[᭓ 3B]
᭓᭞
ᬤᬓᬧᬗ᭄ᬕᬶᬄ᭞ᬬᬦᬶᬂᬰᬰᬶᬄᬚ᭄ᬬᬾᬱ᭄ᬝᬚᬮᬦᬶᬦ᭄ᬫᬓᬃᬫ᭄ᬫ᭞ᬫᬧᬮᬦᭂᬫᬸᬲᬸᬕᬶᬄ᭞ᬢᭂᬓᬢᬦ᭄ᬧᬲᬗ᭄ᬓᬦ᭄᭞ᬘᭂᬫᭀᬄᬫᬤᬤᬸᬮᬗᬦ᭄᭞ᬲᬶᬂᬕᬯᬾᬦᬂᬤᬤᬶᬯᬺᬤ᭄ᬥᬶ᭞ᬮᬦᬓᬯᬶᬃᬬ᭄ᬬᬦ᭄᭞ᬦᭂᬫᭀᬓᬂᬍᬕᬦ᭄ᬳᬢᬶ᭟
ᬰᬰᬶᬄᬳᬲᬤᬓᬢᭂᬓᬦ᭄ᬓᬾᬯᭂᬄᬲ᭄ᬢᬢ᭞ᬕᬯᬾᬦᬾᬫᬢᬶᬦ᭄ᬤᬶᬄ᭞ᬲᬳᬶᬫᬓ᭄ᬭᬾᬜ᭄ᬘᭀᬗᬦ᭄᭞ᬓᬲᬾᬧᬦ᭄ᬗᬯᬾᬦᬂᬳᬯᬓ᭄᭞ᬓᬢᬸᬗ᭄ᬓᬸᬮᬦ᭄ᬩᬕ᭄ᬩᬕ᭄ᬩᬶᬕ᭄ᬩᬶᬕ᭄᭞ᬍᬧᬸᬕ᭄ᬤᬶᬚᬮᬦ᭄᭞ᬮᬾᬦ᭄ᬫᬢᭂᬧᭂᬢᬶᬦ᭄ᬲ
ᬓᬶᬢ᭄᭟ᬓ᭄ᬭᬡᬚᬦᬶᬢᬶᬗᬳᬾᬫᬧᬳᬸᬫᬳᬦ᭄᭞ᬓᬥᬃᬫ᭄ᬫᬦᬾᬚᬸᬯᬕᬶᬲᬶ᭞ᬳᬶᬲ᭄ᬢ᭄ᬭᬷᬧᬢᬶᬩ᭄ᬭᬢ᭞ᬜᬾᬯᬓᬢᭂᬓᬾᬦ᭄ᬲᭀᬫᬄ᭞ᬧ᭄ᬭᬲᬷᬤ᭄ᬥᬫᬕᬸᬭᬸᬮᬓᬶ᭞ᬲᬵᬓ᭄ᬱᬢ᭄ᬳᬳᬶᬩᬧ᭞ᬫᬗᬶᬲ᭄ᬬᬂᬧᬢᬶᬢᬸᬭᬶᬧ᭄
ᬬᬦ᭄ᬲᬶᬤᬫᬫᬕᭂᬳᬂᬓᬧᬢᬶᬩ᭄ᬭᬢᬦ᭄᭞ᬩᬾᬲᬸᬓ᭄ᬓᬢᭂᬓᬦᬶᬂᬧᬢᬶ᭞ᬫᬫᬗ᭄ᬕᬶᬳᬂᬲ᭄ᬯᬃᬕ᭄ᬕ᭞ᬧᬮᬦ᭄ᬲᬧᬢᬶᬩ᭄ᬭᬢ᭞ᬭᬶᬂᬰᬶᬯᬮᭀᬓᬓᬧᬗ᭄ᬕᬶᬄ᭞ᬫᬩᬸᬓ᭄ᬢᬶᬲᬸᬓ᭞ᬳᬸᬢ᭄ᬢᬫᬦᬶᬂᬤᬾᬯᬢᬶ᭞ᬬᬦ᭄ᬓᬤᬸᬭᬸ
[᭔ 4A]
ᬲ᭄ᬯᬗ᭄ᬮᬢᭂᬓᬾᬦᬶᬂᬲᭀᬫᬄ᭞ᬫᬫᬶᬲᬸᬄᬩᬧᬓᬸᬫ᭄ᬧᬶ᭞ᬗᭀᬢᭀᬭᬶᬦ᭄ᬓᬯᬶᬢᬦ᭄᭞ᬗᬤᭂᬮᬂᬩᬕᬧᭂᬮᬢ᭄᭞ᬫᬓᬤᬶᬫᬫᬢᬶᬫᬢᬶ᭞ᬜᭂᬢᬶᬓ᭄ᬫᬗᬸᬧᬲ᭄᭞ᬲᬮ᭄ᬯᬶᬭᬶᬂᬕᬸᬡᬤᬾᬱ᭄ᬝᬶ᭞ᬓᬢᬶᬩᬦᬦ᭄ᬤᬡ᭄ᬥᬲᬳᬸᬧᬤ᭄ᬭᬯ᭞ᬮᬶᬂᬦᬶᬂᬳᬭᬶᬘᬡ᭄ᬥ
ᬦᬶ᭞ᬯᭂᬓᬲᬶᬂᬦᬭᬓ᭞ᬢᬦ᭄ᬳᭂᬦ᭄ᬢᬲ᭄ᬰᬶᬯᬩᬸᬤ᭄ᬥ᭞ᬲᬲᭀᬗ᭄ᬓᬸᬦᬶᬂᬧᬜ᭄ᬘᬪᬸᬫᬶ᭞ᬳᬶᬲᬶᬦᬶᬂᬓᬯᬄ᭞ᬤᬡ᭄ᬥᬦᬶᬂᬬᬫᬧᬢᬶ᭟ᬲᬓᬮᬦᬶᬱ᭄ᬓᬵᬮᬫᬫᬗ᭄ᬕᬶᬳᬂᬧᬧ᭞ᬬᬾᬦ᭄ᬢᭂᬓᭂᬦᬶᬦ᭄ᬓᬧᬢᬶᬦ᭄᭞ᬳᬸᬫᬶᬢᬶᬲ᭄ᬓᬲᬲᬃ᭞ᬘᬘᬶᬂᬮᬶᬦ᭄ᬢᬄᬓᬸᬭᬶ
ᬘᬓ᭄᭞ᬦᬫᬸᬦᬫᬸᬳᬸᬮᬦ᭄ᬳᬮᬶᬤ᭄᭞ᬤᬤ᭄ᬬᬦᬶᬂᬳᬸᬧᬲ᭄᭞ᬰᬭᬡᬫᬢᬶᬫᬢᬶ᭟ᬢᭀᬓ᭄ᬭᬡᬤᬫᭂᬫ᭄ᬩᬳᬂᬇᬥᭂᬧ᭄ᬳᬗ᭄ᬓᬭ᭞ᬧᬍᬄᬧᬍᬄᬤᬶᬳᬢᬶ᭞ᬲᬶᬧᬢᬶᬦ᭄ᬩᬵᬦ᭄ᬰᬵᬲ᭄ᬢ᭄ᬭ᭞ᬳᭂᬤᬓᬤᬸᬭᬸᬲ᭄ᬓᬂᬓᬂ᭞ᬫᬥᬸᬦᬾᬩᬸᬓᬲᬓᬶᬢᬶ
ᬦ᭄᭞ᬤᬤᬶᬫᬫ᭄ᬩᬾᬤ᭞ᬫᬫᬍᬲ᭄ᬲᬓᬶᬢ᭄ᬳᬢᬶ᭟ᬧᬕᭂᬳᬂᬫᬗᬶᬲ᭄ᬬᬂᬇᬥᭂᬧ᭄ᬓᬥᬃᬫ᭄ᬫᬦ᭄᭞ᬩᬋᬂᬳᬚᬓ᭄ᬫᬸᬧᭀᬦᬶᬦ᭄᭞ᬢᬺᬱ᭄ᬝᬦᬾᬫᬲᭀᬫᬄ᭞ᬲᬵᬓ᭄ᬱᬢ᭄ᬲᬫ᭄ᬧᬶᬧᬢᭂᬓᬧ᭄᭞ᬧᬢᬸᬄᬢᬶᬦ᭄ᬤᬓᬾᬗᭂᬤᭂᬗᬶᬦ᭄᭞
