[ ᭔᭔ 44B]
᭔᭔᭞
᭞ᬲ᭄ᬮᬾᬂᬳᬶᬦ᭄ᬢᬶᬧ᭄ᬲᬮᬄᬲᬶᬸᬭᬾᬯᭀᬲ᭄᭞ᬲ᭄ᬮᬾᬂᬘᬶᬤ᭄ᬭᬭᬤ᭄ᬯᬾᬲ᭞ᬲᬗᬸᬦ᭄ᬤᬂᬕ᭄ᬭᬶᬂᬓᬭᭀᬕᬦ᭄ᬤᬸᬓᬳᬾᬯᬸᬄᬫᬗ᭄ᬓᬶᬦ᭄ᬓᬸᬫ᭄ᬧᬸᬮ᭄᭞ᬤᬸᬲ᭄ᬢᬤᬸᬃᬰᬶᬮᬧᬗᬦᬦ᭄᭟ᬢᭀᬗᬤᬓᬂᬓᬯᬄᬲᬲᬶᬸᬳᬶ᭞ᬬᬧᬦᭂᬗᭂᬃᬧᬧᬦ᭄ᬭ
ᬓ᭞ᬳᬢ᭄ᬫᬦᬶᬂᬲᬂᬫᬢᬶᬧᬓᭀ᭞ᬯᬲ᭄ᬧᬤᬭᬶᬂᬓᬳᬸᬭᬶᬧᬦ᭄᭞ᬳᬦ᭄ᬤᬾᬜᬭᬶᬂᬲᬃᬯ᭄ᬯᬬ᭞ᬳᬸᬮᬢ᭄ᬭᬶᬂᬓᬾᬳᬶᬂᬢᬸᬫᬸᬯᬸᬄ᭞ᬲᬂᬳᬶᬮᬂᬦᬸᬢ᭄ᬓᬳᬸᬭᬶᬧᬦ᭄᭟ᬧ᭄ᬤᬲᬂᬭᬶᬂᬲᬃᬯ᭄ᬯᬫᭂᬦ᭄ᬢᬶᬓ᭄᭞ᬬᬾᬦ᭄ᬭᬸᬲᬓ᭄ᬢᭀᬦᬾᬓ
ᬢᭀᬦᬂ᭞ᬲᬶᬦᬄᬭᬸᬲᬓ᭄ᬦᬾᬢᬦ᭄ᬓᬢᭀᬦ᭄᭞ᬳᬸᬚᬃᬢᬸᬢᬸᬃᬓᬧᬸᬢᬸᬲᬦ᭄᭞ᬩᬢᬸᬃᬓᬮᬯᬲᬦ᭄ᬧ᭄ᬝᬓ᭄᭞ᬦᬸᬤᬸᬄᬍᬜᭀᬓ᭄ᬮᬦ᭄ᬲᬢᬸᬳᬸ᭞ᬲᬂᬳᬶᬮᬂᬮᬦ᭄ᬓᬳᬸᬭᬶᬧᬦ᭄᭟ᬲᬗ᭄ᬓᬦ᭄ᬦᬾᬚᬶᬓᬯᬶᬢᬶᬦ᭄᭞ᬫ
ᬮᬶᬄᬦᬗᬸᬦ᭄ᬳᬬᬸᬯᬳ᭄ᬬ᭞ᬭᬶᬂᬲᬭᬢ᭄ᬓᭀᬭᬶᬧᬦ᭄ᬋᬓᭀ᭞ᬧᬂᬫᬦᬸᬢ᭄ᬮᬦ᭄ᬲᬶᬮᬓ᭄ᬭᬫ᭞ᬫᬶᬯᬄᬧᬸᬃᬯ᭄ᬯᬤᬶᬲᬲᬦ᭞ᬥᬃᬫ᭄ᬫᬲ᭄ᬢᬸᬢᬶᬜᬦ᭄ᬤᬂᬢᬸᬭᬸᬢ᭄᭞ᬬᬦ᭄ᬫ᭄ᬭᬶᬄᬳᬬᬸᬦᬶᬂᬲᬭᬢ᭄᭞ᬲᬗ᭄ᬓᬦ᭄ᬦᬾᬢᭀᬬᬲ᭄ᬢᬶ
[ ᭔᭕ 45A]
᭞ᬚᬢᬶᬗ᭄ᬕᬯᬾᬦᬂᬲᬂᬧ᭄ᬚᬄ᭞ᬦᬾᬦᬶᬗ᭄ᬳᬮ᭄ᬲᬓᬮᬋᬓᭀ᭞ᬫᬸᬮᬶᬳᬶᬂᬲᬸᬦ᭄ᬬᬲᬸᬓ᭄ᬱ᭄ᬫ᭞ᬭᬶᬂᬳᬤ᭄ᬬᬢ᭄ᬫᬶᬓᬤᬦ᭞ᬳᬬᬸᬦᬶᬂᬤᬸᬫᬤᬶᬢᬸᬫ᭄ᬩᬸᬄ᭞ᬧᬮᬳᬬᬸᬲᬂᬢᬸᬲ᭄ᬮᬶᬦ᭟ᬬᬦ᭄ᬓᬲᬲᬃᬤᬸᬓᬶᬂᬳᬸᬭᬶᬧ᭄᭞ᬯᬶᬚᬲ
ᬦ᭄ᬢᬦᬦᬾᬲᬫ᭄ᬬᬦ᭄᭞ᬲᬓᬮᬧᬧᬦᬶᬂᬢᬶᬦᭀᬦ᭄᭞ᬧᬢᬓᬦᬶᬂᬳᬤ᭄ᬬᬢ᭄ᬫᬶᬓ᭞ᬳᬸᬚᬃᬲᬂᬫᬳᬧᬦ᭄ᬥᬶᬢ᭞ᬢᬦ᭄ᬓᬾᬮᬗᬦ᭄ᬳᬶᬤᬧ᭄ᬳᬬᬸ᭞ᬢ᭄ᬭᬸᬲᬶᬂᬯᬳ᭄ᬬᬤ᭄ᬬᬢ᭄ᬫᬶᬓ᭄᭟ᬬᬦ᭄ᬩᭂᬮᭀᬕ᭄ᬳᬚᬸᬫ᭄ᬚᬮᬦᬶᬦ᭄᭞
ᬬᬗᬤᬓᬂᬫᬮᬾᬦ᭄ᬤ᭄ᬭᬶᬬ᭞ᬤ᭄ᬫᭂᬦ᭄ᬗ᭄ᬕᬯᬾᬳᬲ᭄ᬢᬸᬶᬲ᭄ᬭᬶᬢᬶᬦᭀᬦ᭄᭞ᬦᬾᬫᬓᬤᬗᭀᬄᬳᬗᭀᬳᬦ᭄᭞ᬜᬓᬬᬜᬓᬢ᭄ᬯᬭ᭞ᬕ᭄ᬦᬄᬦᬸᬭᬸᬄᬕ᭄ᬮᬄᬮ᭄ᬬᬸ᭞ᬳᬓ᭄ᬯᬂᬬᬩᬾᬬᬦ᭄ᬧ᭄ᬚᬄ᭟ᬧᬗ᭄ᬤᬩᬓ᭄ᬢᬦ᭄ᬤ
ᬦᬾᬲᬶ᭞ᬲᬯᬾᬦ᭄ᬢᭂᬦᬶᬂᬳᬸᬧᬩᭀᬕ᭞ᬬᬳᬸᬧᬳᬂᬦᬶᬓᬸᬮ᭄ᬫᭀᬦ᭄ᬤᭀᬂ᭞ᬭᬶᬂᬲᬂᬢᭂᬲᬶᬂᬫᬃᬕ᭄ᬕᬢᬶᬕ᭞ᬦᬾᬳᬸᬦᬶᬂᬭᬶᬂᬓᬤᬶᬢ᭄ᬯᬦ᭄᭞ᬢᬸᬦ᭄ᬤᬾᬦ᭄ᬗᭂᬦ᭄ᬜᬗ᭄ᬓᬶᬮ᭄ᬜᬸᬳᬸᬦ᭄᭞ᬳᬓᬸᬤᬳᬸᬧᬄᬜᬩᬳᬂ᭟ᬤᬗᬶ
Kaca:Bali-lontar-gaguritan-sandisastra-300ppi.pdf/45
Kaca puniki sampun kauji-wacén
