[ ᭙᭙ 99B]
᭙᭙᭞
ᬢᬶᬢ᭄ᬬᬂᬫᬗ᭄ᬤᬳᬸᬭᬶᬧ᭄᭞ᬢᬸᬭᬶᬂᬳᬶᬧᬸᬦ᭄ᬓᬭᬶᬳᬮᬶᬢ᭄᭞ᬤᬸᬭᬸᬂᬳᬸᬦᬶᬂᬮᬫ᭄ᬧᬄᬮᬓᬸ᭞ᬤᬾᬭᬾᬂᬳᬸᬕᬶᬓᬜ᭄ᬘᬩ᭄ᬤᬦ᭄ᬤ᭞ᬭᬭᬾᬫᬸᬦ᭄ᬤᬸᬂᬓᬯᬱ᭄ᬝᬦᬶᬦ᭄᭞ᬓᬯᭂᬕ᭄ᬭᬢᬸ᭞ᬧᬸ
ᬦᬶᬓᬓᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂ᭟᭐᭟᭓᭖᭟ᬫᬗ᭄ᬤᬢᬦ᭄ᬯᬾᬦ᭄ᬢᭂᬦ᭄ᬦᬶᬲ᭄ᬓᬃᬬ᭄ᬬ᭞ᬳᬲ᭄ᬯᬾᬘᬦ᭄ᬳᬶᬭᬢᬸᬗᬸᬭᬶᬧ᭄᭞ᬗᬸᬭᬶᬧ᭄ᬳᬶᬧᬸᬦ᭄ᬧ᭄ᬬᬦᬓ᭄ᬢᬶᬢ᭄ᬬᬂ᭞ᬓᭂᬦᬶᬯᬾᬦ᭄ᬢᭂᬦ᭄ᬫᬫ᭄ᬭᬢᬾᬦᬶᬦ᭄᭞ᬫ
ᬫ᭄ᬬᬸᬭᬫᬲᬗᬸᬯᬶᬦ᭄᭞ᬫᬗ᭄ᬤᬳᬶᬧᬸᬦ᭄ᬢᬸᬢᬸᬕ᭄ᬢᬸᬯᬸᬄ᭞ᬫᬾᬫᬾᬦ᭄ᬜᬩᭂᬘᬶᬓ᭄ᬳᬸᬭᬶᬧᬂ᭞ᬧᬸᬦᬶᬓᬶᬰᬸᬕ᭄ᬭᬳᬶᬦ᭄ᬫᬮᬶᬄ᭞ᬲᬂᬳᬧᬸᬗ᭄ᬕᬸᬂ᭞ᬫᬸᬮᬓᭀᬧᬫᬧᬶᬦᬸᬦᬲ᭄᭟᭐᭟
᭓᭘᭟ᬭᬾᬄᬤᬾᬯᬲᬢ᭄ᬲᬂᬳ᭄ᬬᬂᬥᬃᬫ᭄ᬫ᭞ᬚᬸᬭᬸᬗᬫ᭄ᬧᬸᬭᬬᬂᬧᭂᬮᬶᬄ᭞ᬢᬸᬓᬂᬗᬤ᭄ᬬᬦᬶᬦ᭄ᬧᬶᬦᬸᬦᬲ᭄᭞ᬧᬦ᭄ᬤᬾᬗᬼᬩᬸᬃᬲᬶᬧᭀᬓ᭄ᬳᬢᬶ᭞ᬳᬹᬦ᭄ᬤᬕᬶᬓ᭄ᬭᬧᬂᬰᬸᬘᬶ᭞ᬘ᭄ᬭ
[ ᭑᭐᭐ 100A]
ᬓᬶᬗᬤ᭄ᬬᬦᬶᬦ᭄ᬲᬓᬬᬸᬦ᭄᭞ᬳᬷᬗ᭄ᬕᬶᬄᬧᬸᬦᬶᬓᬮᬦ᭄ᬢᬸᬭᬂ᭞ᬢᬶᬢ᭄ᬬᬂᬚᬸᬭᬸᬫᬦᬸᬦᬲᬶᬦ᭄᭞ᬫᬗ᭄ᬤᬤᬸᬭᬸᬲ᭄᭞ᬳᬶᬭᬢᬸᬫᭀᬮᬶᬳᬂᬬᬰ᭟᭐᭟᭓᭙᭟ᬓᬧᬸᬗ᭄ᬓᬸᬃᬬᬾ
ᬦᬶᬂᬓᬲᬶᬤ᭄ᬥᬦ᭄᭞ᬳᬶᬧᬸᬦ᭄ᬓᬭᬶᬢᬸᬢᬸᬕ᭄ᬳᬸᬭᬶᬧ᭄᭞ᬩᬶᬮᬶᬄᬲᬶᬤ᭄ᬥᬫᬦᬸᬤ᭄ᬢᬸᬤᬂ᭞ᬓᬥᬃᬫ᭄ᬫᬦ᭄ᬳᬶᬭᬢᬸᬮᬸᬯᬶᬄ᭞ᬫᬦᬸᬦᬳᬶᬦ᭄ᬫᬸᬃᬓ᭄ᬓᬤᬺᬗ᭄ᬕᬶ᭞ᬗᬾᬦᬓᬶᬦ᭄ᬲᬲᬫᬦ᭄ᬳᬶᬤᬸᬧ᭄᭞ᬲᬶᬦᬄ
ᬫᬗᬯᬾᬦᬂᬲᬸᬓ᭞ᬭᬶᬂᬓᬬᬸᬦ᭄ᬳᬶᬭᬢᬸᬮᬸᬯᬶᬄ᭞ᬢᬶᬢ᭄ᬬᬂᬫᬶᬮᬸ᭞ᬫᭀᬮᬶᬄᬲᬸᬓᬭᬶᬂᬦᬶᬲ᭄ᬓᬮ᭟᭐᭟᭔᭐᭟ᬲᬂᬲᬸᬩᬸᬤ᭄ᬥᬶᬭᬭᬶᬲ᭄ᬦᬶᬫ᭄ᬩᬮ᭄᭞ᬯᬘᬦᬦᬾᬦᬸᬤᬸᬢ᭄ᬳᬢᬶ᭞ᬩᬸᬥ
ᬯᬬᬄᬗᬸᬢᬂᬢᬶᬢ᭄ᬬᬂ᭞ᬇᬚᬸᬫᬫᬸᬯᬢᬂᬫᬢᬶ᭞ᬬᬦ᭄ᬳᬦᬓᬾᬩᬸᬓᬓᬓᬶ᭞ᬦᬸᬕᬫ᭄ᬧᬂᬜᬮᬦᬶᬦ᭄ᬳᬗ᭄ᬓᬸᬄ᭞ᬳᬧᬦ᭄ᬫᬤᬾᬯᬾᬓᬸᬢ᭄ᬢᬫ᭞ᬪᭀᬬᬯᬢᭂᬓ᭄ᬩᬸ
Kaca:Bali-lontar-gaguritan-sucita-300ppi.pdf/100
Kaca puniki sampun kauji-wacén
