[᭒᭕ 25B]
᭒᭕
᭞ᬲᬳᬶᬲᬳᬶ᭞ᬤ᭄ᬫᭂᬦ᭄ᬫᬩᭀᬭᭀᬲ᭄ᬫᬧᬶᬓᬢ᭄᭚ᬳᬶᬕ᭄ᬟᬾᬢᭀᬕᬕ᭄ᬬᬘᭂᬧᬕ᭄᭞ᬘᬗ᭄ᬓᭂᬫ᭄ᬮᬶᬗ᭄ᬕᬄᬦᬾᬢ᭄ᬭᬦᭂᬮᬶᬓ᭄᭞ᬩᬲᬂᬩᬾᬤᭀᬕ᭄ᬩᬢ᭄ᬓᭂᬮᬦ᭄᭞ᬓᬸᬫᬶᬲ᭄ᬩᬭᬓ᭄ᬩᬯᭀᬂᬧᬸᬦᬸᬓ᭄᭞ᬩᭀᬕ᭄ᬩᭀᬕ᭄
ᬕ᭄ᬢᬃᬩᬺᬓᬓᬓᬦ᭄᭞ᬮᬫ᭄ᬧ᭄ᬬᬲ᭄ᬮᬫᬶᬲ᭄᭞ᬢ᭄ᬯᬭᬩᬶᬱᬗᭂᬩᬂᬧ᭄ᬢᭃ᭚ᬚᬦᬶᬬᬮ᭄ᬯᬲ᭄ᬫᬧᬶᬓᬢ᭄᭞ᬓᬳᬮᬲ᭄ᬓᬕᬸᬦᬸᬂᬲᬭᬶ᭞ᬲᬸᬩᬮᬶᬗ᭄ᬲᬶᬃᬫᬮᬶᬧᭂᬢᬦ᭄᭞ᬲᬶᬫ᭄ᬧᬚᬸᬫᬄᬤᬦᬾᬤᬸᬓᬸᬄ᭞ᬫᬶᬦ᭄ᬢᬢᭀᬬᬬᬓ
ᬲᬢᬦ᭄᭞ᬲᬤᬵᬕᬢᬶ᭞ᬤᬦᬾᬤᬸᬓᬸᬄᬲ᭄ᬟᭂᬓ᭄᭞ᬫᬫᬵᬘ᭚ᬯᬯᬸᬭᬯᬸᬄᬫᬭᬶᬂᬦᬵᬢᬃ᭞ᬤᬦᬾᬤᬸᬓᬸᬄᬫᬜᬧᬢᬶᬦ᭄᭞ᬫ᭄ᬭᬶᬓᬶᬤᬾᬯᬓᬤᬸᬯᬸᬭᬦ᭄᭞ᬲᬧᬲᬶᬭᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬳᬶᬫᬥᬾᬢᬦᬸᬳᬗᬸᬘ
ᬧ᭄᭞ᬓ᭄ᬜᬸᬂᬫᬦᬶᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭚ᬢᬶᬢ᭄ᬬᬂᬯᬦ᭄ᬢᬄᬯᭀᬂᬓᬸᬭᬶᬧᬦ᭄᭞ᬦᬗ᭄ᬳᬶᬂᬯᬗ᭄ᬲᬦ᭄ᬢᬶᬢ᭄ᬬᬂᬢᬦᬶ᭞ᬳᬶᬫᬥᬾᬢᬦᬸᬦᬵᬃᬢ᭄ᬢᬬᬂ᭞ᬦᬶᬓᬶᬫᬶᬲᬦ᭄ᬢᬶᬢ᭄ᬬᬂᬢᬸᬳᬸ᭞ᬫᬯᬱ᭄ᬝᬵᬳᬶᬕ᭄ᬟᬾ
[᭒᭖ 26A]
ᬢᭀᬕᬕ᭄᭞ᬳᬶᬧᬸᬦ᭄ᬲᬓᬶᬢ᭄᭞ᬤᬶᬲ᭄ᬕᭂᬭᬾᬓ᭄ᬟᬧ᭄ᬲᬵᬧ᭄ᬧᬺ᭚ᬳᬶᬗ᭄ᬕᬶᬄᬩᬯᬦᬧᬶᬯᬗ᭄ᬰᬵ᭞ᬩᬧᬲᬫ᭄ᬧᬶᬂᬧᬸᬘᬸᬓ᭄ᬕᬸᬤᬶᬕ᭄᭞ᬩᬧᬫᬳᬶᬲᬸᬩᬮᬯᬲ᭄᭞ᬫᬦᬸᬓᬸᬄᬳᬚᬓ᭄ᬧᬯᬶᬢᬸ᭞ᬳᭀᬜᬫᬢᬸ᭠
ᬗ᭄ᬗᬮᬦ᭄ᬲᭂᬫ᭄ᬩᬄ᭞ᬫᬭᬶᬂᬗᬸᬦᬶᬩᬧᬧᭂᬘᬓ᭄ᬯᭀᬂᬕᬕ᭄ᬮᬂ᭚ᬩᬸᬓᬳᬤᬯᬶᬤ᭄ᬟᬶᬲ᭄ᬯᬾᬘ᭄ᬙᬵ᭞ᬗᬹᬦᬶᬩᬧᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬯᬾᬦ᭄ᬢᭂᬦ᭄ᬲᬫᬲ᭄ᬢᬶᬕᬂᬩ᭄ᬦᬵᬂ᭞ᬲᬫᬶᬩᬧᬲᬶᬯᬶᬦᬶᬧᬸᬦ᭄᭞ᬳᬮᬳᬬᬸᬩᬧᬗᭀ
ᬮᬄ᭞ᬢ᭄ᬯᬄᬳᬩ᭄ᬲᬶᬓ᭄᭞ᬤᬬᬦᬾᬤᬶᬦᬶᬫᬓ᭄ᬚᬂ᭚ᬦᬵᬗ᭄ᬳᬶᬂᬩᬧᬳᬦᬶᬩᬕ᭄ᬬ᭞ᬳᬤᬦᬾᬳᬦ᭄ᬟᭂᬮᬂᬢᬸᬲᬶᬂ᭞ᬩᬸᬓᬕᬕᬶᬡᬦᬾᬜᭂᬫ᭄ᬩᬃ᭞ᬓᬢᬄᬧᬓ᭄ᬧᬓ᭄ᬢ᭄ᬯᬭᬢᬶᬸᬧᬸᬧᬸ᭞ᬤ᭄ᬬᬧᬶᬦ᭄ᬓᬾᬦ᭄ᬢᭀ
ᬩᬧᬯᬶᬃᬬ᭄ᬬ᭞ᬩᬸᬦ᭄ᬢᬸᬢ᭄ᬭᬸᬚᬶᬢ᭄᭞ᬧ᭄ᬬᬦᬓ᭄ᬩᬧᬮᬸᬄᬫᬓ᭄ᬚᬂ᭚ᬳᭂᬦ᭄ᬢᭀᬧᬤᬧ᭄ᬬᬦᬓ᭄ᬩᬧ᭞ᬫᬓ᭄ᬚᬂᬢᭀᬗᬯᬾᬲ᭄ᬟᬶᬄ᭞ᬮᬶᬬᬸᬧᬤᬵᬫᬜᬸᬯᬓᬂ᭞ᬢᭀᬦ᭄ᬤᬾᬦ᭄ᬫᬦᬄᬩᬧᬳᬤᬸᬂ᭞ᬳ
Kaca:Bali-lontar-gaguritan-sebun-bangkung-300ppi.pdf/26
Kaca puniki sampun kauji-wacén
