[᭓᭑ 31B]
᭓᭑
ᬮᬸᬤ᭄ᬭᬲᬗ᭄ᬓᬭ᭞ᬲᬫ᭄ᬩᬸᬰᬶᬯᬧᬜ᭄ᬘᬓᬺᬱ᭄ᬡ᭞ᬩ᭄ᬭᬳ᭄ᬫᬵᬦ᭄ᬬᬫᬸᬗ᭄ᬕᬸᬄᬭᬶᬂᬦᬵᬪᬶ᭞ᬳ᭄ᬬᬂᬯᬶᬱ᭄ᬡᬸᬳᬶᬓ᭞ᬭᬶᬂᬰᬶᬯᬵᬤ᭄ᬯᬭᬓᬧᬸᬚᬶ᭚ᬲᬧ᭄ᬭᬓᬭᬧᬢ᭄ᬫᬸᬦ᭄ᬬᬯᬶᬡ᭄ᬥᬸᬢᬸᬗ᭄ᬕᬮ᭄᭞ᬯᬶᬡ᭄ᬥᬸᬦᬾᬫᬮᬶᬄᬓᬧᬮᬶᬄ᭞ᬤᬤᬶᬧ᭄ᬭ
ᬤᬵᬦᬧᬸᬭᬸᬱ᭞ᬳᭂᬦ᭄ᬢᭀᬫᬯᬓ᭄ᬫᬾᬫᬾᬩᬧ᭞ᬫᬤᬦ᭄ᬅᬓ᭄ᬱᬭᬵᬧ᭄ᬭᬶᬢᬶᬯᬶ᭞ᬗ᭄ᬳᬶᬂᬲᬹᬓ᭄ᬱ᭄ᬫᬦ᭄ᬬ᭞ᬲᬂᬤ᭄ᬭᬱᬧᬸᬧᬸᬢᬶᬂᬲᭂᬧᬶ᭚ᬲᬓᬶᬂᬲᬸᬦ᭄ᬬᬫ᭄ᬦᬵᬤᬶᬧᬸᬭᬸᬱᬧᬺᬥᬦᬵ᭞ᬧᬦ᭄ᬲᬫᬫᬗᬸᬤᬦᬶ᭞ᬤᬦᬜ᭄ᬚᬬᬵᬧ᭄ᬭ
ᬥᬦᬵ᭞ᬲᬫᬫᬗᬸᬤᬦᬶᬳᬗ᭄ᬕᬵ᭞ᬓᬸᬫᬺᬩ᭄ᬬᬵᬓ᭄ᬐᬃᬮᬦ᭄ᬖ᭄ᬦᬶ᭞ᬤᬤᬶᬧᬜ᭄ᬘᬵᬢ᭄ᬫ᭞ᬢᬸᬫᬸᬯᬸᬄᬭᬶᬂᬰᬹᬦ᭄ᬬᬲᬫᬶ᭚ᬲᬂᬳ᭄ᬬᬂᬅᬲ᭄ᬫᬵᬦᬶᬳᬢ᭄ᬫᬵᬚᬶᬯᬢ᭄ᬫᬵ᭞ᬳᬦ᭄ᬢᬵᬭᬵᬢ᭄ᬫᬧᬭᬵᬢ᭄ᬫᬶ᭞ᬧᬜ᭄ᬘᬵᬢ᭄ᬫᬵ
ᬳᬶᬓᬵ᭞ᬓᬢ᭄ᬭᬶᬦ᭄ᬬᬩᬬᬸᬇᬥᭂᬧ᭄ᬰᬩ᭄ᬤᬵ᭞ᬚ᭄ᬜᬦᬵᬭᭀᬭᭀᬤᬤᬶᬢᬸᬗ᭄ᬕᬶᬮ᭄᭞ᬫᬾᬗᭂᬢ᭄ᬮᬦ᭄ᬮᬸᬧᬵ᭞ᬧᬦ᭄ᬢᬦ᭄ᬬᬯ᭄ᬓᬲᬶᬂᬍᬯᬶᬄ᭚ᬧ᭄ᬭᬬᭀᬕᬦᬶᬂᬢᬸᬢᬸᬭᬾᬮᬓ᭄ᬱᬡᬬᬂ᭞ᬦᬶᬱ᭄ᬝᬫᬤ᭄ᬬᬉᬢ᭄ᬢᬫᬍ
[᭓᭒ 32A]
ᬯᬶᬄ᭞ᬳᬶᬓᬸᬢᬢᬲ᭄ᬧᬂᬯ᭄ᬭᬸᬳᬵ᭞ᬧᬲᬸᬓ᭄ᬯᭂᬢᬸᬦᬶᬓ᭞ᬦᬾᬤᬤᬶᬅᬓ᭄ᬱᬭᬧ᭄ᬭᬶᬢᬶᬯᬶ᭞ᬳᭂᬦ᭄ᬢᭀᬬᬧᬢᭂᬫ᭄ᬯᬂ᭞ᬲᬸᬃᬬ᭄ᬬᬘᬦ᭄ᬤ᭄ᬭᬧᬶᬦᬸᬚᬶ᭚ᬬᬦ᭄ᬧ᭄ᬭᬤᬦᬵᬧᬸᬭᬸᬱᬋᬕᭂᬧᬂ᭞ᬳᬶᬓᬢᬢᬲ᭄ᬤᬾᬦ᭄ᬚᬢᬶ᭞ᬧᬦ᭄ᬫ᭄ᬭᬕᬓᬯᬶ᭠
ᬢᬦ᭄᭞ᬳᬚ᭄ᬜᬦᬭ᭄ᬯᬓᬳᬸᬘᬧ᭄᭞ᬯᬲ᭄ᬢᬦ᭄ᬓᬯᬶᬢᬾᬳᬶᬗᭂᬢᬶᬦ᭄᭞ᬫᭂᬢᬸᬯᬶᬩᬸᬄᬦ᭄ᬬ᭞ᬦᬾᬫᬭᬵᬕᬮᬦᬂᬳᬶᬲ᭄ᬢ᭄ᬭᬶ᭚ᬓᬮᬫᬶᬚᬶᬮ᭄ᬓᬳᬸᬘᬧ᭄ᬉᬢ᭄ᬧᬢᬶᬳᬶᬓ᭞ᬫᬳ᭄ᬮᭂᬢᬦ᭄ᬢ᭄ᬯᬄᬳᬓᬶᬤᬶᬓ᭄᭞ᬗᬦ᭄ᬢᬶᬲ᭄ᬢᬶᬢᬶᬦ᭄ᬬ
᭞ᬫᬮᬶᬄᬦᬶᬫ᭄ᬩᬮ᭄ᬧᬺᬮᬶᬡᬵ᭞ᬧᬥᬫᬸᬮᬶᬄᬗᬸᬗ᭄ᬲᬶᬮᬶᬗ᭄ᬕᬶᬄ᭞ᬧᬦ᭄ᬚᬢᬶᬳᬶᬓ᭞ᬧ᭄ᬭᬮᬶᬡᬵᬓᬵᬮᬦᬶᬂᬉᬭᬶᬧ᭄᭚ᬍᬯᬶᬄᬗ᭄ᬲᭃᬂᬧᬮᬢ᭄ᬭᬬᬦᬶᬂᬰᬭᬶᬭ᭞ᬳᬧᬂᬢᬢᬲ᭄ᬩᬦ᭄ᬗᬶᬗᭂᬢᬶᬦ᭄᭞ᬓᬸᬫ᭄ᬩᬵᬓᬭᬾ
ᬘᬵᬓ᭞ᬧᬲᬸᬓ᭄ᬯ᭄ᬢᬸᬦ᭄ᬬᬾᬗ᭄ᬳᬯᬓ᭄᭞ᬓᬦᬦ᭄ᬓᬾᬭᬶᬫᬗ᭄ᬤᬧᬱ᭄ᬝᬶ᭞ᬦᬾᬭᬶᬂᬦᬵᬲᬶᬓᬵ᭞ᬫᬸᬮᬶᬄᬦ᭄ᬬᬫᬦᬵᬤᬶᬕ᭄ᬦᬶ᭚ᬧᬭᬶᬧᬹᬃᬡ᭄ᬦᬲᬍᬢᭂᬳᬶᬂᬢ᭄ᬫᬄᬳᬶᬮᬂ᭞ᬰᬸᬤ᭄ᬟᬵᬲ᭄ᬨᬢᬶᬓᬚᭂᬦᬶᬄ᭞ᬬᬦ᭄ᬯᬸᬲ᭄ᬓᬤᬶᬳᬶ
Kaca:Bali-lontar-gaguritan-sebun-bangkung-300ppi.pdf/32
Kaca puniki sampun kauji-wacén
