[ ᭓᭔ 34B]
᭓᭔᭞
ᬯᬃᬕ᭄ᬕ᭞ᬫᬲᬯᬶᬢ᭄ᬭᬳᬲᬶᬄᬚᬢᬶ᭞ᬳ᭄ᬤᬚ᭄ᬜᭂᬓ᭄ᬗ᭄ᬕᬯᬾᬜᬶᬸᬮᬶᬩᭀᬓ᭄᭞ᬲᬢ᭄ᬬᬯᬘᬦᬧᬢᬶᬢᬶᬲ᭄᭞ᬧᬂᬦᬸᬢ᭄ᬲᬶᬮᬓ᭄ᬭᬫᬮ᭄ᬯᬶᬄ᭞ᬢᬦ᭄ᬳᬗ᭄ᬕᬯᬾᬤᬸᬍᬕ᭄ᬓᬬᬸᬦ᭄᭞ᬫᬶᬢ᭄ᬭᬤ᭄ᬭᭀᬳᬓᬓᬸᬢᬂ᭞ᬳᬭᬶᬫ᭄ᬩᬯᬦᬾᬳᬸᬦᬶᬗᬶᬦ᭄᭞
ᬳᬗ᭄ᬕᭀᬦ᭄ᬲᬗᬸ᭞ᬩ᭄ᬓᭂᬮ᭄ᬲᬓᬮᬦᬶᬲ᭄ᬓᬮ᭟ᬫᬕ᭄ᬮᬃᬚᬦᬦᬸᬭᬕ᭞ᬫᬓᬫᬸᬮᬦ᭄ᬳ᭄ᬦᬂᬳ᭄ᬦᬶᬂ᭞ᬧᬤᬲᬸᬓᬦᬾᬭᬶᬂᬲᬭᬢ᭄᭞ᬢᬦ᭄ᬭᬓᭂᬢ᭄ᬓᭂᬄᬪᬬᬾᬂᬳᬢᬶ᭞ᬢᭀᬬᬓᬦ᭄ᬢᬶᬮᬶᬦ᭄ᬢᬂᬍᬯᬶᬄ᭞ᬲᬶᬤ᭄ᬥᬲᬧᬭᬦᬶᬂᬓᬬᬸᬦ᭄᭞ᬬᬓ
ᬯᬶᬢᬦ᭄ᬓᬲᬸᬕᬶᬳᬦ᭄᭞ᬯᬶᬪᬯᬦᬶᬂᬫᬸᬮᬦ᭄ᬳᬭᬶᬧ᭄᭞ᬫᬸᬮᬦ᭄ᬧᬢᬶ᭞ᬩᬋᬂᬫᬲᬶᬄᬬᬲᬧᬭᬦ᭄᭞ᬬᬳᬸᬢᬫᬦᬶᬂᬫᬲ᭄ᬫᬶᬭᬄ᭞ᬯᬶᬦ᭄ᬢᭂᬦ᭄ᬓᬧᬡ᭄ᬥᬶᬢᬦ᭄ᬳᬧᭂᬢᬶ᭞ᬧᬲᬸᬗᬶᬂᬯᬶᬤ᭄ᬥᬶᬲᬸᬓ᭄ᬱ᭄ᬫ᭞ᬲᬶᬚᬩᬓᬢ᭄ᬚ᭄ᬯᬂᬫᬮᬶᬂ᭞ᬫᬮᬫ
ᬓ᭄ᬢᬸᬳ᭄ᬯᬲ᭄ᬢᬶᬢᬶ᭞ᬰᬶᬮᬓ᭄ᬭᬫᬦᬶᬂᬳᬕᬸᬭᬸ᭞ᬓᬢᬶᬕᬧᬂᬓ᭄ᬦᬲᭂᬫ᭄ᬩᬄ᭞ᬧᬢᬸᬢ᭄ᬫᬸᬮᬬᬳᬸᬮᬢᬶ᭞ᬩᬶᬓᬲ᭄ᬳᬬᬸ᭞ᬫᬦᬸᬢ᭄ᬥᬃᬫ᭄ᬫᬓᬧᬡ᭄ᬥᬶᬢᬦ᭄᭞ᬲᬩ᭄ᬤᬫᬦᬶᬲ᭄ᬯᬶᬚᬶᬮ᭄ᬩᬦ᭄ᬩᬦ᭄᭞ᬳᬸᬮᬢ᭄ᬳᬭᬸᬫ᭄ᬦᭂᬓᬾᬂᬳᬢᬶ᭞ᬧ᭄ᬭᬦᬫ᭄ᬬᬭᬶᬂᬓᬤᬂᬯᬃ
[ ᭓᭕ 35A]
ᬕ᭄ᬕ᭞ᬦᭀᬭᬗ᭄ᬕᬯᬾᬲᬓᬶᬢ᭄ᬳᬢᬶ᭞ᬫᬓᬤᬶᬗ᭄ᬕᬯᬾᬦᬂᬲᬶᬲᬶᬧ᭄᭞ᬲᬶᬂᬚᬧᬶᬲᬗ᭄ᬓᬬᬸᬦ᭄ᬩᬶᬮᬸᬓ᭄᭞ᬫᬓᬤᬶᬫᬶᬢ᭄ᬬᬾᬂᬓᬤᬂ᭞ᬬᬤᬶᬦ᭄ᬭᬶᬂᬲᬢᭀᬧᬶᬢ᭄ᬯᬶ᭞ᬫᬯᬓ᭄ᬢᬸᬳᬸ᭞ᬭᬶᬂᬓᬄᬲᬫᬦ᭄ᬬᬚᬦ᭄ᬫ᭟ᬤᬕᬶᬂᬭᬯᭀᬲ᭄ᬫᬤᬦ᭄ᬲ
ᬚ᭞ᬬᬦ᭄ᬗ᭄ᬕᬯᬾᬳᬬᬸᬦᬾᬚᬦᬶ᭞ᬫᬸᬧᭀᬦᬶᬦ᭄ᬭᬯᬸᬄᬧᬸᬗ᭄ᬓᬸᬭᬦ᭄᭞ᬧᬂᬚᬦ᭄ᬫᬦᬾᬫᭀᬮᬶᬄᬩ᭄ᬘᬶᬓ᭄᭞ᬫ᭄ᬩᬓ᭄ᬢᬶᬧᬮᬲᬓᬶᬂᬫᬗ᭄ᬓᬶᬦ᭄᭞ᬓᬾᬳᬶᬂᬳᬬᬸᬧᬾᬮᬕ᭄ᬧᬗ᭄ᬕᬸᬄ᭞ᬢᬸᬭᬸᬦ᭄ᬢᬸᬭᬸᬦᬦ᭄ᬳᬸᬢᬫ᭞ᬲᬶᬂᬧᬳᭂᬓ᭄ᬬᬲᬫᬶᬳᭂ
ᬢᬶᬲ᭄᭞ᬫ᭄ᬩᬸᬓ᭄ᬢᬶᬳᬬᬸ᭞ᬓᬢᬸᬭᬸᬦᬦ᭄ᬚᬦᭀᬢᬫ᭟ᬢᭀᬧᬮᬦ᭄ᬳᬶᬤᭂᬧᬾᬫ᭄ᬮᬄ᭞ᬮᬫᬓ᭄ᬪᬓ᭄ᬢᬶᬦᬾᬭᬶᬂᬯᬶᬤ᭄ᬥᬶ᭞ᬲᬸᬤᬶᬭᬸᬲᬳᬶᬢᬦ᭄ᬳᭀᬩᬄ᭞ᬗ᭄ᬕᬯᬾᬳᬬᬸᬦᬾᬂᬲᬩᬸᬫᬶ᭞ᬫᬓ᭄ᬚᬂᬳᭀᬚᬃᬳᬚᬶ᭞ᬤᬲᬭᬶᬦ᭄ᬯᬸᬲ᭄ᬳᬤᬦᬸᬤᬸᬄ᭞
ᬧᬬᬸᬂᬲᬸᬦ᭄ᬤᬭᬶᬯᬭᬶᬕ᭞ᬯᬾᬤ᭄ᬥᬦᬾᬲᬭᬶᬭᬳᬚᬶ᭞ᬲᬸᬭᬓ᭄ᬱᬦᬾ᭞ᬭᬲᬦᬶᬂᬳᬸᬮᬢ᭄ᬢᬦ᭄ᬫᬸᬮᬢ᭄᭟ᬓᬾᬢᭀᬢᬶᬗ᭄ᬓᬄᬗᬮᬶᬄᬫ᭄ᬮᬄ᭞ᬧᬮᬜᬲᬶᬂᬕᬯᬾᬯᬺᬤᬶ᭞ᬲᬘᬶᬧ᭄ᬢᬫᭀᬮᬶᬄᬲᬸᬮᬩ᭞ᬲᬓᬮᬦᬶᬲ᭄ᬓᬮᭀᬮᬢᬶ᭞
Kaca:Bali-lontar-gaguritan-sandisastra-300ppi.pdf/35
Kaca puniki sampun kauji-wacén
