[ ᭒᭖ 26B]
᭒᭖᭞
ᬢᬺᬓᬸᬦᬶ᭞ᬧ᭄ᬘᬓ᭄ᬮᬳᬤ᭄ᬲᬧᬸᬢᬗᬦ᭄᭟ᬦᬾᬫᬳᬗ᭄ᬕᭀᬲᬤᬸᬓᬾᬮ᭄ᬯᬲ᭄ᬫᬮᬮᬶ᭞ᬲᬧᬤᬸᬮᬸᬭᬜ᭞ᬓᬩᬳᬂᬳᬶᬦᬵᬕᬲᬭᬶ᭞ᬭᬭᬶᬲ᭄ᬳᬶᬧᬸᬦ᭄ᬗᬚᬩᬬᬂ᭟᭐᭟᭚ᬤᬹᬃᬫ᭄ᬫᬵ᭝ᬓᬳᬸᬘᬧᬂᬳᬶᬚᬾᬗ᭄ᬕᭂᬮᬃᬳ
ᬚᬓ᭄ᬳᬶᬩᬶᬦ᭄ᬤᬃ᭞ᬢ᭄ᬯᬭᬧᬸᬍᬲ᭄ᬫᬦ᭄ᬤᭂᬮᬶᬓ᭄᭞ᬫᬫᬵᬃᬡ᭄ᬦᬬᬂᬳᬯᬓ᭄᭞ᬧᬓ᭄ᬦᭂᬳᬜᬳᬸᬬᬂ᭞ᬫᬗᬦ᭄ᬢᬶᬳᬶᬦᬕᬲᬭᬶ᭞ᬤᬤᬶᬫ᭄ᬩ᭄ᬬᬧᬭᬵ᭞ᬧᬓ᭄ᬦᭂᬳᬜᬧᬮᬶᬂ᭟ᬤᬤᬶᬲ᭄ᬮᬂᬲᬶᬂᬫᬓᬺᬱᭂᬓᬦ᭄ᬤᬶᬗᭂᬄᬳᬂ᭞ᬓᬾᬯᬮᬫᭂᬦ᭄ᬤᭂᬧ᭄ᬗᭂᬧᬶᬮ᭄᭞
ᬳᬗ᭄ᬕᭀᬦ᭄ᬫᬜᬭᬸᬯᬂ᭞ᬢ᭄ᬓᬳᬶᬦᬵᬕᬲᬃᬬ᭄ᬬ᭞ᬜ᭄ᬚ᭄ᬭᬶᬢ᭄ᬫᬸᬜᬶᬦᬾᬫᬯᬗ᭄ᬲᬶᬢ᭄᭞ᬫᬧᬶᬦᬓᭀᬦᬂ᭞ᬕᬸᬲ᭄ᬢᬶᬦ᭄ᬜᬦᬾᬦᬾᬚᬦᬶ᭟ᬤᬤ᭄ᬬᬜᬲᬂᬓᬮᬶᬄᬗᬯᬾᬳᬸᬧᬬᬵ᭞ᬳᬶᬩᬶᬦ᭄ᬤᬃᬬᬫᬫᬸᬜᬶ᭞ᬫᬦᬸᬦ᭄ᬤᬸᬦ᭄ᬳᬶᬚᬾᬗ᭄ᬕᭂᬮᬃ᭞
ᬢᬸᬤᬾᬅ᭄ᬢᬮᬄᬓᬢᬸᬓᬤ᭄᭞ᬳᬭᬄᬩᬲᬂᬢ᭄ᬬᬗᬾᬲᬓᬶᬢ᭄᭞ᬜ᭄ᬫᬓ᭄ᬓᬗᬶᬸᬤᬸᬢᬦ᭄᭞ᬧ᭄ᬲᬸᬯᬦ᭄ᬫᬓᬓᬮᬶᬄ᭟ᬗᭂᬦᬄᬳᬶᬬᬵᬳᬶᬦᬕᬲᬭᬶᬗᬦ᭄ᬢᬶᬬᬂ᭞ᬲᬂᬓᬮᬶᬄᬫᬜ᭄ᬚᬕ᭄ᬚᬕᬶᬦ᭄᭞ᬜ᭄ᬫᬓ᭄ᬮᬯᬸᬢ᭄ᬦᬦ᭄ᬤᬦ᭄᭞ᬳᬚ
[ ᭒᭗ 27A]
ᬓ᭄ᬫᬲᬮᬶᬦ᭄ᬤᬸᬯᬦ᭄᭞ᬤᬶᬧ᭄ᬢᭃᬗᬦᬾᬳᬓᬶᬓᬶᬢ᭄᭞ᬮᬯᬸᬢ᭄ᬫᬗᬓ᭄᭟ᬢ᭄ᬓᬬᬵᬳᬶᬲᬸᬮᬰᬶᬄ᭟ᬮᬯᬸᬢ᭄ᬦ᭄ᬤᭂᬲᭂᬓ᭄ᬳᬶᬚᬾᬗ᭄ᬕᭂᬮᬃᬫᬗᬸᬲᬧ᭄ᬳᬸᬲᬧ᭄᭞ᬫᬫᬸᬜᬶᬳ᭄ᬬᬂᬗᬺᬋᬫᬶᬄ᭞ᬕᬾᬕ᭄ᬫᬳᬶᬤᭂᬲᭂᬓᬂ᭞ᬢᬸᬢᬸᬭᬶᬦ᭄ᬗᬸᬤᬵᬳ᭄ᬬᬂ᭞ᬢᬸᬳᬬᬸᬅ᭄ᬤᬶᬚ
ᬫᬮᬶᬗ᭄ᬕᬶᬄ᭞ᬫᬳᬦ᭄ᬗᭀᬓᬲᬂ᭞ᬗᬢᬸᬭᬂᬦᬾᬳᬶᬢᬸᬦᬶ᭟ᬧᬲ᭄ᬮᬾᬬᭀᬕ᭄ᬳᬢᬹᬃᬜᬦᬾᬫᬓᬤᬤ᭄ᬯ᭞ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶ᭞ᬢᬶᬢ᭄ᬬᬂᬫᬗᬢᬹᬭᬂ᭞ᬲᬸᬭᬵᬢ᭄ᬲᬓᬶᬂᬧᬸᬭᬶᬬᬦ᭄᭞ᬳᬢᬸᬭᬦ᭄ᬭᬳᬶᬦ᭄ᬳᬶᬕᬸᬲ᭄ᬢᬶ᭞ᬳᬧᬤᬸᬮᬸᬭᬦ᭄᭞ᬧᬸ
ᬧᬸᬢ᭄ᬲᬫ᭄ᬧᬸᬦ᭄ᬳᬶᬭᬶᬓᬶ᭄ᬤᬤᬶᬳᬾᬕᬃᬲᬗ᭄ᬓᬮᬶᬄᬫᬯᬸᬯᬸᬄᬕᬶᬭᬂ᭞ᬲᬶᬂᬧᬶᬲᬦ᭄ᬢᬓᬸᬢ᭄ᬫᬢᬶ᭞ᬓ᭄ᬜᭂᬫ᭄ᬫᬓᬤᬤ᭄ᬯ᭞ᬫᬗᬮᬶᬄᬕᬮᬂᬩᬸᬮᬦ᭄᭞ᬧᬤᬬᬵᬫᬫᬘᬢᬸᬮᬶᬲ᭄᭞ᬲᬸᬩᬓᬭᬲᬵ᭞ᬫᬸᬜᬶᬦ᭄ᬢᬸᬮᬶᬲᬾᬲᬫᬶ᭞ᬫ
ᬭᬭᬲᬦ᭄ᬳᬶᬩᬶᬦ᭄ᬤᬵᬃᬳᬚᬓ᭄ᬳᬶᬚᬾᬗ᭄ᬕ᭄ᬮᬃ᭞ᬗ᭄ᬮᬓᬲᬂᬫᬦ᭄ᬢ᭄ᬭᬲᬶᬤ᭄ᬥᬶ᭞ᬢᬹᬃᬫᬶᬮᬶᬄᬫᬸᬯᬾᬤᬂ᭞ᬲᬲᬶᬋᬧ᭄ᬳᬳᬾᬂᬧᬶᬲᬦ᭄᭞ᬢ᭄ᬯᬭᬢᬳᬾᬦ᭄ᬫᬫᬶᬦ᭄ᬤᭀᬳᬶᬦ᭄᭞ᬢ᭄ᬓᬋᬧ᭄ᬲᬶᬋᬧ᭄᭞ᬲ᭄ᬬᭂᬧ᭄ᬳ᭄ᬬᬩᬸᬓᬵᬫᬢᬶ᭟ᬢᬸᬢᬶᬂᬧᬢᬶᬓ᭄ᬯᭂᬦᬗᬾᬲᬶ
Kaca:Bali-lontar-gaguritan-smara-ratih-300ppi.pdf/27
Kaca puniki sampun kauji-wacén
