[᭓᭓ 33B]
᭓᭓
ᬧ᭄ᬰᬹᬦ᭄ᬬᬦ᭄ᬢᭀᬗᬭᬦ᭄ᬰᬶᬯᬢ᭄ᬭᬂ᭞ᬳᬸᬗ᭄ᬕᬸᬄᬦ᭄ᬬᬫᬭᬸᬧᬚᬢᬶ᭞ᬬᬦᬶᬂᬭᬱᬵᬰᬹᬦ᭄ᬬ᭞ᬲᬤ᭄ᬟᬵᬰᬶᬯᬦ᭄ᬢᭀᬓᬳᬸᬘᬧ᭄᭞ᬭᬶᬂᬲᬩ᭄ᬤᬧᬸᬦᬶᬓᬵᬲᬭᬶ᭞ᬲᬭᬱᬾᬂᬰᬹᬦ᭄ᬬ᭞ᬧ᭄ᬭᬫᬰᬶᬯᬲᬫᬧ᭄ᬭᬯᭂᬃᬢ᭄ᬢᬶ᭚ᬳᬦᬋ
ᬓᭀᬭᬶᬮᬶᬭᬶᬂᬉᬗ᭄ᬕᬸᬄᬳ᭄ᬬᬂᬢᬬᬵ᭞ᬫᬓᬮᬶᬳᬦ᭄ᬲᬭᬶᬲᬭᬶ᭞ᬳᬶᬓᬤᬾᬦ᭄ᬢᬸᬦ᭞ᬮᬫᬓᬦᬾᬫᬓᬭ᭄ᬯ᭞ᬩ᭄ᬭᬳ᭄ᬫᬦᬾᬧᬮᬶᬂᬤᬶᬲᬶᬲᬶ᭞ᬚ᭄ᬭᭀᬦᬶᬗ᭄ᬳᬚ᭄ᬭᭀ᭞ᬭᬶᬂᬤᬍᬫ᭄ᬤᬤᬶᬲᬯᬶᬚᬶ᭚ᬤᬍᬫ᭄ᬳᬧ᭄ᬯᬶᬳ᭄ᬬᬂᬲᬹᬃᬬ᭄ᬬ
ᬓᬾᬢᭂᬭᬦ᭄ᬢᬵ᭞ᬤᬍᬫᬶᬓᬓᬳᬸᬘᬧ᭄ᬫᬮᬶᬄ᭞ᬉᬮᬦ᭄ᬫᬸᬗ᭄ᬕᬸᬄᬋᬓᭀ᭞ᬭᬶᬂᬢ᭄ᬮᭂᬗᬶᬂᬲᬂᬳ᭄ᬬᬂᬉᬮᬦ᭄᭞ᬳᬦᬫᬶᬲᬶᬰᬸᬦ᭄ᬬᬶᬸᬓ᭄ᬮᬳ᭄ᬦᬶᬂ᭞ᬫᬤ᭄ᬬᬦᬶᬂᬰᬸᬓ᭄ᬮ᭞ᬇᬗᬭᬦᬦ᭄ᬰᬶᬯᬚᬢᬶ᭚ᬲᬢ᭄ᬫᬓᬬᬂᬫᬸᬗ᭄ᬕᬸᬄ
ᬭᬶᬂᬧᬤ᭄ᬫᬵᬰᬦ᭞ᬭᬶᬂᬳᭂᬫ᭄ᬩᬂᬫᬦᬳᬾᬢ᭄ᬯᬶ᭞ᬧᬢ᭄ᬮᭂᬗᬶᬰ᭄ᬯᬘᬶᬢ᭞ᬳᬫᭀᬭᬶᬂᬕᬕᬡᬢᬮᬵ᭞ᬤᬾᬦ᭄ᬯᭂᬭᬸᬯ᭄ᬓᬲᬶᬂᬮᬗᬶᬢ᭄᭞ᬇᬰ᭄ᬯᬭᬧᬓ᭄ᬱᬵ᭞ᬪᬵᬯᬮᬦᬪᬵᬯᬲᬫᬶ᭚ᬓᬧᬸᬢᬸᬲᬦ᭄ᬢᬶᬗ᭄ᬓᬳᬾᬳᬵ
[᭓᭔ 34A]
ᬗᭃᬩ᭄ᬬᬲᬵ᭞ᬮ᭄ᬯᬂᬳᬶᬂᬬᭀᬕᬦᬾᬲᬚᬢᬶ᭞ᬲᬢᬢᬢᬶᬗ᭄ᬓᬄᬦ᭄ᬮᭂᬓ᭄ᬢᭂᬓᬂ᭞ᬦᬾᬳᬦᬚᬸᬕᬭᬶᬂᬫᬦᬄ᭞ᬲ᭄ᬦᭃᬂᬳ᭄ᬦᬶᬂᬇᬥᭂᬧ᭄ᬰᬹᬘᬶ᭞ᬢᬦ᭄ᬳᬦᬤᬸᬄᬓ᭞ᬮ᭄ᬯᬶᬄᬲᬸᬓᬦᬾᬓᬧᬗ᭄ᬕᬶᬄ᭚ᬬᬦ᭄ᬫᬲᬸᬓᬶᬂᬲᬶᬭᬫᬭᬶᬂᬓᬧᬢ᭄ᬬᬦ᭄
᭞ᬳᬶᬓᬸᬢᬓᭀᬦᬦᬤᬾᬦ᭄ᬚᬢᬶ᭞ᬭᬶᬂᬯᭀᬂᬓᬰᬸᬰᬵᬲ᭄ᬢ᭄ᬭᬦ᭄᭞ᬦ᭄ᬟᬶᬮᬸᬧᬦ᭄ᬟᬶᬫᬾᬗᭂᬢᬶᬓ᭞ᬢᬶᬗ᭄ᬓᬵᬳᬶᬂᬢ᭄ᬓᬫᬕ᭄ᬟᬶ᭞ᬢᬦ᭄ᬳᬦᬩᬾᬤ᭄ᬟᬵ᭞ᬲᬶᬋᬧᬾᬢ᭄ᬓᬾᬦᬶᬂᬫᬢᬶ᭚ᬲᬂᬳ᭄ᬬᬂᬲᬹᬃᬬ᭄ᬬᬫ᭄ᬤᬮ᭄ᬓᬗᬶᬦ᭄ᬧᬲ᭄ᬫᭃᬗᬦ᭄᭞ᬢ᭄ᬭᬸᬲ᭄ᬓᬧᬰ᭄ᬘᬶ
ᬫᬯ᭄ᬗᬶ᭞ᬳᬾᬲᬸᬓ᭄ᬤᬤᬶᬭᬶᬂᬧᬹᬃᬯ᭄ᬯ᭞ᬳᭂᬦ᭄ᬢᭀᬦᬾᬦ᭄ᬓ᭄ᬭᬱᬭᬶᬂᬘᬶᬢ᭄ᬢ᭞ᬢᬶᬗ᭄ᬓᬄᬧᬸᬍᬲ᭄ᬫ᭄ᬯᬂᬗᭂᬦ᭄ᬤᬸᬲᬶᬦ᭄᭞ᬕ᭄ᬮᬭᬶᬂᬓᬧᬢ᭄ᬬᬦ᭄᭞ᬲᬳᬶᬓᬲᬸᬩᬕᬾᬂᬩᬸᬫᬶ᭚ᬬᬦᬶᬂᬦᬶᬤᬺᬭᬶᬓᬵᬮᬦᬶᬂᬳᬭᬶᬧ᭄ᬫᬢ᭞ᬧᬫ᭄ᬮᭂᬘᬸᬢ᭄ᬢᬶᬓᬧᬂᬧ
ᬲ᭄ᬢᬶ᭞ᬧᬦ᭄ᬧᬵᬗ᭄ᬭᬸᬘᬶᬢ᭄ᬢᬂᬫᬦᬄ᭞ᬧᬭᬦᬢᬶᬮᬃᬫ᭄ᬯᬂᬧ᭄ᬭᬧ᭄ᬢ᭞ᬭᬶᬂᬢ᭄ᬮᭂᬗᬶᬂᬲᬂᬳ᭄ᬬᬂᬮᬶᬭᬶᬂ᭞ᬦᬾᬗᬯᬾᬳᬮ᭞ᬦᬾᬗᬯᬾᬳᬬᬸᬲᬲᬳᬶ᭚ᬬᬦ᭄ᬯ᭄ᬭᬸᬄᬲᬶᬭᬳᬗᬫᭀᬂᬓᬫᭀᬓ᭄ᬱᬦ᭄᭞ᬓ᭄ᬯᬾᬄᬩᬾᬤ᭄ᬟᬵᬦ᭄ᬬᬫᬶᬚᬶ
Kaca:Bali-lontar-gaguritan-sebun-bangkung-300ppi.pdf/34
Kaca puniki sampun kauji-wacén
