Kaca:Bali-lontar-gaguritan-sarwa-aji-250ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬢᬸᬢ᭄‌ᬦᭂᬫᬸᬧᬢᬸᬢ᭄᭞ᬦᬾᬦᬾᬳᬶᬯᬂᬦᭂᬫᬸᬳᬶᬯᬂ᭞ᬏᬤᬦ᭄ᬧᬶᬲᬦ᭄ᬫᬗᬶᬯᬗᬶᬦ᭄᭞ᬦᬾᬦᬾᬧᬢᬸᬢ᭄᭞ᬤᬶᬚᬳᬧᬘᬂᬳᬸᬗ᭄ᬕᬸᬳᬂ᭟ᬪᬝᬵᬵᬭᬭᬭᬶᬲ᭄ᬫᬍᬘᬢ᭄᭞ᬫᬗᬸᬗ᭄ᬲᬶᬬᬲ᭄ᬯᬃᬕ᭄ᬕᬍᬯᬶᬄ᭞ᬢᬦ᭄ᬓᭀᬘᬧᬳᬶᬤᬪᬝᬵᬵᬭ᭞ᬓᭀᬘᬧᬳᬶᬭᬗ᭄ᬤᬫᬮᬶᬄ
᭞ᬤᭂᬫᬶᬢ᭄ᬳᬤᬳ᭄ᬬᬂᬩᬕᬯᬢᬶ᭞ᬤᭂᬫᭂᬦ᭄ᬭᬶᬂᬏᬩᬢᬦ᭄ᬫᬮᬸ᭞ᬦᬤ᭄ᬬᬦ᭄ᬳᬶᬤᬤᭂᬫᬶᬢ᭄ᬧᬶᬲᬦ᭄᭞ᬤᬦᬾᬭᬗ᭄ᬤᬮᬯᬸᬢ᭄ᬫᬸᬮᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬓᬸᬯᬸᬂᬦ᭄ᬬᬫᬓᭂᬚᬂ᭟ᬭᬭᬶᬲ᭄ᬤᬦᬾᬗᬾᬓᬧᬤ᭞ᬫᬫᭂᬕᭂᬂᬮᬯᬸᬢ᭄ᬫᬫᬸᬱ᭄ᬝᬶ᭞ᬗᬯᬶᬚᬶᬮᬂᬓᬯᬶᬰᬾᬱᬦ᭄᭞
ᬧᬗᭂᬲᭂᬗᬾᬦᬾᬦᬾᬍᬯᬶᬄ᭞ᬫᬸᬢᬸᬲᬦ᭄‌ᬳᬶᬦᬵᬪᬶ᭞ᬧᬸᬦᬶᬓᬓᭀᬘᬧᬂᬮᬸᬳᬸᬂ᭞ᬳᬧᬦ᭄ᬫᬮᬵᬉᬢ᭄ᬢᬫ᭞ᬳᬸᬘᬧᬦ᭄ᬓᭀᬘᬧ᭄ᬭᬶᬂᬳᬚᬶ᭞ᬳᬦᬓ᭄ᬯᬶᬓᬦ᭄᭞ᬗᬢᭂᬧᬸᬓᬂᬮᬶᬗᬶᬂᬰᬵᬲ᭄ᬢ᭄ᬭ᭟ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬕᬕᭂᬲᭂᬗᬦ᭄᭞ᬫᬭᬶᬂᬢᭂᬧᬶᬲᬶᬭᬶᬂᬲᬫᬶ᭞ᬫ
ᬗᬤᬓᬂᬕ᭄ᬭᬸᬩᬸᬕ᭄ᬓᬯᭀᬢ᭄᭞ᬦᬄᬧᬲ᭄ᬢᬸᬩᬦ᭄ᬫᬦ᭄ᬢ᭄ᬭᬲᬦ᭄ᬤᬶ᭞ᬢᭂᬭᬸᬲ᭄ᬢᬸᬫᬸᬲ᭄ᬢᭂᬓᬾᬂᬭᬩᬶ᭞ᬓᬮᬯᬦ᭄ᬓᬸᬢᬸᬩᬸᬬᬸᬢ᭄ᬫᬸ᭞ᬓᬮᬯᬦ᭄‌ᬯᬭᬾᬂᬘᬗ᭄ᬕᬄᬢ᭞ᬫᬦᬤᬶᬤᬾᬯᬓᬢ᭄ᬭᬶᬦᬶᬂ᭞ᬢᭂᬮᬄᬕᭂᬭᬸᬩᬸᬕ᭄᭞ᬳᬦ᭄ᬢᬸᬓ᭄ᬧᬲ᭄ᬢᬸᬦ᭄ᬤᬦᬾᬭᬗ᭄ᬤ᭟ᬒᬁᬲᬳᬸᬓᬾ
[᭒᭘ 28A]
ᬧᬸᬧᬸᬢ᭄ᬳᬦᬸᬭᬵᬢ᭄᭞ᬘᭀᬫᬧᭀᬦ᭄ᬫᬦᭂᬫᭀᬦᬶᬦ᭄᭞ᬳᬸᬓᬸᬦᬾᬫᬢᬮ᭄ᬧᬸᬦᬶᬓ᭞ᬫᬦᭂᬫᭀᬦᬶᬦ᭄ᬯᭂᬗᬶᬰᬰᬶᬄ᭞ᬧ᭠ᬗ᭄ᬮᭀᬂᬧᬶᬂᬓᬮᬶᬄᬲᬶᬗ᭄ᬕᬶᬄ᭞ᬰᬰᬶᬳᬾᬓ᭄ᬮᬶᬫᬳᬶᬓᬸ᭞ᬳᬦᬸᬚᬸᬭᬄᬧᬸᬦᬶᬓ᭞ᬮᬦ᭄ᬭᬄᬯᬶᬦ᭄ᬥᬸᬫᬦᭂᬫᭀᬦᬶᬦ᭄᭞ᬢᭂᬗ᭄ᬕᭂᬓ᭄ᬧᬸᬢᬸ᭞ᬇᬰ
ᬓᬫᭂᬦᬕᬰᬫ᭄ᬧᬬᬦ᭄ᬢᬫ᭄ᬬᬸᬫᬤ᭄ᬭᬸᬯᬾᬬᬂ᭞ᬲᬲᬸᬭᬢᬦᬾᬧᬸᬦᬶᬓᬶ᭞ᬫᬳᬸᬫᬄᬤᬶᬢᭂᬕᬮ᭄ᬮᬶᬗ᭄ᬕᬄ᭞ᬳᬯᬓ᭄ᬩᭂᬮᭀᬕ᭄ᬫᬩᭂᬢ᭄ᬭᬶᬭᬶᬄ᭞ᬢ᭄ᬯᬭᬢᬓᬸᬢ᭄ᬓᬓᭂᬤᬾᬓᬶᬦ᭄᭞ᬢᬦᬶᬓᬦ᭄ᬤᬢᬦᬶᬧᬸᬧᬸᬄ᭞ᬫᬧᬶᬫᬳᬫ᭄ᬩᭂᬓ᭄ᬢᭂᬩᬶᬲ᭄᭞ᬰᬵᬲ᭄ᬢ᭄ᬭᬓᭀᬯᬂᬮᬶᬬᬸᬫ
ᬢᬶ᭞ᬳᬦᬓ᭄ᬩᬸᬤᬸᬄ᭞ᬳᬶᬲᭂᬂᬗᬯᬾᬕᬕᬸᬭᬶᬢᬦ᭄᭟᭐᭟ᬒᬁᬲᬶᬤ᭄ᬥᬶᬭᬲ᭄ᬢᬸᬦᬫᬄᬲᬤᬫᬄ᭞ᬢᬫᬢᬾᬦᬶᬦ᭄ᬰᬲ᭄ᬢ᭄ᬭ᭟᭐᭟ᬫᬦ᭄ᬢ᭄ᬭᬦ᭄‌ᬦᬸᬮᬶᬰ᭄ᬰᬵᬲ᭄ᬢ᭄ᬭ᭟ᬒᬁᬳᬸᬭᬶᬧ᭄ᬲᬂᬳ᭄ᬬᬂᬲᬭᬰ᭄ᬯᬢᬶ᭞ᬬᬦᬫᬄ᭟᭐᭟ᬗᬫᬢ᭄ᬬᬂᬰᬵᬲ᭄ᬢ᭄ᬭᬫᬦ᭄ᬢ᭄ᬭ᭟ᬒᬁᬫᬸᬓ᭄ᬱᬄᬲᬂᬳ᭄ᬬᬂ
ᬲᬭᬰ᭄ᬯᬢᬶ᭞ᬬᬦᬫᬄ᭟ᬫᬗᭂᬩᬶᬢ᭄ᬳᭂᬦ᭄ᬢᬮ᭄᭞ᬒᬁᬩᭂᬮᬲ᭄‌ᬲᬂᬳ᭄ᬬᬂᬲᬭᬲ᭄ᬯᬢᬶᬬᭂᬦᬫᬄ᭟ᬦᬮᬶᬦᬶᬦ᭄ᬢᬓᭂ᭠ᬧᬦ᭄᭟ᬫ᭞ᬒᬁᬲᬂᬳ᭄ᬬᬂᬲᬸᬦ᭄ᬢᬕᬶᬫᬡᬶᬓ᭄ᬢᬮᬶᬦᬶᬦ᭄ᬧᬸᬱ᭄ᬝᬓ᭟ᬢᭂᬓᬮᬧᭂᬓ᭄᭞ᬑ᭟᭐᭟ᬗᬕᬄᬧᬸᬱ᭄ᬝᬓ᭞ᬫ᭞ᬒᬁᬩᬸᬗ᭄ᬓᬃᬲᬂ