[ ᭔ 4B]
᭔᭞
᭟ᬦᬵᬗ᭄ᬳᬶᬂᬫᬶᬦ᭄ᬢᭀᬦ᭄ᬢᭀᬢᭀᬦᬵᬦᬾᬦᬾᬮᬮᬶᬫ᭞ᬫᬓᬫ᭄ᬩᭂᬦ᭄ᬲᬸᬢ᭄ᬭᬢᬗᬶ᭞ᬲᬩᬸᬓ᭄ᬲᬸᬢ᭄ᬭᬲᬫᬵᬃ᭞ᬲᬗ᭄ᬓᬸᬳᬸᬩᬶᬸᬩ᭄ᬤᬤᬸᬜᬮᬂ᭞ᬫᬲᬸᬫ᭄ᬧᬂᬢᬗᬸᬮᬶᬕᭂᬦ᭄ᬤᬶᬂ᭞ᬫᬦᬸᬢᬦᬸᬢᬦ᭄᭞ᬫᬢᬧᬶᬄᬳᬾᬚᭀᬲ᭄ᬓᬸᬦᬶᬂ
᭟ᬳᬢᬸᬳᬬᬸᬅ᭄ᬫᬓᬓᬮᬶᬄᬫᬗ᭄ᬓᬶᬦ᭄ᬫᬶᬬᬲ᭄᭞ᬫᬲᬶᬜ᭄ᬚᬃᬤᬤᬸᬗᭂᬦ᭄ᬤᬶᬄ᭞ᬫᬸᬭᬸᬩ᭄ᬫᬧᬭᬤᬵ᭞ᬫᬯᬲ᭄ᬢ᭄ᬭᬲᬸᬢ᭄ᬭᬕᬥᬂ᭞ᬩᭀᬢ᭄ᬲᬓᬮᭀᬃᬘᬧᬦ᭄ᬢᬯᬶ᭞ᬫᬲᬩᬸᬓ᭄ᬲᬸᬢ᭄ᬭ᭞ᬫᬧ᭄ᬭᬤᬵᬢᬦᬄᬧᬰᬶᬃ᭟ᬳᬦ᭄ᬢᭂᬂᬜ
ᬦᬾᬕᬸᬫᬷᬮᬂᬯᬶᬚᬶᬮ᭄ᬫᬓᬲᬵᬃ᭞ᬫᬭᬂᬭᬂᬩᭀᬭᬾᬄᬫᬶᬳᬶᬓ᭄᭞ᬫᬚ᭄ᬩᬤ᭄ᬓᬲ᭄ᬢᬸᬬ᭄ᬬᬵ᭞ᬧᬳ᭄ᬬᬲᬾᬲᬫ᭄ᬩᬭᬡᬵ᭞ᬓᬾᬯᬮᬫᬕ᭄ᬮᬂᬩᬢᬶᬲ᭄᭞ᬫᬳᭂᬫ᭄ᬧᬃᬳᭂᬫ᭄ᬧᬃ᭞ᬓᬘᬶᬢᬫᬲ᭄ᬩᬾᬤᬦᬶᬦ᭄᭟ᬲ᭄ᬦᬶᬓ᭄ᬮᬗ᭄ᬲᬶᬂᬕᬤᬶᬂᬮᬜ᭄ᬚᬃᬫ
ᬕᬾᬮᬾᬭᬦ᭄᭞ᬫᬶᬭᬶᬩ᭄ᬧᬸᬢ᭄ᬭᬶᬤᬶᬢᬸᬮᬶᬲ᭄᭞ᬧᬦ᭄ᬢᭂᬲ᭄ᬧᬶᬂᬩᬶᬓᬲᬂ᭞ᬗᬯᬾᬳᬸᬮᬗᬸᬦ᭄ᬫᬦᬄ᭞ᬜᬦ᭄ᬤᬂᬢ᭄ᬯᬄᬗᭂᬜᬸᬤ᭄ᬤᬂᬗᬢᬶ᭞ᬳᬲᬶᬂᬲᭀᬮᬳᬂ᭞ᬓᬲᬸᬩ᭄ᬗᭂᬩᭂᬓᬶᬦ᭄ᬕᬸᬫᬶ᭟ᬬᬦ᭄ᬢᭀᬳᬯᬲ᭄ᬢ᭄ᬯᬄᬜᬦ᭄ᬤᬂᬫᬗ᭄ᬤ
[ ᭕ 5A]
ᬯᬾᬲ᭄ᬫᬂ᭞ᬧᬦ᭄ᬢᭂᬲ᭄ᬳ᭄ᬬᬓᬸᬗ᭄ᬓᬸᬂᬧᬶᬗᬶᬢ᭄᭞ᬳᬚᬓ᭄ᬫᬓᬲᬸᬓᬦ᭄᭞ᬭᬸᬫ᭄ᬭᬸᬫ᭄ᬳᬗ᭄ᬕᭀᬦ᭄ᬩᬩᬗ᭄ᬕᬦ᭄᭞ᬮᬮᭀᬜᭀᬄᬩᬦ᭄ᬫᬸᬜᬶᬫᬦᬶᬲ᭄᭞ᬓᬾᬢᭀᬧᬃᬡ᭄ᬦᬬᬂ᭞ᬲ᭄ᬤᭂᬂᬳᭂᬢᭀᬳᬶᬦ᭄ᬧᬢᬶ᭟᭐᭟᭚ᬲᬶᬦᭀᬫ᭄᭚ᬳ
ᬧᬦ᭄ᬢ᭄ᬯᬄᬜᬦ᭄ᬤᬂᬲᬬᬗᬂ᭞ᬚ᭄ᬕᬾᬕᬾᬩᬸᬓᬵᬥᬤᬭᬶ᭞ᬓ᭄ᬮᬧ᭄ᬓᭂᬮᬧ᭄ᬫᬗᬸᬫ᭄ᬩᬭ᭞ᬩᬸᬓᬵᬤᬾᬯᬦᬾᬤᬶᬢᬸᬮᬶᬲ᭄᭞ᬧᬫᬸᬮᬸᬮᬸᬫ᭄ᬮᬸᬫ᭄ᬕᬥᬶᬂ᭞ᬯᬮᬸᬬᬵᬲᬸᬢᬺᬕᬕᬸᬮᬸᬂ᭞ᬢᬗᬶᬫᬲᭂᬫ᭄ᬩᬃᬧ᭄ᬭᬤᬵ᭞ᬩᬦᬾᬫ᭄ᬭᬗ᭄ᬭᬂᬩᭀᬭᬾᬄᬫᬶ
ᬳᬶᬓ᭄᭞ᬢᬗᬦ᭄ᬳᬮᬸᬲ᭄᭞ᬳᬦᬸᬢ᭄ᬧᬳᬸᬢ᭄ᬢᭂᬓᬾᬦ᭄ᬦᬵᬓᬵ᭟ᬫᬤ᭄ᬬᬦᬾᬫ᭄ᬭᭀᬲ᭄ᬜᬸᬭᬶᬕ᭄ᬕᬵ᭞ᬫᬗᬮᬶᬕᬍᬫ᭄ᬧᬸᬂᬕᬥᬂ᭞ᬲᬸᬲᬸᬦᬾᬳᬧᬳᬤᬜ᭞ᬳᬾᬫᭂᬂᬲᬓᬯᬶᬗᬤᬦᬶᬦ᭄᭞ᬜᬸᬄᬥᬦ᭄ᬢᬦᬾᬫᬗ᭄ᬮᬶᬂ᭞ᬳ
ᬳᬲ᭄ᬮᬩᬸᬄᬧᬤᬵᬳ᭄ᬢᬸᬄ᭞ᬢᬓᬸᬢ᭄ᬳ᭄ᬬᬫᬢᬦ᭄ᬤᬶᬗᬦ᭄᭞ᬫᬢ᭄ᬫᬳᬦ᭄ᬫᬢᬶᬲ᭄ᬤᬶᬄ᭞ᬭᬕᬳᬮᬸᬲ᭄ᬢᬶᬧᬶᬲ᭄ᬗ᭄ᬭᬦᬂᬩᬸᬓᬵᬧᭀᬮ᭟ᬘᬘᬶᬗᬓᬾᬗᭂᬦ᭄ᬤᬄᬘᬓ᭄ᬘᬓ᭄᭞ᬗ᭄ᬭᬜᬩ᭄ᬫᬲᭂᬫ᭄ᬩᬭᬦ᭄ᬢᬢᬶᬢ᭄᭞ᬜᭂᬜᭂᬃᬗᭂᬫ᭄ᬩᭃᬂ
Kaca:Bali-lontar-gaguritan-smara-ratih-300ppi.pdf/5
Kaca puniki sampun kauji-wacén
