[᭓᭔ 34B]
᭓᭔
ᬮ᭄᭞ᬯᬾᬱᬦ᭄ᬬᬲᬧ᭄ᬢᬧ᭄ᬭᬫᬦ᭞ᬫᬗ᭄ᬤᬤ᭄ᬬᬧ᭄ᬢᭃᬂᬭᬶᬂᬲᬧ᭄ᬢᬵ᭞ᬳᭂᬦ᭄ᬢᭀᬕ᭄ᬮᬭᬂᬧᬂᬧᬲ᭄ᬢᬶ᭞ᬫᬢ᭄ᬫᬵᬳ᭄ᬢᬸᬗ᭄ᬕᬮ᭄᭞ᬫᬃᬕ᭄ᬕᬦ᭄ᬬᬫᬓᬲᬫᬶ᭚ᬳᬶᬓᬢᬶᬦᬜᬦ᭄ᬤᬾᬦᬶᬭᬲᬂᬯ᭄ᬭᬸᬳᬶᬂᬓᬯ᭄ᬬ᭞ᬧᬭᭀᬓ᭄ᬦᬶᬲᬶᬋᬧ᭄ᬮᬦ᭄ᬢᬗᬶ᭞ᬭᬶᬂᬦ᭄ᬟᬶ
ᬧᬺᬦᬄᬦ᭄ᬬ᭞ᬫᬗᬭᬦ᭄ᬗᬶᬧᬶᬢᬦ᭄ᬗᬶᬧ᭄ᬬ᭞ᬲᬦᬾᬓᬳᬸᬘᬧᬂᬚᭂᬃᬦᬶᬄ᭞ᬳᬢᬸᬃᬦᬶᬂᬧᬫ᭄ᬮᬲ᭄᭞ᬢᬦ᭄ᬧᬓᬬᭀᬦᬶᬓᬶᬮ᭄ᬯᬶᬄ᭚ᬳᬶᬗᬭᬦᬦ᭄ᬯᬶᬡ᭄ᬥᬸᬮᬗᬶᬢ᭄ᬳᬓᬱ᭞ᬳᬢᬧᬬᬾᬓᬸᬳᬢᬶᬳ᭄ᬦᬶᬂ᭞ᬳᬧᬥᬂᬢ᭄ᬮᬲᬶᬂᬳᬃ
ᬱ᭞ᬲᬹᬃᬬ᭄ᬬᬘᬦ᭄ᬤ᭄ᬭᬢᬦ᭄ᬧᬥᬶᬧ᭄ᬢ᭞ᬫᬮᬶᬄᬯᬶᬡ᭄ᬥᬸᬤᬦᬾᬳ᭄ᬦᬶᬂ᭞ᬗ᭄ᬳᬶᬂᬦᭀᬭᬦᬭᬵᬱ᭞ᬘᬦ᭄ᬤ᭄ᬭᬢᬦ᭄ᬧᬵᬢᬾᬚᬬᬸᬓ᭄ᬢᬶ᭚ᬇᬥᭂᬧ᭄ᬳ᭄ᬦᬶᬂᬭᬱᬵᬳᬶᬦᬸᬘᬧ᭄ᬭᬶᬂᬘᬶᬢ᭄ᬢᬵ᭞ᬭᬶᬦᬘᬵᬦᬭᬶᬂᬳᬢᬶ᭞ᬤᬾᬦ᭄ᬢᬢᬵ
ᬲ᭄ᬯ᭄ᬭᬸᬳᬵ᭞ᬓᬢᬢ᭄ᬯᬦ᭄ᬓ᭄ᬱᬫ᭄ᬬᬵᬚ᭄ᬜᬵᬦ᭞ᬧᬦᬶᬓᬯ᭄ᬓᬲᬶᬂᬍᬯᬶᬄ᭞ᬫᬸᬮᬶᬳᬾᬂᬰ᭄ᬯᬃᬕ᭄ᬖᬵ᭞ᬭᬶᬂᬫᬤ᭄ᬬᬦᬶᬂᬓᬯᬄᬚᬢᬶ᭚ᬮᬄᬭᬶᬦᬲᬦ᭄ᬓᬂᬳᬶᬗᬭᬦ᭄ᬳᬸᬮᬸᬘᬶᬢ᭄ᬢ᭞ᬩᬲ᭄ᬫᬶᬬᬵᬭᬶᬂᬳᬸᬗ᭄ᬕ᭄ᬯᬦᬶᬗ᭄ᬳ
[᭓᭕ 35A]
ᬢᬶ᭞ᬳᬶᬓᬢᬦ᭄ᬓ᭄ᬦᬾᬂᬚ᭄ᬫᬓ᭄᭞ᬢᬦ᭄ᬭᬶᬂᬮᬸᬳᬸᬃᬢᬦ᭄ᬭᬶᬂᬲᭀᬃ᭞ᬢᬦ᭄ᬭᬶᬂᬤᬍᬫ᭄ᬢᬦ᭄ᬭᬶᬂᬲᬶᬲᬶ᭞ᬦᭀᬭᬭᬶᬂᬓᬦᬦ᭄᭞ᬦᭀᬭᬓᬶᬭᬶᬫᬸᬮᬧᬶᬗᬶᬢ᭄᭚ᬧᬜ᭄ᬘᬫᬮᬵᬩᬸᬢ᭄ᬢᬵᬤᬳᬢ᭄ᬫᬗᬺᬜ᭄ᬘᬶᬸᬩᬾᬤ᭄ᬟᬵ᭞ᬳᬾᬧᬸᬄᬫᬦ
ᬳᬾᬢᬦ᭄ᬲᬶᬧᬶ᭞ᬧ᭄ᬭᬢᬶᬯᬶᬳᬧᬄᬢᬾᬚᬵ᭞ᬩᬬᬸᬳᬓᬱᬓᬳᬸᬘᬧ᭄᭞ᬢᬢᬲᬂᬫᬶᬫᬶᬢᬾᬲᬫᬶ᭞ᬫ᭄ᬯᬂᬧᬯᭂᬢ᭄ᬯᬦ᭄᭞ᬭᬶᬳᭂᬦ᭄ᬤᬶᬓᬳᬸᬘᬧ᭄ᬧ᭄ᬭᬶᬢᬶᬯᬶ᭚ᬦᬾᬭᬶᬂᬳᬥᬵᬄᬫᬗᬭᬦ᭄ᬩᬲᬸᬦᬵᬃᬬ᭄ᬬ᭞ᬳᬧᬄᬭᬶᬂᬚᬶᬯ
ᬯ᭄ᬬᬓ᭄ᬢᬶ᭞ᬢᬾᬚᬵᬫᬭᬶᬂᬧᬦᭀᬦ᭄᭞ᬩᬬᬸᬫᬭᬶᬂᬲᬨᬃᬱ᭞ᬅᬓᬵᬱᬭᬶᬂᬲᬩ᭄ᬤᬮ᭄ᬯᬶᬄ᭞ᬧᬜ᭄ᬘᬫᬳᬵᬪᬹᬢ᭄ᬣᬵ᭞ᬤᬾᬦ᭄ᬧᬸᬢᬸᬲ᭄ᬭᬶᬦᬲᬾᬂᬲᬫᬶ᭚ᬓᬂᬳᬶᬦᬸᬗ᭄ᬲᬶᬭᬶᬂᬲᬂᬧᬸᬢᬸᬲᬶᬂᬓᬥᬃᬫ᭄ᬫᬦ᭄᭞ᬕᬸᬳ᭄ᬬ
ᬯᬾᬤ᭄ᬟᬵᬢᬢ᭄ᬯᬯᬶᬢ᭄᭞ᬢᬦᬵᬦᬭ᭄ᬯᬢᬶᬕᬵ᭞ᬯᬶᬡ᭄ᬥᬸᬓᬺᬱ᭄ᬡᬦᬾᬓᬳᬸᬘᬧ᭄᭞ᬓᬸᬘᬸᬧᬶᬂᬓᬸᬫᬸᬥᬚᬢᬶ᭞ᬧᬭᭀᬓᬶᬂᬢᬬ᭞ᬫᬗ᭄ᬤᬤᬶᬰᬶᬯᬵᬲᬚᬢᬶ᭚ᬧ᭄ᬳᬶᬦᬸᬘᬧ᭄ᬰ᭄ᬯᬃᬕ᭄ᬖᬵᬯᬶᬱ᭄ᬡᬸᬮᭀᬓ
Kaca:Bali-lontar-gaguritan-sebun-bangkung-300ppi.pdf/35
Kaca puniki sampun kauji-wacén
