[ ᭓ 3B]
᭓᭞
ᬗ᭄ᬮᬗ᭄ᬲᬃ᭞ᬧᬫᬢᬸᬄᬧᬦᬸᬗ᭄ᬓᬸᬮ᭄ᬕᬸᬫᬶ᭞ᬫᬗᬲᬶᬄᬳᬢ᭄ᬫᬵ᭞ᬲᬶᬂᬧᬳᭂᬓ᭄ᬤᬦᬶᬓᬰᬶᬄ᭟ᬤᬶᬢᬶᬦ᭄ᬤᬓᬦ᭄ᬫᬶᬯᬄᬢ᭄ᬓᬾᬦ᭄ᬤᬶᬢᬬᬸᬗᬦ᭄᭞ᬗᬫᭀᬂᬳᬶᬘ᭄ᬢᬶᬓ᭄ᬤᬾᬱ᭄ᬝᬶ᭞ᬢᭀᬫᬦ᭄ᬢ᭄ᬭᬧᬫ᭄ᬓᬲ᭄᭞ᬧᬳᬶᬘᬦ᭄ᬫ᭄ᬧᬸᬩ᭄ᬭᬥᬄ᭞ᬫᬶᬯᬄ
ᬳᬶᬕᬥᬹᬂᬓᬲ᭄ᬢᬸᬭᬶ᭞ᬳᬶᬧᬸᬥᬓ᭄ᬫᭂᬓᬵᬃ᭞ᬚ᭄ᬭᭀᬫᬩᬸᬢ᭄ᬗᬸᬯᬾᬳᬶᬦ᭄᭟ᬲᬸᬳᬸᬦ᭄ᬫᬧᬬᬲ᭄ᬳᬶᬬᬵᬚᬦᬶᬳᬶᬚᬾᬗ᭄ᬕᭂᬮᬃ᭞ᬫᬓᬫ᭄ᬩᭂᬦ᭄ᬤᬤᬸᬗᭂᬦ᭄ᬤᬶᬄ᭞ᬫᬓᬸᬮᬫ᭄ᬩᬶᬕᬥᬵᬂ᭞ᬤᬶᬧᬕ᭄ᬮᬗᬦ᭄ᬫᬲᬸᬮᬫ᭄᭞ᬫᬫᭀᬤ᭄ᬭᬾᬫᬘᭀᬘ᭄ᬙᬵ
ᬗᭂᬦ᭄ᬤᬶᬦ᭄᭞ᬓ᭄ᬩᭀᬲᬓᬸᬦᬂ᭞ᬲᬩᬸᬓ᭄ᬜᬦᬾᬗᬾᬤᬦᬶᬦ᭄᭟ᬫᬢᬶᬓᬸᬮᬂᬲᬧᬸᬢ᭄ᬱᬼᬗᬶᬢᬗᬶᬲᬸᬢ᭄ᬭᬵ᭞ᬫᬤᬗᬦᬦ᭄ᬕ᭄ᬭᬦ᭄ᬢᬶᬫ᭄᭞ᬫᬳᭀᬭᬗ᭄ᬓᬵᬥᬦ᭄ᬢᬵ᭞ᬲ᭄ᬮᬸᬢ᭄ᬢᬶᬦᬯ᭄ᬯᬚᬯ᭄ᬯ᭞ᬧᬳᬸᬣᭂᬦᭂᬫ᭄ᬫᬶᬭᬄᬳᬤᬶ᭞ᬩᬳᬸᬢᬗᬸᬦ
ᬦ᭄᭞ᬫᬬᭃᬂᬳᬦᬸᬢ᭄ᬗᬾᬤᬦᬶᬦ᭄᭟ᬲᬩᬸᬓ᭄ᬩᬢᬶᬓ᭄ᬲᬸᬢ᭄ᬭᬲᬼᬫ᭄ᬫᬧ᭄ᬭᬤᬵ᭞ᬳᭀᬜ᭄ᬘᭀᬃᬜᬦᬾᬗᬾᬤᬦᬶᬦ᭄᭞ᬲᬸᬢ᭄ᬭᬳᬢᬸᬭᬸᬢᬦ᭄᭞ᬗᭂᬦ᭄ᬤᬶᬄᬕᬾᬫ᭄ᬧᬾᬮ᭄ᬩᬦ᭄ᬧ᭄ᬭᬤᬵ᭞ᬓᬫ᭄ᬧᬾᬓ᭄ᬜᬦᬾᬧᭀᬮᬾᬂᬧᬲ᭄ᬢᬶ᭞ᬫ
[ ᭔ 4A]
ᬩᬸᬘᬸᬳ᭄ᬫᬲ᭄᭞ᬢᬾᬓᭀᬃᬤ᭄ᬯᬂᬤᬰᬵᬗᬶᬲ᭄ᬭᬶᬂ᭟ᬫᬢ᭄ᬕᬓᬦ᭄ᬚᬭᬦ᭄ᬚᬕᭀᬜᬄᬳᬦ᭄ᬢᬯᬵ᭞ᬫᬓᭂᬓᭂᬧᬸᬄᬫᬵᬯᬶᬮᬶᬲ᭄᭞ᬫᬧᬫᬸᬗ᭄ᬓᭂᬫ᭄ᬳᭂᬫᬲ᭄᭞ᬮᬮᬾᬦ᭄ᬢᬾᬃᬓᬫᬳᭀᬦ᭄ᬩᬂ᭞ᬫᬳᬾᬩᬾᬕ᭄ᬫᬲᭀᬘ᭄ᬘᬵᬗᭂᬦ᭄ᬤᬶᬄ᭞ᬫᬲᬗ᭄ᬕᬩ᭄ᬬ
ᬲ᭄᭞ᬳᬦᬸᬢ᭄ᬢ᭄ᬓᬾᬦ᭄ᬓᬸᬦ᭄ᬤᬮᬶ᭟ᬮᬯᬸᬢ᭄ᬧ᭄ᬲᬸᬫᬚᬮᬦ᭄ᬫᬗᭀᬮᬄᬭᬭᬲ᭄᭞ᬢᬦ᭄ᬲᬄᬳᬶᬭᬶᬗᬂᬩ᭄ᬤᬶᬮ᭄᭞ᬳᬸᬢᬓ᭄ᬮᬦ᭄ᬓᬮᬯᬂ᭞ᬤᬶᬫᬵᬃᬕ᭄ᬕᬦᬾᬗᬗᬶᬦᬂ᭞ᬫᬢᬗ᭄ᬓᭂᬧ᭄ᬗᬕᭂᬫ᭄ᬘᬫ᭄ᬢᬶ᭞ᬦᬤ᭄ᬢᬤ᭄ᬮᬜ᭄ᬘᬶᬗᬦ᭄᭞ᬢᬦ᭄ᬤᬂᬢᬦ᭄ᬤᬂ
ᬗᬾᬤᬦᬶᬦ᭄᭟ᬲᬦ᭄ᬤᬵᬳᬶᬚᬸᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭞ᬦᬗᬄᬫᬶᬗᬶᬲ᭄ᬫᬢᬗ᭄ᬓᬶᬲ᭄᭞ᬗᬦᬸᬢᬂᬮᬮ᭄ᬬᬢ᭄᭞ᬜᭂᬜᭂᬃᬫᬗᬯᬂᬳᬯᬂ᭞ᬫᬳᬶᬭᬶᬩ᭄ᬫᬗᬯᬲ᭄ᬓᭂᬤᬶᬲ᭄᭞ᬬᬦ᭄ᬳᬶᬚᬜᬦ᭄ᬤᬂ᭞ᬧᬘᬂᬕᭂᬩ᭄ᬮᬕᬶᬦ᭄ᬩᭂᬤᬶᬮ᭄᭟
ᬓᬘᬭᬶᬢ᭄ᬣᬳᬢᬸᬅ᭄ᬳᬬᬸᬅ᭄ᬯᬶᬤᬦᬶᬂᬭᬵᬢ᭄᭞ᬓᬮᬯᬦ᭄ᬯᬶᬤᬦᬶᬂᬲᬶᬄ᭞ᬧᬤᬫᬤᬩ᭄ᬤᬩᬦ᭄᭞ᬗᬦ᭄ᬢ᭄ᬬᬂᬫᬦ᭄ᬤᬸᬲ᭄ᬓᬢᬸᬓᬤ᭄᭞ᬳᬦᬓ᭄ᬫᬢᬶᬫᬦᬓ᭄ᬳᬶᬩᬶ᭞ᬫᬫᬢᬸᬢ᭄ᬧᬬᬲ᭄᭞ᬢ᭄ᬯᬄᬳᬚᬓ᭄ᬧᬶᬢᬸᬂᬲᬶᬓᬶ
Kaca:Bali-lontar-gaguritan-smara-ratih-300ppi.pdf/4
Kaca puniki sampun kauji-wacén
