Kaca:Bali-lontar-gaguritan-sebun-bangkung-300ppi.pdf/45

Saking Wikisource
Kaca puniki sampun kauji-wacén

[᭔᭔ 44B]
᭔᭔
ᬳᬶᬂᬯᬶᬥᬶ᭞ᬩᬕᬡ᭄ᬟᬮᬶᬲᬶᬭᬧ᭄ᬭᬧ᭄ᬢᬵ᭚ᬲᬸᬓᬲᬾᬦᬶᬫ᭄ᬩᬄᬫᬢᬸᬃᬳᬭᬶᬲ᭄᭞ᬰ᭄ᬭᬶᬧᬤᬸᬓᬵ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕᬻ᭞ᬫᬩ᭄ᬤᬢᬸᬮᬸᬲ᭄‌ᬲ᭄ᬯᬾᬘ᭄ᬙᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬭᬢᬸᬲᬶᬫ᭄ᬧᬂᬤᬸᬫᬸᬦ᭄᭞ᬭᬶᬂᬯᬾᬰ᭄ᬫᬦ᭄ᬓᬳᬸ᭠
ᬮᬫᬶᬲ᭄ᬓᬶᬦ᭄᭞ᬢᬶᬢ᭄ᬬᬂᬓᬘᭀᬩᬭᬶᬂᬩ᭄ᬬᬂ᭞ᬫᬶᬯᬄᬤᬦᬾᬳᬶᬕᬸᬭᬸ᭞ᬓ᭄ᬦᬶᬤᬦᬾᬲᬳᬸᬦᬶᬗ᭞ᬭᬶᬂᬩᬕᬾᬡ᭄ᬟᬵ᭞ᬩᬕᬾᬡ᭄ᬟᬲᬸᬫᬯᬸᬃᬳᬭᬶᬲ᭄᭞ᬦᬄᬫᬦᬶᬭᬜᬦᬦ᭄‌ᬓ᭄ᬫᬵ᭚ᬲᬸᬓᬲᬾᬦᬶᬓᬓᬘᬭᬶᬢᬫᬗ᭄ᬓᬶᬦ᭄᭞
ᬫᬢᬸᬫ᭄ᬩᬲᬦ᭄᭞ᬲᬵᬃᬯ᭄ᬯᬳᬶᬦᬸᬫ᭄ᬫᬶᬦᬸᬫᬦ᭄᭞ᬧᬶᬭᬶᬂᬮᬸᬫ᭄ᬩᬸᬃᬕ᭄ᬟᬄᬳᬗ᭄ᬭᬯᬶᬢ᭄᭞ᬕᬶᬧᬂᬭᭀᬢᬶᬓᭀᬃᬫ᭄ᬫᬲᬵᬫ᭄ᬧᬸᬦ᭄᭞ᬕᬸᬮᬩᬢᬸᬕᬸᬮᬧᬲᬶᬭ᭄᭞ᬯᬶᬲ᭄ᬓᬶᬩ᭄ᬭᬦ᭄ᬟᬶᬧᬥᬲᭂᬥ᭄ᬬ᭞ᬑᬃᬚ᭄ᬭᬸᬓ᭄‌ᬫᬶᬯᬄᬮᬶᬫᬸᬦ᭄᭞ᬯᬸᬲ᭄ᬫ
ᬩ᭄ᬮᬜ᭄ᬚᬭᬭᬶᬲ᭄ᬩᬸᬤᬮ᭄᭞ᬲᬸᬓᬲᬾᬦ᭄ᬬ᭞ᬲᬵᬫ᭄ᬧᬸᬦ᭄ᬭᬯᬸᬄᬚᬸᬫᬄᬕ᭄ᬮᬶᬲ᭄᭞ᬭᬭᬶᬲ᭄ᬤᬦᬾᬦᬸᬳᬸᬦᬂᬩ᭄ᬮᬜ᭄ᬚᬦ᭄᭚ᬲᬫ᭄ᬧᬸᬦ᭄ᬤᬦᬾᬜᬯᬶᬲᬂᬫᬗ᭄ᬓᬶᬦ᭄᭞ᬦᬸᬮ᭄ᬬᬲᬶᬭ᭞ᬩᬕᬾᬡ᭄ᬟᬧ᭄ᬭᬧ᭄ᬢᬵ᭞ᬭᬶᬂᬯᬾᬰ᭄ᬫ
[᭔᭕ 45A]
ᬦ᭄‌ᬢ᭄ᬯᬦ᭄ᬳᬩᬶᬢ᭄ᬢᬾ᭞ᬢ᭄ᬯᬦ᭄ᬳᬩᬶᬢ᭄‌ᬳᬶᬲ᭄ᬢ᭄ᬭᬶᬓᬓᬸᬂ᭞ᬲᬫᬶᬕᬸᬧᬸᬄᬜᬧᬳᬭᬶᬲ᭄᭞ᬧᬓᬸᬮᬸᬦ᭄‌ᬰ᭄ᬭᬶᬧᬤᬸᬓ᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄‌ᬯᬯᬸᬭᬯᬸᬄ᭞ᬩᬕᬾᬦ᭄ᬟᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬗ᭄ᬕᬶᬄᬢ᭄ᬯᬦ᭄᭞ᬢ᭄ᬬᬂᬯᬦ᭄ᬢᬄᬯᬯᬸᬧ᭄ᬭ᭠
ᬯ᭄ᬢᬶ᭞ᬢᬩᬾᬭᬭᬶᬲ᭄ᬫᬲᬮᬫᬦ᭄᭟ᬢ᭄ᬯᬦ᭄ᬳᬩᬶᬢ᭄‌ᬗᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬲᬶᬗ᭄ᬕᬶᬄᬧᬤᬸᬓᬵ᭞ᬫᬮᬶᬗ᭄ᬕᬶᬄᬤᬸᬭᬸᬲᬂ᭞ᬩᬕᬡ᭄ᬟᬮᬶᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬲᬸᬓᬲᬾᬦᬶᬫᬗ᭄ᬓᬶᬦ᭄‌ᬕᬸᬧᬸᬄ᭞ᬫᬗ᭄ᬭᬢᭂᬗᬂᬧᬘᬂᬲᬕᬶ᭞ᬫᬗ᭄ᬓᬶᬦ᭄ᬲᬵ᭠
ᬫ᭄ᬧᬸᬦ᭄‌ᬭᬢᭂᬂᬲᬫ᭄ᬬᬦ᭄᭞ᬢᬾᬄᬓᭀᬧᬶᬧᬥᬧᬸᬧᬸᬢ᭄᭞ᬲᬸᬓᬲᬾᬦᬶᬧᬘᬂᬗᬢᬸᬭᬂ᭞ᬭᬶᬂᬩᬕᬾᬡ᭄ᬟᬵ᭞ᬩ᭄ᬬᬂᬤᬦᬾᬯᬸᬓ᭄ᬳᬕᬶᬕᬶᬲ᭄᭞ᬭᬭᬶᬲ᭄‌ᬳᬸᬮᬸᬂᬲᬫ᭄ᬩᭂᬄᬩᬸᬬᬭ᭄᭚ᬲᬸᬓᬲᬾᬦᬶᬫᬢᬶᬫ᭄ᬧᬸᬄ
ᬢᬸᬃᬫᬗ᭄ᬮᬶᬂ᭞ᬓᬗᭂᬦ᭄‌ᬯᬶᬭᬂ᭞ᬗ᭄ᬭᬱᬵᬢ᭄ᬓᬾᬦ᭄ᬳᬯᬓ᭄᭞ᬕᬸᬭᬸᬦ᭄ᬜᬦᬾᬫᬜᬕ᭄ᬚᬕᬶᬦ᭄᭞ᬢ᭄ᬯᬦ᭄ᬳᬩᬶᬢ᭄‌ᬭᬭᬶᬲ᭄‌ᬫᬸᬯᬸᬲ᭄᭞ᬳᬤᬸᬄᬜᬳᬶᬲᬸᬓᬲᬾᬦᬶ᭞ᬧᬸᬦᬧᬶᬳᬯᬶᬦᬦ᭄ᬜᬵ᭞ᬲᬸᬓᬲᬾᬦᬶᬳᬸᬫᬵ