[᭔᭓ 43B]
᭔᭓
ᬲᬂ᭞ᬳᬦ᭄ᬢᬸᬓ᭄ᬱᬸᬮᬸᬄᬚᬦ᭄ᬢᬾᬭᬂ᭞ᬳᬗ᭄ᬕᬾᬦ᭄ᬤᬦᬾᬫᬜᬸᬮᬸᬳᬶᬦ᭄᭞ᬦᭀᬭᬯᬾᬦ᭄ᬢᭂᬦ᭄ᬘᬶᬭᬶᬦᬶᬧᬸᬦ᭄᭞ᬧ᭄ᬘᬓ᭄ᬭᬸᬲᬓ᭄ᬳᬗᬦ᭄ᬳᬓᬶᬤᬶᬓ᭄᭞ᬢ᭄ᬯᬦ᭄ᬳᬩᬶᬦᬶᬸᬢ᭄ᬭᬭᬶᬲ᭄ᬗᬦ᭄ᬤᬶᬓ᭞ᬲᬸᬓᬲᬾᬦᬶᬲᬶᬕᬫᬳᬸᬓ᭄᭞
ᬩ᭄ᬬᬂᬫ᭄ᬯᬂᬕᬸᬭᬸᬦ᭄ᬜᬓ᭄ᬭᭀᬥ᭞ᬤᬸᬓᬧᬶᬲᬦ᭄᭞ᬲᬋᬂᬓᬮᬶᬄᬭᬭᬶᬲ᭄ᬦᬶᬕ᭄ᬢᬶᬕ᭄᭞ᬲᬸᬓᬲᬾᬦᬶᬳᬶᬧᬸᬦ᭄ᬜ᭄ᬭᬄ᭚ᬲᬸᬓᬲᬾᬦᬶᬫᬗ᭄ᬓᬶᬦ᭄ᬫᬶᬤᬃᬢ᭄ᬢᬬᬂᬳᬶᬦ᭄ᬤᬶᬓ᭄᭞ᬕᬸᬭᬸᬩ᭄ᬬᬂ᭞ᬧᬶᬋᬂᬳᬢᬹᬃᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬚ᭄ᬯᬤᬸ
ᬫᬸᬦ᭄ᬭᬸᬦ᭄ᬢᬶᬓ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬢᬹᬃᬧᬢᬹᬢ᭄᭞ᬲᬸᬚᬢᬶᬫᬦᬳᬾᬳ᭄ᬦᬶᬂ᭞ᬬᬦ᭄ᬯᬸᬲ᭄ᬢᬶᬢ᭄ᬬᬂᬦᬸᬢᬸᬭᬂ᭞ᬬᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬮᬫ᭄ᬧᬸᬲ᭄᭞ᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭞ᬭᬶᬂᬕᬸᬭᬸᬩ᭄ᬬᬂ᭞ᬦᬾᬫᬗ᭄ᬓᬶᬦ᭄ᬧᬤᬵᬫᬮᬶ
ᬗ᭄ᬕᬶᬄ᭞ᬦᬄᬳᬶᬤᬵᬜᬳᬶᬦᬸᬢᬸᬭᬂ᭚ᬲᬶᬗ᭄ᬕᬶᬄᬩ᭄ᬬᬂᬤᬯᭂᬕ᭄ᬧᬫᬃᬕ᭄ᬕᬶᬦᬾᬗᬸᬦᬶ᭞ᬤᬸᬓᬾᬮ᭄ᬯᬲ᭄᭞ᬢᬶᬢ᭄ᬬᬂᬓᬲᭂᬗ᭄ᬓᬮᬦ᭄᭞ᬕᬸᬘᬶᬩ᭄ᬮᬄᬍᬗᬶᬲ᭄ᬲᬫ᭄ᬩ᭄ᬭᬕ᭄᭞ᬢᬶᬢ᭄ᬬᬂᬗ᭄ᬮᬶᬂᬧᬢᬶᬚ᭄ᬮᬫᬸᬢ᭄᭞ᬗᬫᬾᬳᬫᬾᬲᬗ᭄ᬳ᭄ᬬᬂ
[᭔᭔ 44A]
ᬞᬶᬥᬶ᭞ᬚᭂᬕ᭄ᬭᬯᬸᬄᬲᬶᬭᬩᬕᬾᬦ᭄ᬟᬵ᭞ᬦᬾᬓᬮᬶᬦ᭄ᬢᬂᬰᬓ᭄ᬢᬶᬢᬸᬳᬸ᭞ᬳᬶᬤᬭᬭᬶᬲ᭄ᬓᬧᬶᬯ᭄ᬮᬲᬦ᭄᭞ᬢ᭄ᬓᬾᬦ᭄ᬢᬶᬢ᭄ᬬᬂ᭞ᬕᬸᬘᬶᬦᬾᬓᬧᬲ᭄ᬢᬸᬕ᭄ᬮᬶᬲ᭄᭞ᬧ᭄ᬭᬫᬗ᭄ᬓᬾᬕᬸᬘᬶᬦᬾᬳᬸᬯᬲ᭄᭚ᬫᬮᬶᬄᬓᬧᭂᬲᭃᬂᬢᬦᬳᬾᬫᬗ᭄ᬓᬶ
ᬦ᭄᭞ᬫ᭄ᬢᬸᬫᬶᬜᬓ᭄᭞ᬯ᭄ᬬᬓ᭄ᬢᬶᬦᭀᬭᬳᬶᬯᬂ᭞ᬲᬧᬸᬦᬶᬓᬳᬶᬦ᭄ᬤᬶᬓ᭄ᬢᬶᬢ᭄ᬬᬗᬾ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬜ᭄ᬭᬄᬧᬸᬧᬸᬢ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬤᬶᬕ᭄ᬮᬶᬲ᭄᭞ᬲᬧᬸᬦᬶᬓᬵᬳᬶᬦ᭄ᬤᬶᬓ᭄ᬢᬶᬢ᭄ᬬᬂ᭞ᬫᬦᬸᬢᬸᬭᬂᬲᬓᬾᬂᬢᬸᬳᬸ᭞ᬲᬧᬸᬦ
ᬧᬶᬓᬳ᭄ᬬᬸᬦ᭄ᬩᬧᬵ᭞ᬫ᭄ᬯᬂᬳᬶᬳᬶᬩ᭄ᬬᬂ᭞ᬳᬶᬦ᭄ᬤᬬᬂᬧᬥᬧᬶᬦᭂᬳᬶᬦ᭄᭞ᬫᬾᬮᬶᬂᬤᬦᬾᬢ᭄ᬓᬾᬦ᭄ᬭᬵᬕ᭚ᬳᬤᬸᬄᬜᬳᬶᬲᬸᬓᬲᬾᬦᬶ᭞ᬳᬦᬓᬶᬗ᭄ᬯᬂ᭞ᬬᬦ᭄ᬢᬸᬳᬸᬲᬚ᭞ᬓᬤᬶᬭᬯᭀᬲ᭄ᬘ᭄ᬦᬶᬂᬚᬦᬶ᭞ᬫᬾ
ᬫᬾᬩᬧᬜᬤ᭄ᬬᬫᬢ᭄ᬫᬸ᭞ᬫᬗ᭄ᬤᬾᬢᬸᬳᬸᬜᬤ᭄ᬬᬳᬸᬦᬶᬂ᭞ᬩᬧᬫᬾᬫᬾᬮᬓᬃᬜ᭄ᬯᬶᬢ᭄ᬢᬵ᭞ᬧᬶᬢᬸᬳᬸᬳᬶᬤᬵᬓᬯᬸᬯᬸᬲ᭄᭞ᬲᬸᬓᬾᬲᬾᬦᬶᬲᬶᬭᬮᬸᬗ᭄ᬳᬵ᭞ᬗᬤᭀᬮ᭄ᬫᬶᬜᬓ᭄᭞ᬓᬤᬶᬧᬢᬸᬤᬸ
Kaca:Bali-lontar-gaguritan-sebun-bangkung-300ppi.pdf/44
Kaca puniki sampun kauji-wacén
