[ ᭔᭐ 40B]
᭔᭐
ᬫ᭄ᬯᬂᬯᬾᬥ᭞ᬥᬶᬬᬦᬮᬯᬦ᭄ᬲᬫᬥᬶ᭞ᬢᭀᬂᬳᬤᬕᬯᬾᬦ᭄ᬜ᭞ᬲᬸᬩᬫ᭄ᬭᬕᬳ᭄ᬬᬂᬯᬶᬥᬶ᭟᭑᭟ᬤ᭄ᬯᬦᬶᬂᬮ᭄ᬬᬸᬢᬸᬢᬸᬭᬾᬢᭀᬂᬳᬤᬕᬸᬡᬦ᭄ᬜ᭞ᬧᬜᬯᬶᬲ᭄ᬦᬾᬯᬦᬭᬶ᭞ᬚᬦᬶᬢ᭄ᬯᬄᬘᬶᬳ᭄ᬦᬬᬂ᭞ᬦᬾᬚᬢᬶᬫᬳᭀᬢ᭄ᬢᬫ᭞ᬓᬫᭀᬓ᭄ᬱᬦᬾᬧᬂᬫ
ᬘᬶᬭᬶ᭞ᬳᬧᬂᬧᬲᬚ᭞ᬧ᭄ᬭᬕᬶᬯᬓᬢᬳᬸᬕᬸᬫᬶ᭟᭒᭟ᬫᬥᬾᬳᬯᬲ᭄ᬭᬭᬶᬲ᭄ᬤᬦᬾᬫᬜᬶᬳ᭄ᬦᬬᬂ᭞ᬫᬗᬶᬜ᭄ᬘᭂᬧ᭄ᬚᬧᬲᬶᬥᬶ᭞ᬫᬗᬼᬧᬲ᭄ᬭᬕ᭞ᬦᬶᬧᬦᬭᬶᬗᬯᬲᬂ᭞ᬳᬢᬢᬶᬗ᭄ᬓᬄᬜᬦᬾᬲᬫᬶ᭞ᬦᬶᬗ᭄ᬕᬮᬂᬧᬺᬡᬯ᭞ᬬᬤ᭄ᬬᬦ᭄ᬧᬺᬮᬶᬡᬫᬃᬕ᭄ᬕᬶ᭟᭓᭟ᬲᬡ᭄ᬥᬗᬦ᭄ᬜᬦᬾ
ᬓᬭᬸᬦ᭄ᬢᬸᬳᬂᬲᬫ᭄ᬬᬦ᭄᭞ᬬᬦ᭄ᬳᬯᬲᬗᬲᬫᬶ᭞ᬭᬕᬦᬾᬗᬮᬶᬕᬲ᭄᭞ᬧᬺᬫᬡᬪᬱ᭄ᬫᬦᬶᬗ᭄ᬕᬮ᭄᭞ᬦᬶᬯᬦᬭᬶᬗᭂᬮᬶᬂᬳᬭᬶᬲ᭄᭞ᬳᬸᬄᬳᬸᬄᬳᬸᬳᬸᬄᬲᬮᬄ᭞ᬳᬸᬤᬸᬄᬳᬸᬬᬸᬄᬫᬥᬾᬢᬗ᭄ᬳᬶ᭟᭔᭟ᬲᬩ᭄ᬤᬦ᭄ᬜᬦᬾᬦᬶᬯᬦᬭᬶᬤᬤᬶᬕᭀᬤ᭞ᬢᭂᬗ᭄ᬓᭂᬚᬸᬢ᭄ᬫᬥᬾ
ᬢᬗ᭄ᬳᬶ᭞ᬓᬢᬸᬢ᭄ᬩᬸᬲᬡᬦ᭄ᬜ᭞ᬗᬥᭂᬕ᭄ᬕᬦᬾᬳᬢᬜ᭞ᬳᭂᬜ᭄ᬘᬾᬦ᭄ᬓᬶᬭᬂᬫᬶᬯᬄᬧᭂᬮᬶᬄ᭞ᬳᭂᬫ᭄ᬩᭀᬓ᭄ᬦᬶᬗ᭄ᬕᬭᬂ᭞ᬬᬦᬶᬂᬳᭂᬫ᭄ᬩᭀᬓ᭄ᬚᬢᬶᬭᬶᬭᬶᬄ᭟᭕᭟ᬤ᭄ᬯᬦᬶᬂᬢᬸᬬᬸᬄᬤᬳᬢ᭄ᬲ᭄ᬯᬾᬫᬗᬍᬧᬲ᭄᭞ᬓᬾᬯᭂᬄᬳᭂᬫ᭄ᬩᭀᬓ᭄ᬗᬦ᭄ᬢᭂᬦᬶᬦ᭄᭞ᬢᭀᬦ᭄ᬤᬾᬦ᭄ᬫᬵ
[ ᭔᭑ 41A]
ᬤᬦ᭄ᬧ᭄ᬭᬕᬢ᭄᭞ᬦᬸᬳᬤᬶᬜᬦ᭄ᬤᬂᬫᭂᬮᬚᬄ᭞ᬳᬶᬫᬥᬾᬭᬭᬶᬲ᭄ᬜᬳᬸᬭᬶᬦ᭄᭞ᬳᭂᬫ᭄ᬩᭀᬓ᭄ᬢᬾᬜᬶᬳ᭄ᬦᬬᬂ᭞ᬦᬶᬯᬦᬭᬶᬢᭂᬮᬲ᭄ᬗᬶᬭᬶᬂ᭟᭖᭟ᬫᬕᬺᬩ᭄ᬬᬸᬕ᭄ᬫᭀᬓ᭄ᬢᬄᬳᬢ᭄ᬫᬦᬾᬭᬶᬂᬢᬳᬸᬮᬦ᭄᭞ᬫᬦᬸᬳᬸᬢ᭄ᬲᭂᬮᬦᬶᬂᬩᬸᬓᬶᬢ᭄᭞ᬫᬃᬕ᭄ᬕᬲᬲᬸᬦᬸᬢᬦ᭄᭞ᬫᬹᬃᬯ᭄ᬯᬢᬦ᭄ᬳᬦ
ᬲᬶᬫ᭄ᬧᬂ᭞ᬫᬦᬸᬳᬸᬢ᭄ᬫᬃᬕ᭄ᬕᬦᬾᬧᬶᬗᬶᬢ᭄᭞ᬢᬜ᭄ᬘ᭄ᬭᬶᬢᬦᬂᬳᬯᬦ᭄᭞ᬭᬶᬂᬲ᭄ᬫᬭᬪ᭄ᬯᬦᬫᬫᬹᬓ᭄ᬢᬶ᭟᭗᭟ᬓᬘᭂᬭᬶᬢᬫᬥᬾᬯᬸᬗᬸᬫᬍᬜᬾᬓᬂ᭞ᬳᭂᬗ᭄ᬲᭂᬓ᭄ᬜᬢᬶᬤᭀᬂᬕᬶᬕᬶᬲ᭄᭞ᬤᬾᬦᬶᬂᬓᬢᬶᬗ᭄ᬕᬮᬦ᭄᭞ᬦᬶᬯᬦᬭᬶᬯᬸᬲ᭄ᬧᭂᬚᬄ᭞ᬓᬸᬚᬂᬚᬦᬶᬫᬦᬸᬳᬸᬢᬶᬦ᭄᭞
ᬫᬢᬸᬗ᭄ᬢᬸᬂᬚᭂᬗᬄ᭞ᬳᬶᬫᬥᬾᬫᬗᭂᬫᬶᬮ᭄ᬫᬶᬮ᭄᭟᭘᭟ᬫᬜᭂᬮᬾᬫ᭄ᬧᭀᬄᬳᬶᬫᬥᬾᬭᬭᬶᬲ᭄ᬫᬜᬸᬫ᭄ᬩᬄ᭞ᬭᬶᬂᬰ᭄ᬯᬦᬾᬦᬶᬯᬦᬭᬶ᭞ᬯᬗᬶᬦᬾᬢᬦ᭄ᬲᬫ᭞ᬮ᭄ᬯᬶᬃᬚᬯᬸᬳᬶᬂᬕᬕᬡ᭄ᬥᬦ᭄᭞ᬫᬶᬮᬶᬫᬧᬸᬕᬦ᭄ᬩᭂᬩᭂᬓᬶᬦ᭄ᬧᬸᬭᬶ᭞ᬲᬫ᭄ᬧᬸᬦ᭄ᬲᬶᬦᭂᬫ᭄ᬩᬄ᭞ᬫᬸᬱ᭄ᬡᬲᬯᬦᬶᬯᭂᬦᬭᬶ᭟᭙᭟
ᬲᬕᬾᬢ᭄ᬳᬤᬰᬩ᭄ᬤᬧᬦ᭄ᬢᬭᬓᬋᬗ᭞ᬘᬳᬶᬫᬥᬾᬦᬾᬦᬾᬚᬦᬶ᭞ᬤᬾᬦᬶᬂᬳᬤᬶᬢᬸᬦ᭞ᬳᬶᬗ᭄ᬕᬮ᭄ᬳᭂᬫ᭄ᬩᭀᬓ᭄ᬳᬧᬂᬫᭂᬮᬄᬮᬫᬸᬦ᭄ᬩ᭄ᬯᬢ᭄ᬫᭂᬮᬚᬳᬂᬤᬶᬭᬶ᭞ᬧᬶᬢ᭄ᬯᬶᬫᬬ᭞ᬲᬶᬤ᭄ᬥᬶᬦᬤ᭄ᬥᬢᬶᬗ᭄ᬕᬮᬶᬦ᭄᭟᭑᭐᭟ᬳᬸᬮᬶᬧᭂᬢᬂᬧᬸᬮᬸᬄᬤᬶᬦᬳᬯᬲᬂ᭞ᬲᬤ᭄ᬯᬢ᭄ᬮᬸ
Kaca:Bali-lontar-gaguritan-sliksik-250ppi.pdf/41
Kaca puniki sampun kauji-wacén
