[᭒᭔ 24B]
᭒᭔
ᬫᬫᬶ᭞ᬢᬦ᭄ᬓᬯᬸᬯᬸᬲ᭄᭞ᬲᬂᬘᬢᬹᬃᬭᬶᬂᬰᬶᬯᬮᭀᬓ᭚ᬬᬦ᭄ᬓᬳᬶᬥᭂᬧ᭄ᬭᬵᬱᬦᬶᬗ᭄ᬯᬂ᭞ᬘᬢᬸᬃᬳᬢ᭄ᬫᬦᬾᬦ᭄ᬢᭀᬕᬸᬮᬶᬓ᭄᭞ᬤᬾᬦᬶᬂᬳᬓ᭄ᬯᬾᬄᬧᬲᬦᬓᬦ᭄᭞ᬬᬦ᭄ᬩᬓ᭄ᬢᬶᬤᬾᬦᬶᬭᬲᬫᬶ᭞ᬦ᭄ᬟᬵᬢᬦ᭄ᬳᬦᬫᬗ᭄ᬯᬶᬱ᭄ᬬᬦᬶᬦ᭄᭞
ᬢᬦ᭄ᬓᬲᬵᬲᬵᬃᬚᬢᬶᬦᬶᬓᬸ᭞ᬫ᭄ᬯᬂᬢᬦ᭄ᬓᭂᬦᬾᬂᬚᬭᬫ᭄ᬭᬡ᭞ᬯᭀᬲᬚᬕᬢ᭄ᬧᬥᬳᬰᬶᬄ᭞ᬲ᭄ᬧᬭᬦ᭄ᬮᬓᬸ᭞ᬩ᭄ᬬᬓ᭄ᬢᬦᭂᬫᬸᬨᬮᬵᬩᭀᬕ᭚ᬓᭀᬘᬧ᭄ᬋᬓᬾᬮᬶᬗᬶᬂᬰᬲ᭄ᬢ᭄ᬭᬵ᭞ᬬᬦ᭄ᬧ᭄ᬭᬲᬦᬓᬶᬓᬫᬶᬚᬶᬮ᭄᭞ᬲᬓᬶᬂ
ᬇᬥᭂᬧ᭄ᬲᬓᬾᬂᬫᬦᬄ᭞ᬲᬓᬶᬂᬰᬩ᭄ᬟᬲᬓᬶᬂᬩᬸᬤ᭄ᬟᬶ᭞ᬲᬓᬶᬂᬢᬸᬢᬹᬃᬲᬸᬓ᭄ᬱ᭄ᬫᬾᬓᬶ᭞ᬲᬶᬦᬫ᭄ᬬᬦ᭄ᬧᬮᬶᬗ᭄ᬕᬶᬄᬳᬶᬓᬸ᭞ᬧᬲᬶᬮᬸᬫᬦ᭄ᬬᬭᬶᬂᬩ᭄ᬯᬦᬵ᭞ᬳᬚᬲᬶᬭᬮᬮᬶᬭᬶᬂᬳᬢᬶ᭞ᬲ᭄ᬕᭃᬄᬲᬸᬕᬸᬄ᭞ᬭᬶᬂᬍᬩᬸᬄᬫ᭄ᬯᬂᬭᬶᬂᬧᭂᬫ᭄ᬧ
ᬢᬦ᭄᭚᭜᭚ᬧᬹᬄᬕᬶᬦᬵᬤ᭄ᬟᬵ᭚᭜᭚ᬧᬸᬮᬸᬦ᭄ᬭᬢᬸᬪᬝᬭ᭞ᬕᬸᬭᬸᬭᬾᬓᬲᬭᬰ᭄ᬯᬢᬶ᭞ᬫᬶᬯᬄᬲᬂᬳ᭄ᬬᬂᬓᬯᬶᬰ᭄ᬯᬭᬵ᭞ᬢᬩᬾᬓᬳᬸᬮᬧᬸᬓᬸᬮᬸᬦ᭄᭞ᬮᬸᬧᬸᬢᬦᬶᬂᬳᬶᬮᬵᬳᬶᬮᬵ᭞
[᭒᭕ 25A]
ᬢᬸᬮᬄᬫᬫ᭄ᬧᬶᬃ᭞ᬧᬹᬃᬡ᭄ᬦᬳᬬᬸᬓᬂᬫᬵᬦᬸᬱ᭚ᬢᬶᬢ᭄ᬬᬂᬗᬯᬶᬩᭂᬲ᭄ᬤ᭄ᬭᭀᬧᭀᬦᬦ᭄᭞ᬩᬱᬵᬦ᭄ᬜᬦᬾᬫᬸᬜᬶᬩᬮᬶ᭞ᬲᬓᬶᬂᬤ᭄ᬫᭂᬦᬾᬫ᭄ᬮᬚᬄ᭞ᬢ᭄ᬯᬭᬵᬢᬳᬸᬮᬶᬦ᭄ᬢᬂᬤᬸᬲᬸᬦ᭄᭞ᬲᬲᬃᬦᬶᬱ᭄ᬝᬵᬢᬦ᭄ᬧᬕᬸᬡᬵ᭞ᬳᬶᬩᬸᬓ᭄ᬱᬳᬶ᭞
ᬫᬓᬶᬢᬫᬗᬯᬾᬕᬶᬢ᭄ᬢᬵ᭚ᬳᬶᬤᬸᬧᬾᬓᬕᭂᬮᬵᬕᭂᬮᬵ᭞ᬧᭂᬢᭃᬂᬍᬫᬄᬲᬳᬶᬲ᭄ᬤᬶᬄ᭞ᬩᬗᭂᬢ᭄ᬢᬶᬯᬲᬾᬫᬗᭀᬜᬂ᭞ᬓᬾᬦᬾᬲᬮᬄᬓᬾᬢᭀᬳᭂᬦ᭄ᬢᬸᬓ᭄᭞ᬩ᭄ᬭᬕ᭄ᬢᬶᬯᬲ᭄ᬓᬲᬓᬶᬢᬦ᭄᭞ᬓᬦᬶᬸᬢᬄᬭᬸᬦ᭄ᬢᬶᬓ᭄
᭞ᬚᬦᬶᬲᬃᬯ᭄ᬯᬂᬗᬯᬾᬕᬶᬢ᭄ᬢᬵ᭚ᬕᬶᬢ᭄ᬢᬕᬸᬬᬸᬲᬲᬵᬚᬬᬦ᭄᭞ᬳᬗ᭄ᬕᬾᬦ᭄ᬕᬕᬸᬬᭀᬦ᭄ᬭᬶᬂᬫᬃᬕ᭄ᬕᬶ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬯᭀᬂᬓᬦᬹᬃᬯ᭄ᬯᬦ᭄᭞ᬧᭂᬲᬾᬗᬦ᭄ᬳᬶᬫᬥᬾᬥᬦᬸ᭞ᬫ᭄ᬯᬦᬶᬚᬂᬜ᭄ᬚᬂᬩᬶᬱᬢᬺᬱ᭄ᬡᬵ᭞
ᬳᬮᬸᬲ᭄ᬩᬤ᭄ᬟᬶ᭞ᬫᬬᬫᭂᬦᬾᬓ᭄ᬢᬭᬸᬡ᭚ᬳᬤᬢᬺᬱ᭄ᬡᬵᬧᬺᬦᬄᬫᬶᬲᬦ᭄᭞ᬍᬫᬄᬧ᭄ᬢᭂᬂᬬᬫᬮᬮᬶ᭞ᬳᬶᬕ᭄ᬟᬾᬢᭀᬕᬕ᭄ᬳᬤᬜ᭞ᬲᬢ᭄ᬬᬫᬸᬜᬶᬦ᭄ᬬᬲᬮᬸᬮᬸᬢ᭄᭞ᬕᬯᬾᬦ᭄ᬜᬦᬾᬫᬗᬸᬮᬶᬜᬃ
Kaca:Bali-lontar-gaguritan-sebun-bangkung-300ppi.pdf/25
Kaca puniki sampun kauji-wacén
