[ ᭔᭑ 41B]
᭔᭑
ᬫᬃᬕ᭄ᬕᬶᬦᬶᬦ᭄᭞ᬤᬶᬦᬶᬳᬤᬶᬧᬂᬫᭂᬮᬄ᭞ᬳᬶᬫᬥᬾᬳᬶᬩᬸᬓ᭄ᬫᬦᬄ᭞ᬢ᭄ᬯᬭᬳᬶᬩᭂᬢ᭄ᬭᬶᬂᬧᬯᬗ᭄ᬲᬶᬢ᭄᭞ᬢᬸᬃᬫᬲᭂᬮ᭄ᬲᭂᬮᬦ᭄᭞ᬲᬦᬾᬩ᭄ᬯᬢᬸᬲᬶᬂᬳᬫᬸᬗᬶᬦ᭄᭟᭑᭑᭟ᬧᬸᬧᬸᬄᬤᭂᬫᬸᬂ᭟ᬗᭂᬤᬲᬼᬫᬳᬂᬩᬗᬸᬦ᭄ᬗᭂᬮᬶᬂ᭞ᬫᬲᭂᬮ᭄ᬲᭂᬮᬦ᭄᭞ᬧᬤᬶᬤ᭄ᬬᬦ᭄ᬲᭂᬢ
ᬢᬵᬜᬶᬗ᭄ᬓ᭄ᬭᬸᬂ᭞ᬢᬸᬃᬓᬤᬸᬭᬸᬲ᭄ᬳᬶᬩᬸᬓ᭄᭞ᬜᬾᬦ᭄ᬲᬶᬄᬳᬦᬓᬾᬢᬓᭀᬦᬶᬦ᭄᭞ᬫᬾᬫᬾᬩᬧᬲᬸᬩᬩᬮᬶᬡ᭞ᬓᬢᬶᬗ᭄ᬕᬮᬶᬦ᭄ᬯᬶᬲᬦᬓᬸ᭞ᬫᬸᬜᬶᬦᬾᬧᬤᬓᬘᬮ᭄ᬯᬕ᭄᭞ᬫᬕᬕᬸᬬ᭄ᬯᬦ᭄ᬲᬃᬯ᭄ᬯᬧᬶᬗᬶᬢ᭄᭞ᬲᬸᬩᬚᬦᬶᬓᬢᬶᬗ᭄ᬕᬮᬦ᭄᭞ᬤᬶᬚᬧᬘᬂᬩ᭄ᬯᬶᬦ᭄ᬫ
ᬲᬤᬸ᭟᭑᭟ᬧᬦᬩᬾᬬᬦ᭄ᬯᬸᬲ᭄ᬢᬶᬗ᭄ᬕᬮᬶᬦ᭄᭞ᬢ᭄ᬯᬭᬲᬶᬥ᭞ᬫᬧᬶᬢᬸᬢᬸᬃᬲᬦᬾᬧᬸᬢᬸᬲ᭄᭞ᬮᬳᬶᬤᬸᬫᬸᬦ᭄᭞ᬳᬾᬗ᭄ᬕᬮᬦ᭄ᬫᬧᬫᬶᬢ᭄ᬫᬸᬮᬶᬄ᭞ᬢ᭄ᬯᬄᬯᬶᬥᬶᬦᬾᬫᬦᬶᬢᬳᬂ᭞ᬫᬦᬸᬱᬦᬾᬢ᭄ᬯᬭᬧᬵᬢᬹᬢ᭄᭞ᬫᬫᬸᬢᬸᬲᬂᬓᬯ᭄ᬭᬸᬳᬦ᭄᭞ᬳᬦᬓ᭄ᬜᬫ᭄ᬧᬢ᭄
ᬳᬸᬧᬫᬶ᭞ᬳᬶᬮᬂᬮᬸᬳᬸᬩᬸᬓᬾᬓᬢᬄ᭞ᬲᬧᬸᬦᬶᬓᬬᬮ᭄ᬯᬶᬃᬳᬶᬧᬸᬦ᭄᭟᭒᭟ᬳᬧᬩ᭄ᬯᬶᬦ᭄ᬳᬮᬶᬦ᭄ᬳᬮᬶᬦ᭄᭞ᬦᬸᬗ᭄ᬕᬸᬕᭂᬭᬂ᭞ᬦᭂᬫᬸᬧᬵᬧᬬᬲᬢᬸᬯᬸᬓ᭄᭞ᬢ᭄ᬯᬭᬧᬘᬂᬳᬶᬩᬸᬓ᭄᭞ᬓᭂᬢᭂᬓᬦᬶᬂᬫᬃᬕ᭄ᬕᬧᬢᬶ᭞ᬫᬗᬮᬶᬄᬓᬯᬶᬢᬦ᭄ᬲᬸᬩ᭞ᬤᬶᬢᬸ
[ ᭔᭒42A]
ᬓᬸᬮᬗᬶᬦᬾᬧᬸᬧᬸᬢ᭄᭞ᬢ᭄ᬯᬭᬢᬸᬬᬸᬄᬩ᭄ᬯᬶᬦ᭄ᬫᬫᬜ᭄ᬚᬓ᭄᭞ᬫᬭᬶᬂᬰᬯᬦᬾᬲᬳᬶ᭞ᬬᬢᬫᬫ᭄ᬜ᭄ᬚᬓᬶᬦ᭄ᬢᬶᬫ᭄ᬧᬮ᭄᭞ᬗᬫᭀᬗᬶᬦ᭄ᬳᬯᬓ᭄ᬢᭀᬂᬓᬭᬗ᭄ᬓᬸᬲ᭄᭟᭓᭟ᬩᭂᬓᭂᬳᬾᬳᬬᬸᬢ᭄ᬯᬄᬳᬶᬡ᭄ᬥᬶᬳᬶᬦ᭄᭞ᬧᬘᬂᬲᬗ᭄ᬯᬂ᭞ᬳᬸᬮᬶᬕᭂᬲᬂᬲᬫ᭄ᬧᬾᬮᬫ᭄ᬧᬸᬲ᭄᭞
ᬢᭀᬂᬢᭂᬮᬄᬬᬲᬢᬸᬯᬸᬓ᭄᭞ᬳᬧᬦᬾᬚ᭄ᬯᬳᬦ᭄ᬢᭀᬲ᭄ᬤᬶᬦᬶ᭞ᬳᬦᬭᬶᬂᬫᬬᬸᬭᬤᬾᬰ᭞ᬢᭀᬂᬳᬤᬓᬕᬸᬡᬦ᭄ᬳᬶᬧᬸᬦ᭄᭞ᬳᬶᬫᬥᬾᬭᬭᬶᬲ᭄ᬫᬚᬮᬦ᭄᭞ᬫᬸᬗ᭄ᬕᬄᬭᬶᬂᬯᬦᬕᬶᬭᬶ᭞ᬢᬦ᭄ᬫᬭᬶᬫᬫ᭄ᬯᬢᬂᬮᬶᬡ᭞ᬲᬶᬂᬜᬲᬥ᭄ᬬᬳᬤᬤᬶᬢᬸ᭟᭔᭟
ᬤᬸᬓᬧᬦ᭄ᬢᬶᬢ᭄ᬬᬂᬢᬦ᭄ᬯᬦᬶ᭞ᬫᬦᬸᬮᬫ᭄ᬬ᭞ᬭᬶᬂᬫᬃᬕ᭄ᬕᬤᬦᬾᬫᬦᭂᬭᬸᬲ᭄᭞ᬳᬧᬂᬲᬋᬂᬧᬸᬧᬸᬢ᭄᭞ᬲᬋᬂᬤᬦᬾᬦᬶᬯᬦᬭᬶ᭞ᬢᬦ᭄ᬳᬸᬘᬧᬦ᭄ᬫᬭᬶᬂᬳᬯᬦ᭄᭞ᬓᬘᬸᬡ᭄ᬥᬸᬓ᭄ᬯᬡ᭄ᬥᬶᬭᬳᬕᬸᬂ᭞ᬭᬶᬂᬢᭂᬍᬗᬶᬂᬯᬦᬯᬰ᭞ᬤᬶᬢᬸᬤᬦᬾᬫᬮᬶᬗ᭄ᬕᬶᬄ᭞ᬫᭂᬢᬓᬶ
ᬜᬯᬶᬲᬂᬕᭂᬦᬄ᭞ᬫᬦᬗᬸᬦ᭄ᬢᬧᬲᬃᬯ᭄ᬯᬶᬓᬸᬓᬸᬄ᭟᭕᭟ᬫᬗᭂᬦᬶᬂᬭᬕᬫᬫᬹᬃᬢ᭄ᬢᬶ᭞ᬲᬧᬹᬢᬗᬦ᭄᭞ᬳᬢᬢᬵᬰᬶᬮᬳᬮᬸᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬫᬧᬶᬤᬸᬓᬸᬄ᭞ᬫᬗᬃᬘ᭄ᬙᬡᬲᬗ᭄ᬳ᭄ᬬᬂᬯᬶᬥᬶ᭞ᬢᬸᬃᬫᬢᬶᬢᬶᬲ᭄ᬗ᭄ᬭ᭄ᬡᬰᬶᬓ᭞ᬯᬸᬲ᭄ᬫᬗᬺᬗᬤᬦᬾᬲᬫ᭄ᬧᬸᬦ᭄᭞
