[᭒ 2B]
᭒
ᬤᭀᬬᬦ᭄ᬢᬶᬯᬲ᭄ᬗᬮᬶᬲ᭄ᬢᬶᬂ᭞ᬤᬤᬶᬗᬸᬢᬂᬳᬸᬢᬂ᭞ᬢᭀᬂᬓᬕᬸᬕᬸᬫᬳᬸᬢᬂ᭞ᬓᬫ᭄ᬩᭂᬦᬾᬩᬾᬳᬾᬓ᭄ᬳᬢᭂᬩᬶᬄ᭞ᬩᭂᬓ᭄ᬢᬾᬫ᭄ᬩᬾᬮᬦ᭄᭞ᬤᬤᬶᬫᬯᬓ᭄ᬮᬗᬤᬶᬂ᭟ᬰᬰᬶᬄᬓᬢᬶᬕᬫᬢᭂᬫᬸᬧᬗᬦ᭄ᬢᬾᬦᬦ᭄᭞ᬲᬧᬮᬧᬦᬓ᭄ᬘᬶᬘᬶᬄ᭞
ᬲᬢᬢᬳᬤᬶᬦᬦ᭄᭞ᬩᬸᬓᬢᭀᬂᬢᬳᬾᬦ᭄ᬳᬗ᭄ᬕᬮ᭄᭞ᬲᬸᬯᬸᬤ᭄ᬘᬫ᭄ᬧᬸᬃᬫᬵᬯᬓ᭄ᬩᬓᬶ᭞ᬢᬸᬮᬓᬂᬓᬫ᭞ᬤᬤᬶᬳᬦᬓ᭄ᬮᬸᬄᬫ᭄ᬯᬦᬶ᭟ᬫᬲᬦᬶᬂᬓᬧᬢ᭄ᬫᬦᬸᬚᬸᬫᬧᬸᬫᬳᬦ᭄᭞ᬫᬧᬮᬲᬸᬓᬲᬸᬕᬶᬄ᭞ᬫᬦ᭄ᬤᬤᬶᬲᬸᬤ
ᬕᬃ᭞ᬗᭂᬧᬓ᭄ᬲᬃᬯ᭄ᬯᬩ᭄ᬭᬭᬶᬸᬡ᭞ᬧᬳᬸᬩᬦ᭄ᬤᬕᬗᬜ᭄ᬚᬯᬶ᭞ᬲᬓᬫ᭄ᬧᬸᬂᬲᭂᬮᬫ᭄᭞ᬲᬅᬭᬩ᭄ᬘᬶᬦᬩᬸᬕᬶᬲ᭄᭟ᬫᬮᬶᬄᬬᬦᬶᬂᬫᬦᬸᬚᬸᬰᬰᬶᬄᬓᬮᬶᬫ᭞ᬦᬾᬮᬸᬄᬩᬓ᭄ᬢᬶᬳᬲ᭄ᬢᬶᬢᬶ᭞ᬳᬓᭂᬦ᭄ᬫᬗᬶᬩᬸᬓᬂ᭞ᬗᬯᬾᬦᬂᬳᬶ
ᬲᬶᬦ᭄ᬳᬸᬫᬄ᭞ᬳᬸᬮᬸᬭᬶᬦ᭄ᬳᬦᬓ᭄ᬫ᭄ᬯᬦᬶ᭞ᬢᭀᬂᬤᬤᬶᬧᬲᬄ᭞ᬧᬶᬢᬺᬱ᭄ᬡᬦᬾᬫᬫᬜ᭄ᬚᬓᬶᬦ᭄᭟ᬰᬰᬶᬄᬓᬦᭂᬫ᭄ᬢᭂᬓᬧᬸᬭᬸᬕ᭄ᬫᬧᬸᬫᬳᬦ᭄᭞ᬦᬾᬮᬸᬄᬫᬯᬓ᭄ᬜᬓᬶᬢᬶᬦ᭄᭞ᬤᬤᬶᬧᬦᬲ᭄ᬩᬭ᭞ᬫᬧᬮᬗᬮᬧᬂ᭞
[᭓ 3A]
ᬓᬮᬄᬢᬸᬫ᭄ᬧᬸᬃᬦᬾᬫ᭄ᬯᬦᬶ᭞ᬫᬢᬶᬓᬤᬤᬓ᭄᭞ᬢ᭄ᬯᬭᬤᬤᬶᬢᬸᬮᬸᬗᬶᬦ᭄᭟ᬬᬦ᭄ᬭᬶᬂᬰᬰᬶᬄᬓᬧᬶᬢᬸᬮᬯᬸᬢ᭄ᬫᬓᬃᬫ᭄ᬫ᭞ᬲᬸᬕᬶᬄᬋᬦ᭄ᬤᬄᬓᬩᬸᬓ᭄ᬢᬶ᭞ᬢᬺᬱ᭄ᬡᬳᬶᬦ᭄ᬩ᭄ᬭᬬ᭞ᬢ᭄ᬯᬭᬢᬳᬾᬦ᭄ᬓᬾᬦ᭄ᬓᬮᬗᬦ᭄᭞ᬲᬶᬂᬳᬮᬶᬄᬳᬾᬗ᭄ᬕ
ᬮ᭄ᬓᬧᬗ᭄ᬕᬶᬄ᭞ᬮᬸᬯᬲ᭄ᬫᬤᬕᬶᬂ᭞ᬮᬪᬤᭀᬬᬦ᭄ᬫᬩᬢᬶ᭟ᬭᬶᬂᬰᬰᬶᬄᬓᬯᭀᬮᬸᬢᬸᬚ᭄ᬯᬂᬫᬓᬃᬫ᭄ᬫ᭞ᬤᭀᬬᬦ᭄ᬫᬧᬮᬫᬢᬶ᭞ᬢᬸᬫ᭄ᬧᬸᬃᬲᬓᬸᬋᬡᬦ᭄᭞ᬫᬢᬶᬓᭂᬦᬧᬗᬯᬵᬦ᭄᭞ᬳᬶᬤᬸᬧ᭄ᬩᬸᬤᬸᬄᬗᬸᬭᬓ᭄ᬳᬭᬶᬓ᭄᭞ᬫᬦᬸᬜ᭄ᬚᭂ
ᬮ᭄ᬳᬸᬫᬄ᭞ᬓᬢᬶᬩᬦ᭄ᬲᬤ᭄ᬢᬢᬬᬶ᭟ᬬᬦᬶᬂᬓᬲᬗᬦᭂᬫᬸᬤᬸᬄᬓᬶᬢᬩᬭ᭞ᬧᬮᬦ᭄ᬜᬦᬾᬓᬤᬮᬶᬄ᭞ᬓᬢᬶᬩᬦᬦ᭄ᬤᬡ᭄ᬥ᭞ᬲᬓᬶᬢ᭄ᬩᬸᬮᬦ᭄ᬩᬸᬮᬦᬦ᭄᭞ᬢᬦᬶᬕᬦ᭄ᬢᬲ᭄ᬧᬶᬲᬦ᭄ᬫᬢᬶ᭞ᬩᭂᬭᬕ᭄ᬘᭂᬓᬾᬳᬦ᭄
ᬗᬺᬕᭂᬲ᭄ᬩᬲᬗᬾᬜᬳᬶᬂ᭟ᬭᬵᬳᬬᬸᬬᬜ᭄ᬚᬮᬦᬶᬦ᭄ᬰᬰᬶᬄᬓᬤᬰ᭞ᬲᬚᬕᬢ᭄ᬧᬤᬳᬲᬶᬄ᭞ᬕᬸᬲ᭄ᬢᬶᬫᬜᬬᬗᬂ᭞ᬭᬵᬢᬸᬫᬗᬶᬘᬾᬦ᭄ᬤᬦ᭞ᬲᬂᬧᬡ᭄ᬥᬶᬢᬫᬗᬚᬳᬶᬦ᭄᭞ᬢᬸᬢᬸᬃᬲᬸᬓ᭄ᬱ᭄ᬫ᭞ᬲᬸᬓᬲ
