[᭔᭓ 43B]
᭔᭓᭞
ᬤᬗᬦ᭄ᬤᭂᬮ᭄ᬲᬫᬃᬢᬶᬦ᭄ᬤᬶᬳᬶᬦ᭄᭟᭐᭟ᬧᬸᬄᬲ᭄ᬫᬭᬦ᭄ᬥᬦ᭟ᬲᬫᬭᬂᬚᬲᬳᬸᬃᬫᬦᬶᬲ᭄᭞ᬚᬢᬶᬯᬦ᭄ᬢᬄᬳᬶᬧ᭄ᬭᬧᬜ᭄ᬘ᭞ᬦᬾᬫᬓᬤᬩᬶᬗᬸᬂᬳᬩᭀᬢ᭄᭞ᬯᬶᬳᬓᬸᬮᬧᬢᬶᬢᬳ᭞ᬬᬗᬤᬓᬂᬲᬮᬄᬳᬲ᭞ᬩᬦ᭄ᬕᭂᬂᬢᬺᬱ᭄ᬡᬦᬾᬓ
ᬮᬗ᭄ᬓᬸᬂ᭞ᬬᬫᬸᬮᬦᬶᬂᬳᬶᬮᬦᬸᬗ᭄ᬲᬂ᭟ᬲᬓᬶᬂᬭᬶᬓᬫᬶᬚᬶᬮ᭄ᬲᬫᬶ᭞ᬲᬓᬾᬳᬶᬂᬓᬂᬫᬮᬾᬦ᭄ᬤ᭄ᬭᬶᬬ᭞ᬳᬕᬸᬂᬩᬜ᭄ᬘᬦᬦᬾᬋᬓᭀ᭞ᬋᬲᭂᬧᬶᬂᬳᬸᬘᬧᬶᬂᬧᬭ᭞ᬫᬓᬤᬶᬢᬸᬢᬸᬃᬢᬸᬢᬸᬭᬦ᭄᭞ᬳᬓᬾᬄᬧᬗ᭄ᬕᬸᬄᬬᬓᬭᬸᬗᬸ᭞ᬮ᭄ᬬᬸᬗᬸᬘᬧ᭄ᬢ
ᬦ᭄ᬗᬢᭂᬦᬂ᭟ᬳᬤᬾᬦᬸᬢᬸᬃᬓᬾᬄᬩᬾᬬᬦᬶᬦ᭄᭞ᬧᬂᬫᭀᬮᬶᬄᬲ᭄ᬯᬃᬕᬳᬸᬢᬫ᭞ᬳᬤᬗᬸᬘᬧ᭄ᬢᬦ᭄ᬧᬩᬾᬬ᭞ᬫᭀᬮᬶᬳᬶᬂᬳᬶᬤ᭄ᬭᬪᬯᬦ᭞ᬦᬶᬓᬓᬭᬶᬲᬶᬗ᭄ᬲᬮ᭄ᬓᭀᬘᬧ᭄᭞ᬦᬾᬤᬤ᭄ᬯᬬᬳᭂᬗ᭄ᬓᬾᬦ᭄ᬧᬢᬸᬢ᭄᭞ᬚᬢᬶᬲ
ᬓᬮᬦᬶᬲ᭄ᬓᬮ᭟ᬭᬾᬄᬭᬢᬶᬲᬫᬶᬫᬩᬸᬓ᭄ᬢᬶ᭞ᬭᬶᬂᬯᬳ᭄ᬬᬳᬶᬬᬓᬢᭀᬦᬂ᭞ᬬᬦ᭄ᬳᬸᬮᬢ᭄ᬧ᭄ᬤᬲᬂᬢᭀᬦ᭄ᬢᭀᬦ᭄᭞ᬧᬤᬗ᭄ᬕᬯᬧᬧᬲ᭄ᬯᬃᬕ᭄ᬕ᭞ᬦᬾᬫᬩᬾᬬᬢᬦ᭄ᬧᬩᬾᬬ᭞ᬧᬤᬮ᭄ᬬᬸᬫᬗ᭄ᬕᬶᬄᬮᬘᬸᬃ᭞ᬢ᭄ᬯᬶᬬᬓᬾᬄᬧᬗ᭄ᬕᬶᬄ
[ ᭔᭔ 44A]
ᬲᬚᬶᬸ᭟ᬤ᭄ᬬᬯᬾᬦ᭄ᬢᭂᬦ᭄ᬦᬾᬳᬗ᭄ᬕᭀᬦ᭄ᬦᭂᬗᭂᬭᬶᬦ᭄᭞ᬳᬦᬓᬾᬶᬸᬓᬫᭀᬮᬶᬄᬲ᭄ᬯᬃᬕ᭞ᬳᬮᬢ᭄ᬭᬶᬂᬲᬦ᭄ᬢᬦᬋᬓᭀ᭞ᬧ᭄ᬭᬶᬢᬶᬲᬦ᭄ᬢᬦᬲᬫᬶᬬ᭞ᬓᬬᬓᬸᬦ᭄ᬢᬸᬮ᭄ᬳᬸᬧᬫᬦ᭄᭞ᬲᭀᬗ᭄ᬕᭀᬦ᭄ᬮᬓᬸᬬᬲᬤᬸᬮᬸᬃᬧᬢᬸᬢ᭄ᬮᬶᬃᬳᬶᬢᬶᬓᬶᬂᬳᬸᬫᬄ᭟ᬧ
ᬤᬬᬋᬲᭂᬧᬶᬂᬳᬚᬶ᭞ᬢᬦ᭄ᬧᬦᬲᬃᬲᬓᬶᬂᬥᬃᬫ᭄ᬫ᭞ᬦᭂᬓᬾᬂᬳᬢᬶᬫᬦᬸᬢ᭄ᬭᬯᭀᬲ᭄᭞ᬲᬫᬶᬗ᭄ᬕᬤᬸᬄᬳᬭᬶᬫ᭄ᬩᬯ᭞ᬫ᭄ᬭᬶᬄᬳᬶᬢᬭᬶᬂᬯᬲᬦ᭞ᬢᬦ᭄ᬧᬶᬢᬸᬗᬶᬂᬧᬗᬦ᭄ᬓᬶᬦᬸᬫ᭄᭞ᬓᬾᬯᬮᬧᬂᬧᬤᬲᬸᬓ᭞ᬬᬢᭂᬗᭂᬃᬲ᭄ᬯᬃᬕ᭄ᬕᬮ᭄ᬯᬶᬄ᭞ᬢ᭄ᬯᬶ
ᬳ᭄ᬬᬂᬚᬶᬯᬢ᭄ᬫᬓ᭞ᬧᬦᬂᬗᬶᬭᬶᬂᬧᬧᬋᬓᭀ᭞ᬓᬾᬄᬲᬦ᭄ᬢᬦᬲᬫᬶᬳᭀᬲᬄ᭞ᬧ᭄ᬭᬧᬜ᭄ᬘᬧ᭄ᬢᭂᬂᬍᬫᬄ᭞ᬩᬸᬮᬲᬓ᭄ᬢᬦ᭄ᬳᭀᬮᬶᬄᬢᬸᬭᬸ᭞ᬳᬗᬬᬫ᭄ᬳᬬᬫ᭄ᬦᭀᬭᬦ᭞ᬬᬫᬓᬤᬭᭀᬲᬗᬸᬤᬶ᭞ᬤ᭄ᬫᭂᬦ᭄ᬓᬚᬸᬫ᭄ᬩᬦ᭄ᬓᭂᬦᭀᬗ
ᬦ᭄᭞ᬚ᭄ᬜᭂᬓᬶᬂᬲᬸᬭᬲᬋᬓᭀ᭞ᬲᬤ᭄ᬭᬲᬢᬦ᭄ᬧᬦᬸᬢ᭄ᬲᬶᬮ᭞ᬓᬾᬯᬮᬳᭀᬮᬶᬄᬓᬫᬃᬣ᭞ᬤ᭄ᬬᬧᬶᬢ᭄ᬫᬄᬢᬸᬓᬃᬧᬸᬢᬸᬓ᭄᭞ᬲᬳᬶᬗ᭄ᬕᬯᬾᬫᬕᭂᬜ᭄ᬚᭀᬢᬦ᭄᭞ᬫᬓᬤᬂᬲ᭄ᬮᬾᬂᬲᭂᬗᬶᬢᬶᬦ᭄᭞ᬧ᭄ᬕᬢ᭄ᬭᬫ᭄ᬧᬸᬂᬫᬩ᭄ᬭᬬ
Kaca:Bali-lontar-gaguritan-sandisastra-300ppi.pdf/44
Kaca puniki sampun kauji-wacén
