[᭒᭖ 26B]
᭒᭖
ᬭᬶᬂᬧ᭄ᬭᬦᬓᬦᬾᬫᬓᭂᬚᬂ᭞ᬦᬄᬕᭂᬮᬭᬂᬦᬾᬬᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬕᬕᭂᬮᬭᬦᬾᬫᬓᭂᬚᬂ᭟ᬦᬶᬭᬗ᭄ᬤᬭᬭᬶᬲ᭄ᬗᬲ᭄ᬢᬯᬵ᭞ᬫᬗᭂᬜᭂᬧ᭄ᬳ᭄ᬬᬂᬪᬕᬯᬢᬶ᭞ᬫᬦ᭄ᬢ᭄ᬭᬍᬯᬶᬄᬬᬉᬢ᭄ᬢᬫ᭞ᬳᬲ᭄ᬢᬓᬫᬦ᭄ᬢ᭄ᬭᬦᬾᬍᬯᬶᬄ᭞ᬦᬾᬓᭀᬘᬧᬜᬶᬸᬦ
ᬜᭂᬧ᭄ᬭᬶᬂᬯᬶᬥᬶ᭞ᬤᬦᬾᬭᬗ᭄ᬤᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬗᭂᬜᭂᬧ᭄ᬭᬶᬂᬪᬝᬵᬵᬭ᭞ᬢᬦ᭄ᬓᬾᬘᬧᬦᬾᬫᬗ᭄ᬓᬶᬦ᭄᭞ᬲᬕᬾᬢ᭄ᬭᬯᬸᬄ᭞ᬫᬦ᭄ᬢ᭄ᬭᬫᬗᭂᬜᭂᬧ᭄ᬳᬶᬭᬗ᭄ᬤ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᬧᬳᬤᬩᬸᬓᬚᬦᬶ᭞ᬧᬺᬪᬯᬫᬭᬶᬂᬳᬓᬱ᭟ᬢᬾᬚᬗᬤᭂᬕ᭄ᬢᬾ
ᬚᬕᬸᬮᬶᬂ᭞ᬓᬸᬯᬸᬂᬓᬸᬯᬸᬂᬮᬯᬦ᭄ᬧ᭄ᬭᬶᬂ᭞ᬮᬶᬦᬸᬳᬾᬓᬮᬯᬦ᭄ᬓᭂᬭᬸᬕ᭄᭞ᬳᬗᬶᬦ᭄ᬩᬋᬢ᭄ᬫᬲᬶᬬᬸᬭᬦ᭄᭞ᬳᬸᬚᬦ᭄ᬩᬍᬲ᭄ᬮᬦ᭄ᬭᬶᬭᬶᬲ᭄᭞ᬧᭂᬢᭂᬂᬤ᭄ᬢ᭄ᬕᬸᬫᬶᬦᬾᬬᬫᬓᭂᬚᬂ᭟ᬳ᭄ᬬᬂᬦᬂᬦᬂᬫᬗ᭄ᬓᬶᬦ᭄ᬓᬾᬯᭂᬳᬦ᭄᭞ᬫᬗ᭄ᬮᬗ᭄ᬮᬗᬶᬦ᭄ᬚᬕᬢ᭄ᬲᬫᬶ᭞ᬫᬓᭂᬩᬸᬃᬬᬫᬗᬩᬦᬸ᭞ᬢᬸ
ᬫᬸᬭᬸᬦ᭄ᬪᬝᬵᬵᬭᬦᬶᬦᬶ᭞ᬓᬫᬺᬘᬧᬥᬦᬾᬫᬗ᭄ᬓᬶᬦ᭄᭞ᬤᬦᬾᬭᬗ᭄ᬤᬬᬓᬘᬸᬦ᭄ᬤᬸᬓ᭄᭞ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬧᬲᬤ᭄ᬬᬦ᭄ᬜᬳᬶᬤᬶᬦᬶ᭞ᬦᬄᬳᭀᬭᬳᬂ᭞ᬢᭂᬓᬾᬦ᭄ᬫᬾᬫᬾᬳᬧᬂᬦᬯᬂ᭟ᬳᬶᬭᬗ᭄ᬤᬢᬸᬫᬸᬮᬶᬳᭂᬗ᭄ᬲᬧ᭄᭞ᬫᬶᬋᬂᬧᬗᬦ᭄ᬤᬶᬓ
[᭒᭗ 27A]
᭒᭗
ᬦ᭄ᬯᬶᬥᬶ᭞ᬳᬧᬦ᭄ᬫᬸᬮᬓᬧᭂᬦᭂᬢᬦ᭄᭞ᬤᭀᬦᬶᬂᬚ᭄ᬭᬶᬄᬦᬾᬦᬾᬫᬗ᭄ᬓᬶᬦ᭄᭞ᬪᬝᬵᬵᬭᬗᬦ᭄ᬤᬶᬓᬳᬭᬶᬲ᭄᭞ᬤᭀᬱᬯᬸᬭᬶᬦ᭄ᬫᬾᬫᬾᬫᬮᬸ᭞ᬫᬾᬫᬾᬫᬗ᭄ᬮᬸᬕ᭄ᬭᬳᬶᬦ᭄ᬧᬶᬲᬦ᭄᭞ᬤᬦᬾᬭᬗ᭄ᬤᬫᬵᬢᬸᬃᬲᬶᬲᬶᬧ᭄᭞ᬭᬪᬝᬵᬵᬭ᭞ᬢᬶᬢ᭄ᬬᬂᬦᬸᬦᬲ᭄ᬲᬶᬦᬵᬫ᭄ᬧᬸᬭᬵ᭟
ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭞ᬭᬶᬂᬪᬝᬵᬵᬭᬦᬾᬦᬾᬫᬗ᭄ᬓᬶᬦ᭄᭞ᬫᬗᬢᬸᬭᬂᬲᬤᬭᬱ᭞ᬏᬩᬢᬦ᭄ᬚᬦ᭄ᬫᬵᬦᬾᬍᬯᬶᬄ᭞ᬪᬝᬵᬵᬭᬗᬦ᭄ᬤᬶᬓᬳᬭᬶᬲ᭄᭞ᬳᬶᬭᬗ᭄ᬤᬬᬚᬢᬶᬢᬸᬳᬸ᭞ᬪᬝᬵᬵᬭᬫᬶᬦ᭄ᬢᬮᬩᬳᬦ᭄᭞ᬪᬝᬵᬵᬭᬭᬭᬶᬲ᭄ᬳᬸᬫᬸᬓ᭄ᬢᬶ᭞ᬳᬶᬤᬳᬾᬦ
ᬓ᭄ᬫᬳᬬᬸᬦᬦ᭄᭞ᬳᬸᬮᬫ᭄ᬚᬦ᭄ᬫᬵ᭟ᬦᬶᬭᬗ᭄ᬤᬢᬸᬃᬳᬦᭂᬫ᭄ᬩᬄ᭞ᬭᬶᬂᬳ᭄ᬬᬂᬦᬶᬦᬶᬪᬕᬯᬢᬶ᭞ᬢᬶᬢ᭄ᬬᬂᬤᬯᭂᬕ᭄ᬧᬦᬸᬦᬲᬦ᭄᭞ᬫᬗ᭄ᬤᬾᬳᬶᬤᬗᬶᬘᬾᬦ᭄ᬫᬗ᭄ᬓᬶᬦ᭄᭞ᬪᬝᬵᬵᬭᬗᬦ᭄ᬤᬶᬓᬳᬭᬶᬲ᭄᭞ᬦᬄᬳᭀᬭᬳᬂᬚᬦᬶᬫᬮᬸ᭞ᬳᬶᬭᬗ᭄ᬤᬫᬳᬵᬢᬸᬃᬲᭂ
ᬫ᭄ᬩᬄ᭞ᬢᬶᬢ᭄ᬬᬂᬦᬸᬦᬲ᭄ᬭᬶᬂᬳ᭄ᬬᬂᬦᬶᬦᬶ᭞ᬫᬗ᭄ᬤᬾᬢᬸᬫ᭄ᬧᬸᬃ᭞ᬓᬕᭂᬲᭂᬂᬚᬕᬢ᭄ᬫᬓᭂᬚᬂ᭟ᬪᬝᬵᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦ᭄ᬢᭀᬳᬮᬶᬄᬜᬳᬶᬚᬦᬶ᭞ᬩᭂᬲ᭄ᬮᭀᬪᬬᬜᬭᬗ᭄ᬤ᭞ᬫᬦᬕᬶᬄᬕᬸᬫᬶᬦᬾᬲᬫᬶ᭞ᬳᬧᬲᬮᬄᬕᬸᬫᬶᬦᬾᬲᬫᬶ᭞ᬦᬾᬦᬾᬧ
Kaca:Bali-lontar-gaguritan-sarwa-aji-250ppi.pdf/27
Kaca puniki sampun kauji-wacén
