[ ᭖᭙ 69B]
᭖᭙᭞
ᬮᬄᬫᬸᬜ᭄ᬘᬸᬓ᭄᭞ᬫᬦᬶᬭᬸᬥᬳᬸᬦ᭄ᬲᬸᬩᬶᬢ᭞ᬲᭂᬓᬃᬜᬧᬸᬢᬶᬄᬮᬦ᭄ᬢᬗᬶ᭟᭐᭟᭔᭟ᬫᬲᬶᬄᬗᬯᬾᬲᬸᬓᬦ᭄ᬫᬦᬄ᭞ᬬᬦ᭄ᬓᬥᬸᬮᬸ᭞ᬗᬶᬭᬗᬶᬦ᭄ᬓᬸᬭᬸᬤᬶᬫᬃᬕ᭄ᬕᬶ᭞ᬳᬾᬮᬶᬂ
ᬩᭂᬮᬶᬳᬦᬾ ᬫᬮᬸ᭞ᬳᬤᬳᬦᬓ᭄ᬫᬦᬸᬢᬸᬭᬂ᭞ᬥᬳᬸᬦᬶᬧᬸᬦ᭄᭞ᬳᬗ᭄ᬕᬾᬦ᭄ᬢᬫ᭄ᬩᬩᭂᬲᭂᬄᬮᬸᬯᬸᬂ᭞ᬫᬸᬮᬶᬕ᭄ᬫᬶᬲᬶᬩᬯᬂᬳᬤᬲ᭄᭞ᬦᬗ᭄ᬳᬶᬂᬦᬾᬫᬩᬸᬗ᭄ᬳᬧᬸᬢᬶᬄ᭟᭐᭟
᭕᭟ᬫᬮᬶᬄᬬᬦ᭄ᬮᬩ᭄ᬮᬩ᭄ᬤᬳᬸᬦ᭄ᬜ᭞ᬮᬯᬸᬢ᭄ᬳᬶᬦᬸᬫ᭄᭞ᬲᬓᬶᬢ᭄ᬗ᭄ᬭᬲᬓᬢᭂᬮᬲᬶᬦ᭄᭞ᬭᬶᬂᬩᭀᬢᭀᬃᬫᬶᬭᬶᬩ᭄ᬫᬩᬭᬸᬂ᭞ᬧᬢᬸᬭᬸᬫᬦᬤᬶᬩᬮ᭄ᬬᬦ᭄᭞ᬫᬲᬶᬄᬦᬸᬮᬸᬂ᭞ᬲᬓᬶ
ᬢ᭄ᬩᭂᬲᭂᬄᬳᬸᬫ᭄ᬩᬶᬦ᭄ᬳᬶᬧᬸᬦ᭄᭞ᬳᬸᬮᬶᬕ᭄ᬮᬯᬸᬢ᭄ᬬᬳᭀᬮᬾᬲᬂᬩᬯᬂᬳᬤᬲ᭄ᬘᬫ᭄ᬧᬸᬃᬫᬲᬶᬄ᭟᭐᭟᭖᭟ᬓᭀᬘᬧ᭄ᬳᬶᬩᭀᬢᭀᬃᬧᬸᬦᬶᬓ᭞ᬤᬳᬸᬦ᭄ᬳᬶᬧᬸᬦ᭄᭞ᬦᬾᬫ
[ ᭗᭐ 70A]
ᬢᬄᬬᬤᬶᬦ᭄ᬭᬢᭂᬗᬶᬦ᭄᭞ᬲ᭄ᬭᬶᬗᬂᬗᬚᭂᬗᬂᬮᬯᬸᬢ᭄᭞ᬫᬸᬦᬳᬂᬩ᭄ᬭᬲᬢᬸᬭᬸᬦᬦ᭄᭞ᬢᭂᬓᬳᬮᬸᬄ᭞ᬢᬫ᭄ᬩᬫᬸᬥᬄᬕᬸᬡᬮᬸᬯᬸᬂ᭞ᬢ᭄ᬯᬭᬢᬸᬬᬸᬄᬗᬮᬶᬩᬮ᭄ᬬᬦ᭄᭞
ᬦᬗ᭄ᬳᬶᬂᬬᬦᬶᬂᬓᬳᬸᬦᬶᬗᬶᬦ᭄᭟᭐᭟᭗᭟ᬳᬸᬓᬸᬄᬗᬮᬦ᭄ᬢᬸᬃᬗᬦ᭄ᬤᬶᬓ᭞ᬚᬕ᭄ᬫᬘᭂᬩᬸᬃ᭞ᬯᬾᬦ᭄ᬢᭂᬦ᭄ᬩᭀᬚᭀᬕ᭄ᬳᬕᭃᬂᬧᬸᬢᬶᬄ᭞ᬲᬓᬶᬂᬩᬳᬶᬗᬶᬦᬾᬗᬋᬫ᭄ᬩᬸᬦ᭄᭞ᬢᬥᬄᬩᭀᬄ
ᬢᬹᬃᬫᬜᬕ᭄ᬚᬕ᭄᭞ᬮᬯᬸᬢ᭄ᬫᬢᬹᬃ᭞ᬩᬪᬵᬲᬫᬵᬦᬸᬱᬘᬮᬸᬄ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ᭞ᬫᬢᬹᬃᬭᬶᬂᬳᬶᬩᬕᬸᬲ᭄ᬓᬮᬶᬄ᭟᭐᭟᭘᭟ᬯᬾᬦ᭄ᬢᭂᬦ᭄ᬓᬩ᭄ᬯᬢᬂᬢᬶᬢ᭄ᬬᬂ᭞
ᬦᬸᬦᬲ᭄ᬢᬸᬮᬸᬂ᭞ᬭᬶᬂᬳᬶᬤᬾᬯᬲᬦᬾᬫᬗ᭄ᬓᬶᬦ᭄᭞ᬲᬓᬶᬢ᭄ᬫᬦᬄᬢᬶᬢ᭄ᬬᬂᬮᬗ᭄ᬓᬸᬂ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬧ᭄ᬬᬦᬓ᭄ᬢᬶᬢ᭄ᬬᬂ᭞ᬫ᭄ᬯᬦᬶᬳᬯᬸᬓᬸᬤ᭄᭞ᬳᬶᬘᬮ᭄ᬳᬶᬧᬸᬦ᭄ᬚᬸᬯᬂᬧᬡ᭄ᬤᬸᬂ᭞ᬬ
Kaca:Bali-lontar-gaguritan-sucita-300ppi.pdf/70
Kaca puniki sampun kauji-wacén
