[᭑᭔ 14 B]
᭑᭔
ᬫᬾᬫᬾᬩ᭄ᬯᬢ᭄᭟ᬳᬧᬂᬍᬕᬘ᭄ᬦᬶᬂᬗ᭄ᬭᬸᬯᬢ᭄᭞ᬫᬮᬦ᭄ᬫᬾᬫᬾᬳᬦᬾ ᬚᬦᬶ᭞ᬲᬂᬲᬳᬵᬤᬾᬯᬫᬦᬶᬫ᭄ᬩᬮ᭄᭞ᬗᬸᬪᬓ᭄ᬢᬶᬜᬸᬫ᭄ᬩᬄᬳᬸᬫᬵᬢᬹᬃ᭞ᬲᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬤᬹᬃᬕ᭄ᬕ᭞ᬦ᭄ᬤᬯᭂ
ᬕ᭄ᬫᬗ᭄ᬓᬶᬦ᭄᭞ᬭᬾᬄᬢᬶᬢ᭄ᬬᬂᬚᬤ᭄ᬫᬫᬹᬥ᭟ᬢᬦ᭄ᬳᬸᬦᬶᬂᬢᬶᬢ᭄ᬬᬂᬗ᭄ᬭᬸᬯᬢ᭄᭞ᬫᬮᬦ᭄ᬢᬶᬢ᭄ᬬᬂᬢᬦᬶᬕᬶᬕᬶᬲ᭄᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬗ᭄ᬭᬸᬯᬢ᭄᭞ᬦᬧᬶᬫᬮᬶᬄᬫᬮᬦ᭄ᬳᬶᬭᬢᬸ᭞ᬳᬶᬗ᭄ᬕᬶᬄ
ᬳᬫ᭄ᬧᬸᬭᬬᬂᬢᬶᬢ᭄ᬬᬂ᭞ᬭᬢᬸᬪᬝᬵᬭᬶ᭞ᬲᬵᬫ᭄ᬧᬸᬦᬂᬫᭂᬗ᭄ᬕᬄᬭᬶᬂᬗ᭄ᬳᬃᬱ᭟ᬪᬝᬵᬭᬶᬓᬮᬶᬦ᭄ᬢᬂᬤᬸᬓ᭞ᬧᬺᬭᬳᬶᬦᬾ ᬩᬳᬕ᭄ᬗᬧᬶ᭞ᬘᬘᬶᬗᬓᬾ ᬗᬃᬤ᭄ᬥᬶᬳᬸᬮᬧ᭄᭞ᬮᬶᬥᬄ
ᬜ᭄ᬮᬾᬧ᭄ᬲᬃᬯ᭄ᬯᬶᬗ᭄ᬮᬸᬃ᭞ᬲᬳᬫᬶᬚᬶᬮᬂᬉᬤᬵᬓ᭞ᬗᬦ᭄ᬤᬶᬓᬜ᭄ᬚ᭄ᬭᬶᬢ᭄᭞ᬚᬢᬶᬘᬳᬶᬢ᭄ᬯᬭᬳ᭄ᬜᬓ᭄᭟ᬬᬾᬦᬶᬂᬲᬚᬢᬸᬲᬶᬂᬜᬓ᭄᭞ᬲᬶᬂᬩᬸᬯᬸᬗᬜ᭄ᬘᬳᬶᬫᬢᬶ᭞ᬲᬃᬯ᭄ᬯᬶᬫᬗᬬᬢᬂ
[᭑᭕ 15 A]
ᬩ᭄ᬮᬓᬲ᭄᭞ᬚᬕᬫᬜᭂᬫ᭄ᬧᬮ᭄ᬕᬸᬮᬸ᭞ᬲᬶᬗ᭄ᬕᬶᬄᬭᬢᬸᬳ᭄ᬬᬂᬤᬹᬃᬕ᭄ᬕ᭞ᬤᬸᬭᬸᬲ᭄ᬫᬗ᭄ᬓᬶᬦ᭄᭞ᬧᬥᭂᬫᬂᬭᬢᬸᬢᬶᬢ᭄ᬬᬂ᭟ᬲᬵᬦ᭄ᬢᬸᬓᬦ᭄ᬢᬶᬢ᭄ᬬᬂᬢᬦ᭄ᬲᬶᬤ᭄ᬥ᭞ᬫᬗ᭄ᬮᬸᬓᬢ᭄ᬫᬮᬦ᭄ᬪᬝᬵᬭᬶ᭞ᬩ᭄ᬘᬶᬓ᭄ᬭᬢᬸᬧᬥᭂᬫᬂ
ᬢᬶᬢ᭄ᬬᬂ᭞ᬲᬧᬸᬦᬶᬓᬳᬶᬤᬫᬵᬢᬸᬃ᭞ᬫᬤᬸᬮᬸᬃᬜ᭄ᬭᬳᬂᬳᬗ᭄ᬕ᭞ᬭᬭᬶᬲ᭄ᬜ᭄ᬭᬶᬢ᭄᭞ᬳ᭄ᬬᬂᬤᬹᬃᬕ᭄ᬕᬫᬗᬋᬧᬂ᭟ᬢᬗ᭄ᬓᭂᬚᬸᬢ᭄ᬯᬢᭂᬓᬶᬂᬤᬾᬯ᭞ᬭᬶᬂᬕᬕᬡᬉᬫ᭄ᬬᬂᬫᬗ᭄ᬓᬶᬦ᭄᭞ᬓᬕ᭄ᬬᬢ᭄ᬲᬂᬳ᭄ᬬᬂᬦᬵ
ᬭᬤ᭞ᬲ᭄ᬥᭂᬓ᭄ᬗᬮᬗ᭄ᬮᬂᬉᬮᬗᬸᬦ᭄᭞ᬭᬭᬶᬲ᭄ᬳᬶᬤᬫᬚᬗ᭄ᬕᭂᬮᬦ᭄᭞ᬤ᭄ᬯᬦᬶᬂᬗᬓ᭄ᬱᬶ᭞ᬢᬾᬚᬕᬮᬂᬲᬓᬶᬂᬚᬕᬢ᭄᭟ᬭᬭᬶᬲ᭄ᬳᬶᬤᬫᬦᬸᬦ᭄ᬢᬸᬤᬂ᭞ᬫᬓᬦ᭄ᬢᭂᬦ᭄ᬳ᭄ᬬᬂᬤᬹᬃᬕ᭄ᬕᬫᬗ᭄ᬓᬶᬦ᭄᭞ᬤᬳᬢ᭄ᬤᬸᬓᬵ
ᬗᬬᬢ᭄ᬗᭂᬮᬓᬲ᭄᭞ᬧᬶᬓᬬᬸᬦᬾᬢᬦ᭄ᬕᬸᬬᬸᬕᬸᬬᬸ᭞ᬩᬶᬗ᭄ᬩᬂᬓᬳ᭄ᬬᬸᬦ᭄ᬳ᭄ᬬᬂᬦᬵᬭᬤ᭞ᬓᬸᬤ᭄ᬬᬂᬚᬦᬶ᭞ᬦᬸᬮᬸᬗᬶᬦ᭄ᬲᬂᬲᬳᬵᬤᬾᬯ᭟ᬬᬦ᭄ᬲᬂᬲᬳᬵᬤᬾᬯᬧ᭄ᬚᬄ᭞ᬧᬵᬡ᭄ᬥᬯᬫᬓ᭄ᬚᬂᬫᬢᬶ
Kaca:Bali-lontar-gaguritan-suddhamala-01-350ppi.pdf/15
Kaca puniki sampun kauji-wacén
