[ ᭓᭐ 30B]
᭓᭐᭞
ᬭᬂᬳᬸᬭᬶᬧ᭄᭞ᬗᬸᬤᬵᬫ᭄ᬦᭃᬂᬫᬫᭂᬦ᭄ᬤᬶᬮ᭄᭞ᬲᬶᬜᬫᬘᬭᬵᬤᬾᬯᬕᬸᬂ᭞ᬦᬧᬶᬲᬶᬲᬮᬄᬢ᭄ᬬᬂ᭞ᬳᬭᬄᬦᬄᬮᬯᬸᬢᬂᬢᬶᬕ᭄ᬢᬶᬕ᭄᭞ᬢ᭄ᬬᬂᬳᬶᬗᬸᬄᬗᭂᬦᭀᬢ᭄ᬳᬶᬤᬵᬫᬗ᭄ᬭᬸᬗᬸᬲᬂ᭟ᬩ᭄ᬯᬶᬦ᭄ᬓᬤᭀᬧ᭄ᬤᭀᬧ᭄ᬤᬶᬫᬦ᭄᭞ᬕᬸᬲ᭄ᬢᬶᬳᬬᬸᬤᬤᬶᬜ᭄ᬭᬶ
ᬢ᭄᭞᭞ᬕ᭄ᬮᬸᬫᬗᬤᬾᬦᬂᬢᭀᬜ᭞ᬫᬢᬶᬢ᭄ᬬᬂᬚᬦᬶᬳᬤᬶ᭞ᬦᬾᬢᭀᬜᬢ᭄ᬓᬫᬳᬶ᭞ᬦᬄᬳ᭄ᬜᬶᬢᬂᬤᬫᬃᬫᬮᬸ᭞ᬳᬬᬸᬅ᭄ᬩᬗᬸᬦ᭄ᬳᬾᬗ᭄ᬕᬮᬂ᭞ᬳᬶᬩᬶᬦ᭄ᬤᬃᬓ᭄ᬤᬾᬓ᭄ᬜᬳᬸᬢᬶᬦ᭄᭞ᬢᭀᬜᬳᬧᬵᬧᭀᬗᬄᬗᬮᬶᬄᬭᬢᬸᬩᬸᬮᬦ᭄᭟
ᬳᬶᬩᬶᬦ᭄ᬤᬃᬳᬧᬂᬮᬯᬜ᭞ᬫᬢᬓᭃᬂᬳ᭄ᬢᭀᬳᬦ᭄ᬕᭂᬢᬶᬄ᭞ᬤᬅ᭄ᬜ᭄ᬭᬶᬢ᭄ᬫᬳᬶᬧᬳᭂᬓᬂ᭞ᬢᬗ᭄ᬓᬄᬢ᭄ᬬᬗᬾᬓᬓᭂᬩᬶᬦ᭄ᬓᭂᬚᬵᬮᬓᬸᬜᬗᬮᬶᬄ᭞ᬫᬳᬶᬲᬬᬂᬳᬦᬓᬕᬸᬂ᭞ᬕᬸᬲ᭄ᬢ᭄ᬬᬬᬸᬤᬤᬶᬋᬗᬲ᭄᭞ᬧ᭄ᬭᬬᬦᬾᬧᬘᬂᬫ
ᬕ᭄ᬥᬶ᭞ᬮᬯᬸᬢ᭄ᬦᬶᬕ᭄ᬢᬶᬕ᭄᭞ᬦ᭄ᬤᬾᬦ᭄ᬮᬾᬩᬂᬤᬅ᭄ᬫᬗᬶᬲ᭄ᬬᬂ᭟ᬳᬶᬩᬶᬦ᭄ᬤᬵᬃᬳ᭄ᬩᬄᬫᬕᬸᬬᬂ᭞ᬤᬶᬧᬩᬶᬦᬦᬾᬗᬺᬋᬫᬶᬄ᭞ᬳᬭᬄᬭᬢᬸᬫᬢᬶᬢ᭄ᬬᬂ᭞ᬬᬾᬦ᭄ᬓᬮᬳᬶᬦ᭄ᬭᬢᬸᬚᬦᬶ᭞ᬧᬶᬢᬸᬮᬸᬲ᭄ᬭᬢᬸᬳᭀᬮᬲᬶᬦ᭄᭞ᬓᬤᬸᬂᬲᬸᬩᬓᬾ
[ ᭓᭑ 31A]
ᬦᬾᬭᬢᬸ᭞ᬳᬫ᭄ᬧᬸᬭᬵᬗ᭄ᬳᬶᬂᬢᬸᬮᬸᬲᬂ᭞ᬧᬜ᭄ᬚᬓᬂᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬤᬚᬵᬢᬦ᭄ᬤ᭄ᬭᬸᬄᬯᬶᬭᬾᬄᬕᬯᬾᬢᬤᬜ᭟ᬳ᭄ᬤᬭᬢᬸᬲᬸᬫᬗ᭄ᬲᬬᬵ᭞ᬧᬶᬢᬺᬱ᭄ᬡᬦ᭄ᬢ᭄ᬬᬗᬾᬕᬶᬲᬶ᭞ᬓ᭄ᬭᬡᬢ᭄ᬬᬂᬧᬋᬓ᭄ᬫᬶᬭᬄ᭞ᬜᬤ᭄ᬬᬦᬸᬦᬲ᭄ᬩᭂᬓᭂᬮ᭄ᬫᬢᬶ
᭞ᬋᬗᭂᬢ᭄ᬳᬶᬩᬶᬦ᭄ᬤᬵᬃᬤᬤᬶ᭞ᬫᬺᬓᭀᬱᬵᬮᬯᬸᬢ᭄ᬫᬗᬺᬩᬸᬢ᭄᭞ᬓᬳᬶᬲᬶᬓᬲᬚᬬᬂ᭞ᬢᬗ᭄ᬓᭂᬧ᭄ᬜᬦᬾᬗᬸᬮᬗᬸᬦᬶᬦ᭄᭞ᬳᬦᬓ᭄ᬤᬸᬯᭂᬕ᭄ᬦᬩᬸᬄᬲ᭄ᬫᬵᬭᬵᬧᬕᬸᬮᬶᬗᬦ᭄᭟ᬳᭂᬳᭂᬲ᭄ᬕᬸᬲ᭄ᬢᬶᬳᬬᬸᬓᭂᬲ᭄ᬬᬩ᭄᭞ᬓᬍᬗᭂᬃᬫᬭᬲᬵᬫᬢᬶ᭞ᬓ᭄ᬦᭂᬄᬳᬵ
ᬩᬸᬓᬵᬧ᭄ᬭᬮᬬᬵ᭞ᬘᭂᬧᭂᬢ᭄ᬕᬸᬲ᭄ᬢᬶᬩᬕᬸᬲ᭄ᬭᬶᬭᬶᬲ᭄᭞ᬗᬩᬶᬦ᭄ᬢᬸᬃᬗᬫᬦ᭄ᬢ᭄ᬭᬳᬶᬦ᭄᭞ᬯᬶᬚᬬᬵᬓᬸᬲᬸᬫᬢᬶᬦᬹᬢ᭄᭞ᬧᬦᬸᬦ᭄ᬢᬸᬦ᭄ᬲᬗ᭄ᬳ᭄ᬬᬂᬳᬢ᭄ᬫᬵ᭞ᬕᬸᬲ᭄ᬢᬶᬳᬬᬸᬫᬗᬮᬶᬮᬶᬃ᭞ᬓᬫᬦᬶᬲᬶᬦ᭄ᬭᬵᬢᬸᬤᭀᬂᬘᬶᬗᬓᬶᬦ᭄ᬢ᭄ᬬᬂ᭟ᬫᬭᬢᬸᬫᬵᬲ᭄ᬳᬚᬓ᭄ᬢ᭄ᬬᬂ᭞ᬧᬶ
ᬲᬦ᭄ᬩᬋᬂᬚᬮᬄᬫᬢᬶ᭞ᬤᭀᬂᬤᬳᬶᬤᬵᬗᬸᬢᬂᬢ᭄ᬬᬂ᭞ᬳᬧᬧ᭄ᬯᬭᬵᬦ᭄ᬢ᭄ᬬᬗᬾᬤᬶᬦᬶ᭞ᬳ᭄ᬦᬸᬳᬶᬤᬸᬧᬤᬶᬤᬶ᭞ᬩᭀᬬᬜᬦ᭄ᬤᬂᬢ᭄ᬬᬂᬭᬵᬢᬸ᭞ᬗ᭄ᬕᭂᬮᬵᬕᭂᬮᬵᬲᬢᬢᬵ᭞ᬲᬢᬸᬗ᭄ᬕᬦ᭄ᬳᬶᬤᬸᬧᬾᬲ᭄ᬤᬶᬄ᭞ᬦᬄᬳᬫ᭄ᬩᬸᬮ᭄ᬗᭀᬳᬤᬧᬦᬮᬶᬓᬵ
Kaca:Bali-lontar-gaguritan-smara-ratih-300ppi.pdf/31
Kaca puniki sampun kauji-wacén
