[ ᭒᭕ 25B]
ᬬᬢᬶ᭞ᬕᬸᬲ᭄ᬢᬶᬳᬬᬸᬳᬦᭀᬫ᭄ᬫᬢᬹᬃ᭞ᬫ᭄ᬩᭀᬓ᭄ᬳᬬᬸᬅ᭄ᬗ᭄ᬕᬶᬭᬯᭀᬲᬂ᭞ᬫᬸᬜᬶᬦ᭄ᬢᬸᬮᬶᬲᬾᬩᬲ᭄ᬫᬦᬶᬲ᭄᭞ᬬᬦ᭄ᬧᬸᬘᬶᬗᬶᬦ᭄ᬢᬦ᭄ᬧᭀᬮᬶᬄᬬᬫᬲᭀᬘᬧᬦ᭄᭟ᬳᬾᬫᭂᬂᬲᬦ᭄ᬢᬶᬢ᭄ᬬᬂᬫᬫᬦᬄ᭞ᬕᬸᬲ᭄ᬢᬶᬳᬬᬸᬫᬜᬳᬸᬢᬶᬦ᭄᭞ᬢ
ᬓᬾᬬᬦ᭄ᬧᬘᬂᬲ᭄ᬩᭂᬢᬂ᭞ᬩᬲᬾᬭᭀᬓᭀᬦᬾᬳᬩ᭄ᬲᬶᬓ᭄᭞ᬚᬮᬄᬩᬳᬂᬬᬵᬚᬦᬶ᭞ᬳᬶᬲᬸᬮᬲᬶᬄᬢᬸᬦ᭄ᬤᬾᬦ᭄ᬧ᭄ᬲᬸ᭞ᬲᬧᬸᬦᬧᬶᬫᬲᬸᬭᬢ᭄᭞ᬫᬫᬢᬸᬢ᭄ᬕᬸᬲ᭄ᬢ᭄ᬬᬬᬸᬳᬤᬶ᭞ᬓ᭄ᬫᬳᬶᬩᬦᬵᬕᬲᬭᬶᬜ᭄ᬫᬓ᭄ᬳᭂᬦ᭄ᬢᬮ᭄᭟᭐᭟
᭚᭜᭚ᬧᬗ᭄ᬓᬸᬃ᭝ᬗᬸᬦ᭄ᬢᬸᬓ᭄ᬦᬸᬮᬶᬲ᭄ᬫᬓᬵᬤᬤ᭄ᬯ᭞ᬗᬳᬾᬫᬸᬜᬶᬧᬤᬵᬲᬮᬾᬂᬫᬦᬶᬲᬶᬦ᭄᭞ᬓᬕᬺᬓ᭄ᬧᬕᬯᬾᬦᬾᬦᬸᬤᬸᬄ᭞ᬧᬲ᭄ᬢ᭄ᬯᬜᬤᬤᬶᬧᭀᬗᬄ᭞ᬫᬦᬶᬫ᭄ᬧᬮᬶᬦ᭄ᬫᬸᬜᬶᬦ᭄ᬢᬸᬮᬶᬲᬾᬦᬾᬩᬯᬸ᭞ᬧᬗ᭄ᬯᬲᬾᬘ
ᬭᬶᬢᬬᬂ᭞ᬧᬤᬤ᭄ᬯᭂᬕ᭄ᬗᬰᬶᬳᬰᬶᬄ᭞ᬩᬶᬄᬦᬶᬓᬵᬗᬸᬤᬦᬶᬓᬵᬳᬤᬜ᭞ᬩᬲ᭄ᬓᬮᬶᬯᬢ᭄ᬗᭂᬩᬸᬲᬶᬦ᭄ᬳᬸᬮᬸᬦ᭄ᬦᬢᬶ᭞ᬩᬲ᭄ᬓᬾᬦ᭄ᬢᭂᬦ᭄ᬢᬳᬦᬓᬕᬸᬂ᭞ᬗᬳᬾᬦᬂᬚ᭄ᬗᬄᬢ᭄ᬬᬂ᭞ᬓᬸᬭᬶᬂᬓᬦ᭄ᬢᬶᬗᬍᬧᬶᬲ᭄ᬩᬦ᭄ᬓᬵᬫ᭄ᬧᬾᬓ᭄ᬲᬸᬬᬸᬂ᭞ᬧᬋᬓ
[ ᭒᭖ 26A]
ᬦᬾᬚᬢᬸᬦ᭄ᬤᬾᬦᬂ᭞ᬦᬕᬶᬳᬶᬦ᭄ᬢ᭄ᬬᬂᬓᬧᬸᬭᬶ᭟ᬦᬶᬓᬶᬲᬩᬸᬓ᭄ᬧ᭄ᬮᬗᬶᬢᬤᬂ᭞ᬓᬾᬦᬶᬂᬩᬲᬾᬭᭀᬓᭀᬲᬵᬫ᭄ᬧᬸᬦ᭄ᬜᬶᬢ᭄᭞ᬫᬫᬦᬶᬲᬦ᭄ᬓᭀᬍᬓ᭄ᬲᬸᬓᬸᬦ᭄᭞ᬳᬶᬤᬵᬓᬾᬓᬬᬸᬦ᭄ᬭᬸᬚᬓ᭄᭞ᬚᬶᬧᬸᬩ᭄ᬯᬶᬦ᭄ᬕᬳᬾᬦᬂᬦᬄᬓᬾᬫᬤᬸ
᭞ᬲᬶᬜᬳᬧᬵᬢᭀᬩᬸᬤᬶᬬᬂ᭞ᬢᬸᬦ᭄ᬤᬾᬦᬂᬫᬳᬶᬫᬦᬕᬶᬄ᭟ᬓᬸᬭᬶᬂᬲᬜ᭄ᬚᬫᬤᬸᬮᬸᬭᬦ᭄᭞ᬜᬾᬦ᭄ᬲᬶᬲᬶᬧᭀᬓ᭄ᬦᬕᬶᬄᬧᬘᬂᬕᬧ᭄ᬕᬧᬶᬦ᭄᭞ᬮᬕᬸᬢᬾᬫᬗ᭄ᬮᬄᬮ᭄ᬬᬸ᭞ᬢ᭄ᬯᬭᬵᬤᬓ᭄ᬯᬂᬗᬧᬵ᭞ᬜᬾᬦ᭄ᬲᬶᬧᭀᬗᬄᬫᬤᬕᬂᬓᬾᬳ
ᬢᬸᬅ᭄ᬩᬕᬸᬲ᭄᭞ᬮᬳᬸᬢ᭄ᬓᬵᬫᬳᬂᬚᬶᬦᬃ᭞ᬲᬸᬩᬲᬚᬳᬦᬓ᭄ᬲᬸᬕᬶᬄ᭟ᬜᬾᬦ᭄ᬲᬶᬲᭂᬳᭂᬫ᭄ᬫᬗ᭄ᬭᬲᬬᬂ᭞ᬩᬜᬗᬸᬤᬵᬍᬕᬲᬦ᭄ᬧᬧᬓ᭄ᬢᬫ᭄ᬧᬶ᭞ᬮᬕᬸᬢᬾᬫᬕᭀᬩᬮ᭄ᬬ᭞ᬦᬾᬗ᭄ᬮᬄᬬᬾᬦ᭄ᬤᬶᬚᬳᬵ᭞ᬳᬤᬦ᭄ᬤᬵ
ᬳᬦᬓ᭄ᬫᬳᬂᬓᬢᬶᬓ᭄ᬳᭂᬢᬸᬄ᭞ᬓᬾᬄᬬᬫᬦ᭄ᬤᬤᬶᬤᬸᬓᬶᬢ᭄ᬣᬵ᭞ᬳᬄᬫᬮᬫᬮᬦ᭄ᬜᬢᬸᬲᬶᬂ᭟᭐᭟᭚ᬫᬲ᭄ᬓ᭝ᬦᬄᬳᬫ᭄ᬩᬸᬮ᭄ᬢᭀᬧᬜᬶᬦ᭄ᬜᬦᬾᬤᬶᬢᬸᬮᬶᬲ᭄᭞ᬗ᭄ᬕᬯᬾᬫᬦᬄᬧᬸᬲᬂ᭞ᬫᬓᬧᬸᬢ᭄ᬩᬦ᭄ᬲᬸ
Kaca:Bali-lontar-gaguritan-smara-ratih-300ppi.pdf/26
Kaca puniki sampun kauji-wacén
