[᭑᭕ 15 B]
᭑᭕
᭞ᬬᬦ᭄ᬲᬶᬦᬮᬶᬄᬢᬸᬗ᭄ᬕᬶᬮ᭄ᬫᬢ᭄ᬬ᭞ᬚᬕᬢᬾᬫᬶᬮᬸᬮ᭄ᬩᬸᬃ᭞ᬫᬯᬮᬶᬳᬶᬤᬳ᭄ᬬᬂᬦᬵᬭᬤ᭞ᬲᬤ᭄ᬥᬳᬭᬶᬲ᭄᭞ᬲᬕᬾᬢ᭄ᬭᬯᬸᬄᬭᬶᬂᬲ᭄ᬯᬃᬕ᭄ᬕ᭟ᬭᬯᬸᬄᬳᬶᬤᬭᬶᬂᬲ᭄ᬯᬃᬕ᭄ᬕ᭞ᬳ᭄ᬬᬂᬅᬰ᭄ᬯᬶᬦᭀᬓᬧᬗ᭄ᬕᬶᬄ᭞ᬲ
ᬋᬂᬳ᭄ᬬᬂᬫᬳᬵᬤᬾᬯ᭞ᬳ᭄ᬬᬂᬓᬮᬶᬄᬲᬤᬕᬶᬲᬸ᭞ᬜᬫ᭄ᬩ᭄ᬭᬫᬳ᭄ᬬᬂᬦᬵᬭᬤ᭞ᬲᬳᬪᬓ᭄ᬢᬶ᭞ᬒᬁᬲ᭄ᬯᬲ᭄ᬢ᭄ᬬᬵᬲ᭄ᬢᬸᬪᬝᬵᬭ᭟ᬤᬳᬢ᭄ᬪᬕ᭄ᬬᬭᬢᬸᬢᬶᬢ᭄ᬬᬂ᭞ᬓ᭄ᬭᬯᬸᬳᬶᬦ᭄ᬳ᭄ᬬᬂᬋᬱᬶᬫᬗ᭄ᬓᬶᬦ᭄᭞ᬦᬧᬶ
ᬯᬾᬦ᭄ᬢᭂᬦ᭄ᬩ᭄ᬯᬢᬾᬧ᭄ᬭᬵᬧ᭄ᬢ᭞ᬢᬦ᭄ᬧᬭᬭᬧᬦ᭄ᬭᬢᬸᬭᬯᬸᬄ᭞ᬳ᭄ᬬᬂᬦᬵᬭᬤᬕ᭄ᬮᬶᬲ᭄ᬗᬦ᭄ᬤᬶᬓ᭞ᬓ᭄ᬭᬡᬧ᭄ᬭᬵᬧ᭄ᬢᬶ᭞ᬗᬵᬢᬸᬭᬶᬳᬶᬦ᭄ᬤᬶᬓ᭄ᬳ᭄ᬬᬂᬤᬹᬃᬕ᭄ᬕ᭟ᬧᬶᬤᬩ᭄ᬤᬩᬾᬩᬗᭂᬢ᭄ᬤᬸᬓ᭞ᬭᬶᬂᬲᬂᬲᬳᬵᬤᬾᬯ
ᬫᬗ᭄ᬓᬶᬦ᭄᭞ᬓᬳ᭄ᬬᬸᬦᬾᬚᬕᬫᬜᬾᬤᬬᬂ᭞ᬫᬭᬶᬂᬲᬾᬢ᭄ᬭᬕᬦ᭄ᬥᬫᬬᬹ᭞ᬬᬦ᭄ᬢᬦ᭄ᬕ᭄ᬮᬶᬲ᭄ᬓᬢᬸᬮᬸᬗᬦ᭄᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬢᬦ᭄ᬯᬗ᭄ᬤᬾᬧᬘᬂᬓᬲᬾᬤ᭄ᬥᬬᬂ᭟ᬫ᭄ᬬᬃᬱᬩᬯᭀᬲ᭄ᬳ᭄ᬬᬂᬦᬵ
[᭑᭖ 16 A]
ᬭᬤ᭞ᬳ᭄ᬬᬂᬓᬮᬶᬄᬳᭂᬗ᭄ᬲᭂᬓ᭄ᬫᬗ᭄ᬓᬶᬦ᭄᭞ᬗᬳ᭄ᬬᬸᬦᬶᬦ᭄ᬲᭀᬮᬄᬳ᭄ᬬᬂᬤᬹᬃᬕ᭄ᬕ᭞ᬫᬤᬸᬮᬸᬃᬢᬗᬶᬲᬾᬫ᭄ᬢᬸ᭞ᬭᬭᬶᬲ᭄ᬫᬵᬢᬸᬃᬭᬶᬂᬳ᭄ᬬᬂᬦᬵᬭᬤ᭞ᬭᬢᬸᬋᬱᬶ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬩᬸᬤ᭄ᬥᬶ
ᬦᬸᬮᬸᬂᬳᬚ᭄ᬭᬶᬄᬢᬶᬢ᭄ᬬᬂ᭞ᬤ᭄ᬯᬦᬶᬂᬲᬧᬸᬦᬶᬓᬗᬶᬭᬶᬂ᭞ᬳᬢᬹᬭᬂᬳᬶᬦ᭄ᬤᬶᬓ᭄ᬧᬸᬦᬶᬓ᭞ᬫᬵᬚᭂᬂᬭᬶᬂᬳᬶᬤᬳ᭄ᬬᬂᬕᬸᬭᬸ᭞ᬭᬭᬶᬲ᭄ᬳ᭄ᬬᬂᬢ᭄ᬭᬶᬧᬸᬦᬶᬓ᭞ᬲᬤᬕ᭄ᬮᬶᬲ᭄᭞ᬫᬗᬸᬗ᭄ᬲᬶᬓᬰᬷᬯᬮᭀᬓ᭟ᬢᬦ᭄ᬳᬸᬘ
ᬧᬦ᭄ᬫᬭᬶᬂᬚᬮᬦ᭄᭞ᬭᬶᬂᬰᬳᬷᬯᬮᭀᬓᬭᬯᬸᬄᬫᬗ᭄ᬓᬶᬦ᭄᭞ᬓᬜ᭄ᬚᭂᬓ᭄ᬧᬭᬸᬫᬦ᭄ᬧᬭᬤᬾᬯ᭞ᬯᬢᭂᬓ᭄ᬤᬾᬯᬓᬕ᭄ᬬᬢ᭄ᬗ᭄ᬭᬸᬗᬸ᭞ᬧᬗ᭄ᬭᬯᬸᬄᬳ᭄ᬬᬂᬲᬋᬂᬢᬶᬕ᭞ᬲᬤᬕ᭄ᬮᬶᬲ᭄᭞ᬜᬸᬚᬸᬃᬮᬶᬗ᭄ᬕᬶᬄᬲᬂ
ᬳ᭄ᬬᬂᬰᬷᬯ᭟ᬳ᭄ᬬᬂᬳᬜᬃᬭᬯᬸᬄᬜᭂᬫ᭄ᬩᬄ᭞ᬲᬳᬗᬵᬢᬸᬭᬂᬳᬶᬦ᭄ᬤᬶᬓ᭄᭞ᬧᬶᬤᬩ᭄ᬤᬩ᭄ᬳᬶᬤᬳ᭄ᬬᬂᬤᬹᬃᬕ᭄ᬕ᭞ᬫᬭᬶᬂᬲᬾᬢᬺᬕᬦᬤᬫᬬᬹ᭞ᬭᬶᬲᬵᬫ᭄ᬧᬸᬦ᭄ᬳᬶᬤᬫ᭄ᬬᬃᬱ᭞ᬲᬦᬾᬫᬗ᭄ᬓᬶᬦ᭄᭞ᬭ
Kaca:Bali-lontar-gaguritan-suddhamala-01-350ppi.pdf/16
Kaca puniki sampun kauji-wacén
