[᭖᭒ 62B]
᭖᭒
ᬏᬭᬢ᭄ᬓᬮᬯᬦᬶᬂᬤᬸᬦ᭄ᬬ᭞ᬢᬢᬲᬓ᭄ᬦᬫᬗᬯ᭄ᬭᬸᬳᬶᬓᬓᬶ᭞ᬳᭂᬦ᭄ᬟᬶᬓᬂᬫᬹᬮᬵᬦᬾᬳᬶᬓᬸ᭞ᬬᭀᬕ᭄ᬬᬵᬢᬢᬓᭀᬦᬦ᭞ᬬᬦ᭄ᬢᬦ᭄ᬯ᭄ᬭᬸᬳᬵᬦᭀᬭᬲ᭄ᬮᬫ᭄ᬳᬭᬶᬦᬶᬧᬸᬦ᭄᭞ᬲᬮᬄᬧᬫᬹᬚ᭄ᬬᬦᬶᬭ
᭞ᬧᬥᬢᬦ᭄ᬧᬓᬵᬃᬬ᭄ᬬᬓᬓᬶ᭚ᬫᬸᬮᬦᬶᬂᬲᬶᬸᬗ᭄ᬓᬶᬸᬦᬶᬸᬂᬲᬗ᭄ᬓᬦᬶᬂᬧᬭᬵᬦ᭄᭞ᬬᬦ᭄ᬢᬦᬦᬧᬡ᭄ᬟᬶᬢᬳᬗᬯ᭄ᬭᬸᬳᬶ᭞ᬦᭀᬭᬧᬡ᭄ᬟᬶᬢᬳᬭᬦᬶᬧᬸᬦ᭄᭞ᬲᬮᬄᬓᬧᬸᬢᬸᬲᬦ᭄ᬬ᭞ᬯᭀᬂᬫᬗ᭄ᬓᬦᬬᭀᬕ᭄ᬬᬵ
ᬢᬓ᭄ᬯᬦ᭄ᬭᬶᬂᬲᬂᬧᬸᬢᬸᬲ᭄᭞ᬲᬂᬯᬸᬲ᭄ᬫᬦ᭄ᬫᬸᬓᬲᬤ᭄ᬬᬦ᭄᭞ᬧᬦ᭄ᬲᬶᬭᬍᬯᬶᬳᬶᬂᬦᬤᬶ᭚ᬯᬺᬢᬶᬯᬶᬚᬢᬶᬘᬵᬭᬶᬢ᭄ᬢ᭞ᬳᬶᬓᬳᬭᬦᬶᬂᬧᬸᬮᭀᬫᬜᭂᬢᬶ᭞ᬧᬺᬦᬳᬾᬲᬚ᭄ᬭᭀᬦᬶᬂᬭᬦᬸ᭞ᬳᬧᬦᬭᬂᬯᭀᬂ
ᬯᬶᬓᬦ᭄᭞ᬬᬦ᭄ᬯᬶᬓᬦᬇᬓᬸᬢᬫ᭄ᬩᭃᬗᬭᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬕ᭄ᬭᬶᬢ᭄ᬓᬯᬭᬲ᭄᭞ᬳᬧᬦ᭄ᬓᬮᬶᬦ᭄ᬢᬗᬶᬂᬍᬯᬶᬄ᭚ᬳᬦᬳᬳᬗᬦ᭄ᬤᭂᬮᬶᬚᬵᬲᬤ᭄᭞ᬫ᭄ᬮᭃᬂᬫ᭄ᬮᭃᬂᬳ᭄ᬦᬶᬂᬦᭀᬭᬫᬥᬦᬶ᭞ᬉᬭᬶᬧᬶᬂ
[᭖᭓ 63A]
ᬲᬵᬃᬯ᭄ᬯᬵᬫᬩᬵᬬᬸ᭞ᬳᬶᬗᭂᬦ᭄ᬟᬶᬲᬗ᭄ᬓᬦ᭄ᬧᬭᬦ᭄᭞ᬳᬶᬓᬂᬯ᭄ᬭᬸᬳᬳᬶᬓᬵᬳᬶᬗᬭᬦᬦ᭄ᬕᬸᬭᬸ᭞ᬢᬦ᭄ᬲᬶᬲᬶᬧᬓ᭄ᬦᬶᬂᬲᭂᬫ᭄ᬩᬄ᭞ᬳᬶᬓᬧᬶᬦᬸᬚᬶᬦᬶᬂᬪᬹᬫᬶ᭚ᬳᬶᬓᬭᬭᬾᬘᬶᬮ᭄ᬬᬭᭀᬭ᭄ᬯᬵ᭞ᬫᬶᬚᬶᬮ᭄ᬲᬓᬶᬂᬫ᭄ᬓᬄ
ᬯᭀᬗᬧ᭄ᬓᬶᬓ᭄᭞ᬘᬳ᭄ᬬᬦᬾᬕᬮᬂᬤᬶᬦᬸᬮᬸ᭞ᬳᬶᬬᬵᬗᬭᬦ᭄ᬚᬢᬶᬰ᭄ᬯᬭᬵ᭞ᬲᬦ᭄ᬤᬂᬧᬸᬚᬶᬲᬶᬭᬫᬓᬭ᭄ᬯᬵᬧᬮᬓᬸ᭞ᬢᬦ᭄ᬲᬶᬫ᭄ᬧᬂᬲᬓᬶᬂᬦᬵᬕᬭ᭞ᬳᬶᬓᬵᬫᬸᬮᬦᬶᬂᬓᬗ᭄ᬳᬚᬶ᭚ᬳᭂᬦ᭄ᬤᬶᬳᬶᬗᬭᬵ
ᬦᬦ᭄ᬫ᭄ᬓᬵᬄ᭞ᬳᬦᬾᬂᬭᬕᬦᬶᬭᬧᬸᬦᬶᬓᬸᬓᬓᬶ᭞ᬳᬶᬓᬪᬹᬫᬶᬰᬹᬘᬶᬳᬶᬓᬸ᭞ᬧᬭᬦᬶᬂᬲ᭄ᬮᬫᬵᬲᬸᬘ᭄ᬬ᭞ᬇᬓᬹᬲᬗ᭄ᬓᬦ᭄ᬢᬦ᭄ᬓᬭᬭᬩᬦᬶᬂᬍᬢᬸᬄ᭞ᬓᬳᬸᬗ᭄ᬲᬶᬤᬾᬦᬶᬂᬧᬡ᭄ᬟᬶᬢ᭞ᬧ᭄ᬭᬤᬾᬦᬾᬦᭀ
ᬭᬓᬧᬗ᭄ᬕᬶᬄ᭚ᬬᬦ᭄ᬲᬫ᭄ᬧᬸᬦ᭄ᬓᬧᬗ᭄ᬕᬶᬄᬳᬶᬓᬵ᭞ᬯ᭄ᬦᬂᬲᬓ᭄ᬱ᭄ᬬᬭᬶᬂᬲᬂᬯᬶᬓ᭄ᬯᬍᬯᬶᬄ᭞ᬰᬶᬮᬵᬓ᭄ᬭᬫᬦᬶᬂᬧᬸᬦᬶᬓᬸ᭞ᬤᬾᬦ᭄ᬢ᭄ᬕᬸᬄᬭᬶᬂᬳᬕᬫᬵ᭞ᬳᬶᬬᬳᬶᬓᬸᬯᭀᬂᬯ᭄ᬭᬸᬄᬭᬶᬂᬭᬕᬦᬾᬓᬸ᭞ᬢᬦᬸᬭᬸᬂ
Kaca:Bali-lontar-gaguritan-sebun-bangkung-300ppi.pdf/63
Kaca puniki sampun kauji-wacén
