Kaca:Bali-lontar-gaguritan-sundari-trus-300ppi.pdf/8

Saking Wikisource
Kaca puniki sampun kauji-wacén

[᭗ 7B]

ᬩ᭄ᬲᬶᬓ᭄‌ᬩᭂᬘᬶᬓᬾᬦᬶᬓᬬᬂ᭟ᬘ᭄ᬦᬶᬂᬩᬕᬸᬲ᭄᭞ᬚᬦᬶᬳᬤᬚᬢᬶᬢᬸᬢᬸᬃ᭞ᬗᬭᬦ᭄ᬧᬜ᭄ᬘᬰᬶᬯ᭄ᬯᬵ᭞ᬰᬶᬯᬦᬾᬭᬶᬂᬩ᭄ᬯᬦᬵᬳᬮᬶᬢ᭄᭞ᬇᬓᬹᬦᬸᬤᬸᬄ᭞ᬤ᭄ᬫᭂᬜ᭄ᬘᬳᬶᬦᬾᬮᬮᬶᬫ᭟ᬬᬦᬶᬂᬫ᭄ᬢᬸ᭞ᬚᬦ᭄ᬫᬵᬦᬾᬩᬲ᭄ᬓᬢᬸᬯᬸᬓ᭄᭞
ᬲᬂᬳ᭄ᬬᬂᬮᬸᬤ᭄ᬭᬦᬶᬢᬄ᭞ᬧᬜ᭄ᬘᬾᬦ᭄ᬤ᭄ᬭᬶᬬᬗᬭᬦ᭄ᬧᬸᬦᬶᬓᬶ᭞ᬲᬧᬸᬦᬶᬓᬸ᭞ᬓᬢᬸᬢᬸᬭᬦ᭄ᬧᬜ᭄ᬘᬲᬶᬯᬵ᭟ᬬᬦᬶᬂᬫ᭄ᬢᬸ᭞ᬤ᭄ᬫᭂᬦᬾᬩᬲ᭄ᬓᬢᬸᬯᬸᬓ᭄᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬦᬶᬢᬄ᭞ᬬᬦᬶᬂᬫ᭄ᬢᬸᬤᬃᬫ᭄ᬫᬵᬲᬳᬶ᭞ᬲᬂᬳ᭄ᬬᬂᬯᬶ
ᬱ᭄ᬡᬸ᭞ᬫᬦᬸᬤᬸᬄᬥᬃᬫ᭄ᬫᬧᬸᬦᬶᬓ᭟ᬬᬦᬶᬂᬧ᭄ᬲᬸᬲᬧᬢᬸᬢ᭄ᬫᬦᬳᬾᬫ᭄ᬢᬸ᭞ᬫᬳᬵᬤᬾᬯᬦᬶᬢᬄ᭞ᬬᬦᬶᬂᬧ᭄ᬲᬸᬫᬦᬳᬾᬘᬶᬓ᭄᭞ᬢ᭄ᬧᭂᬢ᭄ᬫᬢᬸᬃ᭞ᬲᬂᬳ᭄ᬬᬂᬇᬰ᭄ᬯᬭᬫᬦᬶᬢᬄ᭟ᬘᬳᬶᬩᬕᬸᬲ᭄᭞ᬲᬢ᭄ᬧᭂᬢ᭄ᬫᬦᬳᬾ
ᬭᬸᬭᬸᬄ᭞ᬓᬓᬶᬩ᭄ᬯᬶᬦ᭄ᬦᬸᬢᬸᬭᬂ᭞ᬳᬦᬓ᭄ᬱᬭᬓᬓᬮᬶᬄ᭞ᬧᬲᬸᬓ᭄ᬯᭂᬢᬸ᭞ᬗᬭᬦ᭄ᬬᬭ᭄ᬯᬪᬶᬦᬾᬤ᭄ᬥ᭟ᬘ᭄ᬦᬶᬂᬩᬕᬸᬲ᭄᭞ᬬᬾᬦ᭄ᬳᬋᬧ᭄ᬫᬫᬜ᭄ᬚᬶᬂᬢᬸᬯᬸᬄ᭞ᬳᬯᭀᬃᬭᬶᬂᬩ᭄ᬭᬳ᭄ᬫᬵ᭞ᬲᬧᬸᬦᬶᬓᬵᬕ᭄ᬮᬃᬳᬸᬭᬶ
[᭘ 8A]
ᬧ᭄᭞ᬬᬦᬶᬂᬢᬶᬫᬹᬃ᭞ᬅᬗ᭄ᬓᬵᬭᬦᬾᬦᬭᬶᬂᬰᬶᬯ᭄ᬯᬵ᭟ᬘ᭄ᬦᬶᬂᬩᬕᬸᬲ᭄᭞ᬬᬦᬶᬂᬘ᭄ᬦᬶᬂᬤᬸᬭᬸᬂᬯ᭄ᬭᬸᬄ᭞ᬓᬓᬶᬩ᭄ᬯᬶᬦ᭄ᬗᭀᬭᬳᬂ᭞ᬳᬦᬦᬾᬲᬚ᭄ᬭᭀᬦᬶᬂᬦᬵᬪᬶ᭞ᬫᬵᬃᬕ᭄ᬕᬲᬸᬦᬸᬢ᭄᭞ᬲᬃᬯ᭄ᬬᬢ᭄ᬬᬩ᭄ᬦᭂᬃᬧᬹᬃᬯ᭄ᬯᬵ᭟ᬢᬸᬢᬹᬃᬧᬧᬸ᭞ᬧᬸᬮᬦ᭄ᬳᬫᬃᬕ᭄ᬕᬦᬶᬂᬳᭂ
ᬦ᭄ᬢᭀ᭞ᬳᬦᬘᬢᬸᬲ᭄ᬲᬢ᭄ᬣ᭞ᬲᬓᬾᬂᬭᬶᬂᬓᬕᬢᬵᬲᬫᬶ᭞ᬬᬦᬶᬂᬓᬶᬤᬸᬮ᭄᭞ᬓᬢᭀᬦ᭄ᬢᬾᬚᬩᬂᬤᬸᬫᬶᬮᬄ᭟ᬢᬸᬢᬸᬭᬶᬧᬸᬦ᭄᭞ᬰ᭄ᬯᬃᬕ᭄ᬖᬦ᭄ᬲᬂᬳ᭄ᬬᬂᬩ᭄ᬭᬳ᭄ᬫᬵᬇᬓᬸ᭞ᬬᬦᬶᬂᬓᬸᬩᭀᬦ᭄ᬓᬢᭀᬦ᭄᭞ᬢᬾᬚᬚ᭄ᬦᬃᬬᬫ
ᬗᭂᬦ᭄ᬤᬶᬄ᭞ᬩᬹᬢᬸᬃᬇᬓᬹ᭞ᬰ᭄ᬯᬃᬕ᭄ᬕᬦ᭄ᬳᬶᬤᬵᬫᬳᬵᬤᬾᬯ᭄ᬯ᭟ᬬᬦᬶᬂᬫ᭄ᬢᬸ᭞ᬉᬢ᭄ᬢᬵᬭᬤᬸᬫᬶᬮᬄᬳᬸᬮᬸ᭞ᬓᬢᬸᬢᬸᬭᬦ᭄ᬳᬶᬓ᭞ᬲ᭄ᬯᬃᬕ᭄ᬖᬦ᭄ᬲᬂᬳ᭄ᬬᬂᬯᬶᬱ᭄ᬡᬸᬚᬢᬶ᭞ᬩ᭄ᬯᬶᬦ᭄ᬳᬤᬸᬮᬸ᭞ᬧᬹᬃᬯ᭄ᬯᬲ᭄ᬯᬾᬢᬵᬓᬢᭀᬦ᭄ᬤᬸᬫᬶᬮᬄ᭟ᬢᬸᬢᬸᬭᬶ
ᬧᬸᬦ᭄᭞ᬲ᭄ᬯᬃᬕ᭄ᬖᬦ᭄ᬳ᭄ᬬᬗᬶᬰ᭄ᬯᬭᬇᬓᬹ᭞ᬧᬸᬦᬶᬓᬢᬸᬳᬸᬢᬂ᭞ᬳ᭄ᬤᬫ᭄ᬮᬶᬳᬶᬦᬓᬗᬶᬦ᭄᭞ᬲᬵᬫ᭄ᬧᬸᬦᬶᬓᬸ᭞ᬢᬸᬢᬹᬃᬓᬓ᭄ᬬᬗᬾᬳᬶᬤᭂᬧᬂ᭟᭐᭟ᬇᬓᬶᬲᬸᬦ᭄ᬥᬭᬶᬢ᭄ᬭᬸᬲ᭄᭚᭐᭚