[ ᭗᭐ 70B]
᭗᭐᭞
ᬓ᭄ᬱᬰᬓ᭄ᬢᬶᬗᬧᬓ᭄ᬳᬧᬓ᭄᭞ᬭᬶᬂᬚᬕᬢ᭄ᬫᬗ᭄ᬭᬸᬲᬸᬳᬶᬦ᭄᭟᭐᭟᭙᭟ᬲ᭄ᬭᬶᬂᬳᬶᬧᬸᬦ᭄ᬫᬮᬶᬂᬚᬦ᭄ᬫ᭞ᬲᬳᬗ᭄ᬭᬫ᭄ᬧᬲ᭄᭞ᬦᬗ᭄ᬳᬶᬂᬪᭀᬬᬯᬾᬦ᭄ᬢᭂᬦᬸᬦᬶᬂ᭞ᬭᬾᬄᬳᬶᬧᬸᬦ᭄ᬗᬗ᭄ᬕᬾᬓ
ᬯ᭄ᬭᬸᬄ᭞ᬳᬚᬷᬯᭂᬕᬶᬕ᭄ᬫᬯᬶᬰᬾᬱ᭞ᬤᬳᬢ᭄ᬢᭂᬕᬸᬄ᭞ᬭᬶᬂᬲᬃᬯ᭄ᬯᬲᬜ᭄ᬚᬢᬮᬸᬧᬸᬢ᭄᭞ᬓᬾᬯᭂᬄᬳᬦᬓᬾ ᬫᬗ᭄ᬮᬯᬦ᭄᭞ᬤ᭄ᬬᬲ᭄ᬢᬸᬜᬶᬥᬬᬂᬗᭂᬢᭀᬦᬶᬦ᭄᭟᭐᭟᭑᭐᭟
ᬦᬗ᭄ᬳᬶᬂᬤ᭄ᬬᬲ᭄ᬢᬸᬲᬧᬸᬦᬶᬓ᭞ᬢᭂᬓᬕᬫ᭄ᬧᬂ᭞ᬧᬸᬶᬧᬢᬶᬦᬶᬧᬸᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬤᭀᬬᬢᬫ᭄ᬩᬺᬲᬦᬶᬓᬸ᭞ᬲᬓᬶᬂᬢᬭᬸᬩᭀᬤ᭄ᬥᬶᬫᭂᬤᬮ᭄᭞ᬯᬸᬲ᭄ᬓᬩᬓ᭄ᬢ᭞ᬬᬦ᭄ᬧᬜ᭄ᬘ᭄ᬭᬾᬢ᭄ᬲ
ᬧᬶᬲᬦ᭄ᬮᬫ᭄ᬧᬸᬲ᭄᭞ᬦᬗ᭄ᬳᬶᬂᬢᬦ᭄ᬚᬦ᭄ᬫᬲᬩᬭᬂ᭞ᬦᬾᬤᬤᭀᬲ᭄ᬧᬘᬂᬦᬫ᭄ᬧᬾᬲᬶᬦ᭄᭟᭐᭟᭑᭑᭟ᬚᬦ᭄ᬫᬦᬾᬬᭀᬕ᭄ᬬᬫᬤᭂᬫᬂ᭞ᬬᬓ᭄ᬱᬇᬓᬸ᭞ᬳᬦ
[ ᭗᭑ 71A]
ᬓ᭄ᬲᬥᬃᬫᬩᬸᬤ᭄ᬥᬶ᭞ᬢᭂᬧᭂᬢ᭄ᬗᬫᭀᬰᬷᬮᬳᬬᬸ᭞ᬫᬩ᭄ᬭᬢᬢᬧᬢᬦ᭄ᬧᭂᬕᬢ᭄᭞ᬢ᭄ᬯᬭᬲᬸᬭᬸᬤ᭄᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬢᬸᬥᬸᬄ᭞ᬢᭂᬍᬩ᭄ᬫᬭᬶᬂᬚᬕᬬᭀᬕ᭞
ᬳᬲᬶᬄᬭᬶᬂᬲᬳᬦᬦᬸᬭᬶᬧ᭄᭟᭐᭟᭑᭒᭟ᬳᬶᬤᬾᬯᬫᬦᬳᬂᬢᬶᬢ᭄ᬬᬂ᭞ᬢᬸᬳᬸᬲᬥᬸ᭞ᬲᬵᬫ᭄ᬧᬸᬦ᭄ᬗᬫᭀᬂᬤᬃᬫ᭄ᬫᬩᬸᬤ᭄ᬥᬶ᭞ᬳᬶᬤᬾᬯᬜᬦ᭄ᬤᬂᬫᬗ᭄ᬮᬶᬩᬸᬃ᭞ᬲᬂᬬ
ᬓ᭄ᬱᬦᬾᬤᬳᬢ᭄ᬦᭀᬭᬄ᭞ᬓᭂᬦᬶᬦᬗ᭄ᬕᬸ᭞ᬳᬫ᭄ᬩᭂᬓᬶᬧᬸᬦᬾᬢᬮᬸᬯᬸᬂ᭞ᬳᬸᬲᬦ᭄ᬗᬭᬦ᭄ᬤᬳᬶᬦ᭄ᬚᬕᬢ᭄᭞ᬗ᭄ᬭᬫ᭄ᬧᬲ᭄ᬢᬃᬫᬫᬮᬶᬂᬚᬦ᭄ᬫᬶ᭟᭐᭟᭑᭓᭟ᬤᬶᬓ᭄ᬭ
ᬗ᭄ᬓᬾᬂᬫᬚᬭᭀᬯᬚ᭞ᬤᬳᬢ᭄ᬓᬸᬓᬸᬄ᭞ᬤᬶᬢᬸᬧ᭄ᬬᬦ᭄ᬢᬶᬢ᭄ᬬᬗᭂᬲᬶᬮ᭄᭞ᬲ᭄ᬭᬶᬂᬗᬫᬾᬩᬧᬳᬶᬩᬸ᭞ᬜ᭄ᬭᬶᬢ᭄ᬫᬗᭂᬜᬕᬂᬩᬲᬂ᭞ᬬᬦ᭄ᬳᬓᬸᬤᬂ᭞ᬢᬳᬸᬦ᭄ᬲᬵᬫ᭄ᬧᬸᬦ᭄ᬤᬶ
Kaca:Bali-lontar-gaguritan-sucita-300ppi.pdf/71
Kaca puniki sampun kauji-wacén
