[ ᭓᭓ 33B]
᭓᭓᭞
ᬍᬯᬶᬄᬳᬸᬭᬶᬧᬧ᭄ᬢ᭄ᬯᬶᬧ᭄ᬚᬄ᭞ᬢᬦ᭄ᬕᬶᬗ᭄ᬲᬶᬃᬬᬲᬸᬓᬚᬢᬶ᭞ᬫᬦᬦ᭄ᬤᬶᬗᬶᬦ᭄᭞ᬫᬗᬢᬸᬭᬂᬚᬶᬯᬭᬕ᭟ᬬᬦ᭄ᬢᭂᬗᭂᬃᬳᬶᬲ᭄ᬢ᭄ᬭᬶᬳᬸᬢᬫ᭞ᬢ᭄ᬯᬶᬬᬢᬸᬭᬸᬦᬦ᭄ᬮ᭄ᬯᬶᬄ᭞ᬦᬾᬫᭀᬯᬦᬶᬜᬬᬗᬂ᭞ᬯᬶᬤᬕ᭄ᬤᬗᬾᬦᬓᬶᬦ᭄ᬳᬶᬲ᭄ᬢ᭄ᬭᬶ᭞ᬥᬃ
ᬫ᭄ᬫᬳᬭᬶᬫ᭄ᬩᬯᬫᬲᬶᬄ᭞ᬗ᭄ᬕᬯᬾᬲᬸᬓᬦᬾᬢᬦ᭄ᬲᬸᬭᬸᬤ᭄᭞ᬧᬤᬗᬦᬸᬢᬶᬂᬲᬲᬦ᭞ᬥᬃᬫ᭄ᬫᬦᬶᬂᬯᭀᬂᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬶᬯ᭄ᬭᬸᬄ᭞ᬧ᭄ᬭᬬᭀᬕᬦᬶᬂᬳᬓᬾᬄᬓᬃᬬ᭄ᬬ᭟ᬧᬤᬯᬶᬤᬕ᭄ᬤᬾᬂᬧᬦᬸᬢᬦ᭄᭞ᬩᬶᬓᬲᬾᬲᬮᬶᬂᬢᬓᬸᬢᬶᬦ᭄᭞ᬧ
ᬤᬗ᭄ᬕᬯᬾᬲᬸᬓᬾᬂᬲᬭᬢ᭄᭞ᬓᬮᬶᬄᬦᭀᬭᬩᬦᬶᬧ᭄ᬮᬶᬄ᭞ᬫᬓᬤᬶᬫᬮᬾᬘᬩᬸᬤᬶ᭞ᬩᬭᬂᬓᬃᬬ᭄ᬬᬗ᭄ᬮᬭᬾᬂᬳ᭄ᬬᬸᬦ᭄᭞ᬧᬢᬸᬄᬲᬮᬓᬸᬓᬾᬮ᭄ᬯᬦ᭄᭞ᬩᬋᬂᬗ᭄ᬕᬤᬸᬄᬲᬢ᭄ᬬᬯᬤᬶ᭞ᬫᬦᬸᬢ᭄ᬢᬸᬢᬸᬃ᭞ᬲᬲᬦᬦᬶᬂᬫᬓᬸᬋᬦ
ᬦ᭄᭟ᬬᬦ᭄ᬳᬤᬓᬾᬢᭀᬩᬶᬓᬲ᭄ᬜ᭞ᬢᬦ᭄ᬳᬸᬭᬸᬂᬬᬦ᭄ᬤᬸᬗ᭄ᬓᬧ᭄ᬮ᭄ᬯᬶᬄ᭞ᬢ᭄ᬯᬶᬲᬓᬮᬦᬶᬲ᭄ᬓᬮ᭞ᬯᬶᬦ᭄ᬥᬸᬦᬾᬲᬳᬶᬲᬂᬓᬦ᭄ᬢᬶ᭞ᬫᬦᬸᬤᬸᬳᬂᬩ᭄ᬦᭂᬄᬧ᭄ᬮᬶᬄ᭞ᬫᬲᬸᬗᬶᬂᬳᬸᬦ᭄ᬢᭂᬗᬶᬂᬓᬬᬸᬦ᭄᭞ᬬᬦ᭄ᬢᬦ᭄ᬦᬶᬲ᭄ᬓᬮᬲᬓᬮ᭞ᬧᬮᬜᬲᬸᬚᬢᬶ
[ ᭓᭔ 34A]
ᬮ᭄ᬯᬶᬄ᭞ᬲᬫᬶᬢ᭄ᬭᬸᬲ᭄᭞ᬗᬯᬾᬢᬶᬲ᭄ᬓᬤᬂᬩ᭄ᬭᬬ᭟ᬫᬓᬤᬶᬜᬭᬫᬢ᭄ᬯ᭞ᬧᬤᬲᬸᬓᬮᬓᬶᬳᬶᬲ᭄ᬢ᭄ᬭᬶ᭞ᬓᬧᬢ᭄ᬲᬫᬶᬧᬤᬦᬸᬗ᭄ᬕᬮ᭄᭞ᬢᭀᬳᬸᬮᬳᬾᬗᬮᬶᬦ᭄ᬢᬗᬶᬦ᭄᭞ᬓᬾᬄᬓᬃᬬ᭄ᬬᬬᬚ᭄ᬜᬲᬫᬶ᭞ᬜᬯᬗᬲ᭄ᬓᬭᬓᬲᬸᬫ᭄ᬩᬸᬂ
ᬜᭂᬓᬄᬳᬮ᭄ᬯᬭᬶᬂᬭᬢ᭄᭞ᬦᬶᬓᬢ᭄ᬯᬶᬓᬲᭀᬃᬲᬫᬶ᭞ᬧᬤᬦᬸᬗ᭄ᬓᬸᬮ᭄᭞ᬤᬾᬦᬶᬂᬳᬦᬓ᭄ᬫᬦ᭄ᬢᬸᬥᬃᬫ᭄ᬫ᭟ᬢᬸᬫ᭄ᬧᬂᬧᬶᬢᬸᬢᭂᬤᬸᬦ᭄ᬫᬸᬗ᭄ᬕᬄ᭞ᬲᬫᬶᬧᬤᬫᬗ᭄ᬕᬶᬄᬩ᭄ᬘᬶᬓ᭄᭞ᬳᭀᬮᬶᬄᬫ᭄ᬩᬸᬓ᭄ᬢᬶᬲᬸᬓᬳᬾᬦ᭄ᬤᬄ᭞ᬫᬦ᭄ᬫᬸᬲ᭄ᬯᬃᬕ᭄ᬕᬮ᭄ᬯᬶᬄ᭞ᬢᬦ᭄ᬳᬸᬭᬸᬂᬬ
ᬲᬫᬶᬫᬗ᭄ᬕᬶᬄ᭞ᬦᭂᬓᬾᬂᬢᬸᬭᬸᬦᬦᬾᬳᬬᬸ᭞ᬫᬗ᭄ᬓᬶᬦ᭄ᬭᬯᬸᬄᬤᬶᬧᬸᬗ᭄ᬓᬸᬭᬦ᭄᭞ᬲᬫᬶᬫᭀᬮᬶᬄᬧᬮᬮ᭄ᬯᬶᬄ᭞ᬲᬶᬳᬶᬂᬳ᭄ᬬᬂ᭞ᬓᬤᬂᬯᬃᬕ᭄ᬕᬦᬾᬢᬺᬱ᭄ᬡ᭟ᬧᬮᬦ᭄ᬩᬧᬢᬦ᭄ᬧᬤᬭ᭞ᬳᬶᬢᬸᬚᬢᬶᬦᭀᬭᬚᬮᬶᬂ᭞ᬮ᭄ᬯᬶᬄᬩᬕ᭄ᬬᬦᬾᬫᬗᭀᬜᬂ
᭞ᬬᬦ᭄ᬫᬢᬶᬓᬫᭀᬓ᭄ᬱᬦ᭄ᬧᬗ᭄ᬕᬶᬄ᭞ᬬᬦ᭄ᬳᬶᬬᬢᬸᬭᬸᬦ᭄ᬤᬸᬫᬤᬶ᭞ᬲᬸᬓᬯᬶᬦᬯᬓᬧᬗ᭄ᬕᬸᬄ᭞ᬬᬦ᭄ᬢ᭄ᬯᬭᬓᬾᬢᭀᬲᬚ᭞ᬤᬤᬶᬧ᭄ᬭᬚ᭄ᬜᬦᭀᬭᬢᬦ᭄ᬤᬶᬂ᭞ᬩᬸᬤᬶᬯᬶᬓᬸ᭞ᬯᬓ᭄ᬩᬚ᭄ᬭᬲᬶᬤ᭄ᬥᬶᬚ᭄ᬜᬦ᭟ᬮᬦ᭄ᬢᬶᬗ᭄ᬓᬄᬫᬓᬤᬂ
Kaca:Bali-lontar-gaguritan-sandisastra-300ppi.pdf/34
Kaca puniki sampun kauji-wacén
