᬶᬲ᭄᭞ᬲᬗ᭄ᬓᬦ᭄ᬢᬸᬢᬸᬭᬶᬦ᭄᭞ᬩᬳᬦ᭄ᬓᬶᬤᬸᬂᬕᬕᬸᬭᬶᬢᬦ᭄᭟ᬳᬤᬋᬓᭀᬳᭀᬭ
ᬦ᭄ᬲᬢ᭄ᬯ᭞ᬮᬶᬦᬶᬗ᭄ᬳᬤᬶᬧᬃᬯ᭄ᬯᬫᬶᬫᬶ᭞ᬢᬦᬾᬲᬂᬫᬜᬦ᭄ᬢᬦᬬᬂ᭞ᬧᬜ᭄ᬘᬧᬡ᭄ᬥᬯᬦᬾᬗᬹᬦᬶ᭞ᬳᬗ᭄ᬳᬶᬂᬢᬾᬳᬸᬮᬶᬳᬶᬲ᭄ᬢ᭄ᬭᬶ᭞ᬓᭀᬘᬧ᭄ᬯᬾᬦ᭄ᬢᭂᬦᬺᬓᬾᬭᬢᬸ᭞ᬲᬹᬃᬬ᭄ᬬᬯᬗ᭄ᬓᬵᬉᬢ᭄ᬢᬵᬫ᭞ᬳᬕᬸ
[᭙ 9A]
ᬗᬾᬫᬜᬓ᭄ᬭᬯᬺᬢᬶ᭞ᬫᬧᬲᬾᬗᬦ᭄ᬧ᭄ᬭᬪᬹᬩᬲᬸᬧᬭᬶᬘᬭᬵ᭟ᬭᬢᬸᬭᬶᬂᬘᬾᬤᬶᬯᬶᬲᬬᬵ᭞ᬓᬲᬸᬩ᭄ᬯᬶᬰᬾᬱᬵᬢᬸᬃᬰᬓ᭄ᬢᬶ᭞ᬫᬯᬤ᭄ᬯᬢᬦ᭄ᬧᬢᬦ᭄ᬤᬶᬗᬦ᭄᭞ᬫᬕᭂᬳᬂᬓᬤᬃᬫ᭄ᬫᬦ᭄ᬬᬸᬓ᭄ᬢᬶ᭞ᬓᬮᬶᬄᬧᬶᬓᬵᬡ᭄ᬥᬦᬫ᭄ᬧᬶ᭞ᬫᬸᬜᬶ
ᬦ᭄ᬲᬮ᭄ᬯᬶᬭᬶᬂᬫᬩᬬᬸ᭞ᬓᭀᬘᬧᬯᬾᬦ᭄ᬢᭂᬦ᭄ᬢᬸᬓᬤ᭄᭞ᬧᬯᬶᬢᬺᬫᬯᬸᬕ᭄ᬓᬧᬸᬭᬶ᭞ᬢᬶᬳᬶᬲᬗᬸᬦᬸᬂ᭞ᬓᭀᬮᬵᬕᬶᬭᬶᬉᬢ᭄ᬢᬫᬵ᭟ᬫᬸᬮᬵᬧᬲᬩᬦ᭄ᬕᬦ᭄ᬥᬃᬯ᭄ᬯᬵ᭞ᬫᬳᬵᬤᬦ᭄ᬤᬶᬲᬸᬓ᭄ᬢᬶᬫᬢᬶ᭞ᬲᬕᬾᬢ᭄ᬥᬤᬶᬩᬸᬓᬵᬤᬤᬓ᭄᭞
ᬳᬶᬬᬾᬳᬾᬫᬯᬸᬕ᭄ᬓᬧᬸᬭᬶ᭞ᬩᬸᬓᬳᬤᬗᭂᬫ᭄ᬧᭂᬢᬶᬦ᭄᭞ᬳᭂᬗ᭄ᬓᭂᬲ᭄ᬧᬳᭂᬫ᭄ᬩᬳᬾᬫᬯᬸᬕ᭄᭞ᬓᬧᬸᬭᬶᬭᬭᬶᬲ᭄ᬳᬶᬤ᭄ᬥᬵ᭞ᬲᬂᬧ᭄ᬭᬪᬸᬓᬵᬕ᭄ᬬᬢ᭄ᬫᬗᬓ᭄ᬱᬶ᭞ᬮᬦ᭄ᬢᬲ᭄ᬜᬯᬸᬧ᭄᭞ᬭᬭᬾᬦᬾᬓᬚᬓᬧᬸᬭ᭟ᬲᬭᬯᬸᬳᬾᬤᬶᬚ᭄ᬭᭀ
ᬧᬸᬭᬵ᭞ᬓᬧ᭄ᬭᬢᬾᬓᬩ᭄ᬘᬶᬓ᭄ᬩᭂᬘᬶᬓ᭄᭞ᬲᭀᬧᬓᬭᬦ᭄ᬭᬚᬵᬧᬸᬢ᭄ᬭ᭞ᬫᬳᭀᬤᬮᬦ᭄ᬢᬶᬕᬂᬰᬰᬶᬄ᭞ᬓᭀᬘᬧᬲᬸᬩᬓ᭄ᬮᬶᬄ᭞ᬦᬾᬮᬦᬂᬮᬶᬯᬢᬶᬂᬩᬕᬸᬲ᭄᭞ᬓᬮᬸᬫ᭄ᬩ᭄ᬭᬄᬫᬧ᭄ᬲᬾ
Kaca:Bali-lontar-gaguritan-sundari-trus-300ppi.pdf/9
Kaca puniki sampun kauji-wacén
