[᭖᭑ 61B]
᭖᭑
ᬦᭀᬭᬗᬶᬧᬶ᭞ᬦ᭄ᬟᬶᬧᬺᬦᬳᬾᬉᬗ᭄ᬕ᭄ᬯᬦᬶᬓᬸ᭞ᬭᬶᬂᬳᬯᬓ᭄ᬦ᭄ᬤᬢᬦ᭄ᬧᬵᬯᬓ᭄᭞ᬳᬶᬓᬸᬯᬸᬮᬢᬦᬓᬓᬶ᭞ᬚᬢᬶᬦᬶᬓᬸ᭞ᬦᭀᬭᬳᬦᬯᭀᬂᬯ᭄ᬭᬸᬳᬵ᭚ᬯᭀᬂᬯ᭄ᬭᬸᬄᬭᬶᬂᬍᬓᬲᬶᬂᬧ᭄ᬚᬄ᭞ᬦᭀᬭᬓᬢᬄᬓᬂᬧᬶ
ᬦᬸᬚᬶ᭞ᬓᬭᬶᬭᬕᬲ᭄ᬧᬶᬢᬸᬗ᭄ᬕᬮ᭄᭞ᬳᬵᬮᬸᬧᬭᬶᬂᬤᬸᬦ᭄ᬬᬳᬶᬓᬶ᭞ᬫᬾᬗᭂᬢ᭄ᬭᬶᬂᬲ᭄ᬯᬵᬃᬕ᭄ᬕᬍᬯᬶᬄ᭞ᬲᬃᬯ᭄ᬯᬍᬯᬶᬄᬓᬂᬓᬢ᭄ᬫᬸ᭞ᬫᬗ᭄ᬓᬾᬢᬢᬢᬵᬲᬓ᭄ᬦᬵ᭞ᬭᬶᬂᬯᭀᬂᬧᬺᬘᬵᬬᬭᬶᬂᬯᬶᬥᬶ᭞ᬓᬮᬦᬶᬓᬸᬭᬶᬳᬸᬭᬶ
ᬧ᭄ᬕᬸᬮᬶᬓ᭄ᬢᬓᭀᬦᬦ᭚ᬳᬸᬧᬫᬦ᭄ᬬᬗᬤᬸᬭᬱᬵ᭞ᬭᬵᬱᬦᬶᬂᬯᭀᬂᬮᬦᬂᬇᬲ᭄ᬢ᭄ᬭᬶ᭞ᬦ᭄ᬟᬶᬧᬘᬵᬫ᭄ᬧᬸᬭᬾᬋᬓᭀ᭞ᬭᬶᬕᬃᬯ᭄ᬯᬦᬶᬭᬧᬸᬦᬶᬓᬶ᭞ᬯᬾᬦ᭄ᬢᭂᬦ᭄ᬧᬸᬮᭀᬭᬵᬢ᭄ᬦᬵᬥᬶ᭞ᬧᬺᬦᬳᬾᬯ᭄ᬓᬲᬶᬂᬓ
ᬳ᭄ᬬᬸᬦ᭄᭞ᬲᬮ᭄ᬯᬶᬭᬶᬂᬭᬱᬳᬾᬦᬓ᭄᭞ᬳᬶᬭᬶᬓᬵᬧᬺᬦᬳᬾᬓᬓᬶ᭞ᬬᬦ᭄ᬭᬶᬂᬬᬸᬤ᭄ᬟᬵ᭞ᬫᬶᬚᬶᬮ᭄ᬭᬶᬂᬢᬸᬂᬢᬸᬗᬶᬂᬢᬶᬗ᭄ᬳᬮ᭄᭚ᬓᬤ᭄ᬬᬗ᭄ᬕᬦᬶᬂᬯᭀᬂᬳᬦᬾᬫ᭄ᬩᬓ᭄᭞ᬦ᭄ᬟᬶᬓᬂᬫᬶᬫᬶᬲ᭄ᬮᬦ᭄ᬩᭂᬤᬶᬮ᭄
[᭖᭒ 62A]
᭞ᬫ᭄ᬯᬶᬖ᭄ᬦᬶᬓᬮᬯᬦ᭄ᬳᭀᬩᬢ᭄᭞ᬦ᭄ᬟᬶᬧᬢ᭄ᬫᬸᬦ᭄ᬬᬓᬓᬶ᭞ᬢᬢᬸᬚᭀᬦ᭄ᬮᬯᬦ᭄ᬧᬢᬶᬢᬶᬲ᭄᭞ᬭᬸᬭᬸᬳᬦᬤᬾᬦᬢ᭄ᬭᬸᬲ᭄᭞ᬳᬧᬦ᭄ᬢᬦ᭄ᬤᭀᬄᬧᬺᬦᬄᬦ᭄ᬬ᭞ᬳᬦᬭᬶᬂᬕᬃᬯᬦᬶᬭᬾᬓᬶ᭞ᬚᬢᬶᬦᬶᬓᬸᬧᬢᬶᬢᬶᬲ᭄ᬳ᭄ᬬᬂᬓᬮᬯ
ᬦ᭄ᬳᬮᬄ᭚ᬫᬫᬹᬚᬵᬓᬮᬯᬦ᭄ᬲᭂᬫ᭄ᬩᬄ᭞ᬧᬸᬦᬶᬓᬵᬳᬯᬲ᭄ᬤᬾᬜ᭄ᬚᬢᬶ᭞ᬫᬰᬶᬕᬶᬢ᭄ᬓᬮᬯᬦ᭄ᬫᭂᬓᬄ᭞ᬭᬶᬦᬓ᭄ᬱᬾᬂᬫᬮᬾᬓᬢ᭄ᬓᬓᬶ᭞ᬫᬶᬯᬄᬓᬂᬧᬭᬦᬵᬪᬶ᭞ᬯᬤᬵᬫᬫᬸᬚᬶᬳ᭄ᬬᬂᬳᬕᬸᬂ᭞ᬭᬰᬹᬮ᭄ᬮ
ᬯᬦ᭄ᬪᬕᬾᬡ᭄ᬟᬵ᭞ᬢᬦᬤᭀᬄᬲᬓᬶᬂᬕᬵᬃᬯ᭄ᬯᬾᬓᬶ᭞ᬲᬶᬤᬵᬲᬫ᭄ᬧᬸᬦ᭄᭞ᬫᬢ᭄ᬫᬸᬭᬶᬂᬓᬯᬶᬗ᭄ᬓᬶᬗᬦ᭄᭚᭜᭚ᬧᬹᬄᬧᬗ᭄ᬓᬸᬃ᭚᭜᭚ᬳᬦᬢᬓᬯᬃᬡ᭄ᬦᬲᬶᬭ᭞ᬲᬓᬶᬂᬅᬭᬩ᭄ᬯᬶᬚᬶᬮᬾᬇ
ᬓᬂᬍᬯᬶᬄ᭞ᬫᬹᬮᬦᬶᬂᬫᬵᬦᬹᬱᬳᬶᬓᬸ᭞ᬮᬯᬵᬦ᭄ᬫᬹᬮᬦᬶᬂᬤᬾᬯᬵ᭞ᬓᬂᬓᭀᬘᬧᬦ᭄ᬧᬭᬦᬵᬪᬶᬧᬤᬵᬦᬸᬗ᭄ᬲᬸᬂ᭞ᬧ᭄ᬭᬲᬫᬫᬦ᭄ᬢᬸᬓᬶᬂᬅᬭᬩ᭄᭞ᬧᬓᭀᬦᬾᬳ᭄ᬬᬂᬢᬦ᭄ᬓᬳᬓ᭄ᬱᬶ᭚
Kaca:Bali-lontar-gaguritan-sebun-bangkung-300ppi.pdf/62
Kaca puniki sampun kauji-wacén
