[ ᭖᭑ 61B]
᭖᭑᭞
ᬲᬾᬦᬾᬦᬾᬚᬦᬶ᭞ᬬᬦ᭄ᬳᬶᬥᭂᬧ᭄ᬩᬧ᭞ᬧᬘᬂᬗᬤᬬᬂᬲᬸᬭᬢ᭄᭞ᬭᬶᬂᬧᬭᬳᬲᬶᬳᬦ᭄ᬲᬲᬶᬸᬫᬶ᭞ᬢᬢᭂᬓ᭄ᬓᬧᬮᬦ᭄ᬓᬸᬫ᭄ᬧᭂᬦᬶᬲᬦᬾᬤᬶᬦᬶ᭟ᬫᬗ᭄ᬤᬤᬦᬾᬲᬫᬶᬳᬾᬮᬶᬂᬫᬳᬲ᭄ᬬᬦ᭄᭞ᬜᬧᬶᬄᬓᬮᬶᬦᬾᬚ
ᬦᬶ᭞ᬦᬾᬦᬾᬲᬸᬩᬲᬸᬩᬬᬂ᭞ᬢᬶᬗ᭄ᬓᬳᬶᬂᬤᬤᬶᬢᬸᬓᬃ᭞ᬗ᭄ᬳᬶᬂᬳᬩᭂᬲᬶᬓ᭄ᬧᬶᬓᬸᬓᬸᬳᬶᬦ᭄᭞ᬫᬤᬦ᭄ᬫᬧᬜ᭄ᬚᬓ᭄᭞ᬳᬮᬳᬸᬘᬧᬶᬂᬩᬸᬫᬶ᭟ᬓᬮᬶᬄᬤᬦᬾᬳᬧᬂᬕ᭄ᬮᬶᬲ᭄ᬗᬸᬦᬶᬗᬬᬂ᭞ᬭᬯᭀᬲᬾᬓᬩᬢᬯᬶ᭞ᬩᬧᬲᬸᬓᬧᬶᬲ
ᬦ᭄᭞ᬫᬢᬶᬦ᭄ᬤᬶᬄᬧᬲᭀᬩᬬᬦ᭄᭞ᬩᬸᬓᬓᬾᬦ᭄ᬢ᭄ᬭᬸᬓᬾᬦᬾᬗᬸᬦᬶ᭞ᬓᬾᬢᭀᬓ᭄ᬦᭂᬳᬂ᭞ᬲᬓᬮᬂᬳ᭄ᬦᬸᬩ᭄ᬘᬶᬓ᭄᭟ᬦᬾᬤᬶᬘᬓ᭄ᬭᬳᬧᬂᬳ᭄ᬤᬫᬶᬮᬸᬭᬸᬲᬓ᭄᭞ᬤᬾᬰᬦ᭄ᬘᬳᬶᬦᬾᬤᬶᬦᬶ᭞ᬧ᭄ᬭᬫᬾᬦᬓ᭄ᬧᬸᬗ᭄ᬕᬯ᭞ᬓᬾᬫ᭄ᬧᬶᬂ
ᬲᬫᬶᬫ᭄ᬩᬯᭀᬲᬂ᭞ᬯᬶᬦᬶᬸᬘᬦᬦᬾᬤᬸᬭᬸᬂᬗ᭄ᬕᬶᬮᬶᬲ᭄᭞ᬭᬸᬧᬢᬦ᭄ᬩᬾᬩᬲ᭄᭞ᬳᬶᬢ᭄ᬯᬦ᭄ᬫᬦ᭄ᬤᬕᬶᬗᬶᬦ᭄᭟ᬲᬳᬸᬃᬫᬦᬸᬓ᭄ᬳᬢᬸᬭᬾᬓᬗ᭄ᬜᭂᬦ᭄ᬤᭂᬢᬂ᭞ᬭᬢᬸᬤᬾᬯᬕᬸᬂᬳᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬜᬸᬳᬸᬦᬂ᭞ᬢᬶᬢᬄᬳᬶᬤᬪ
[ ᭖᭒ 62A]
ᬝᬵᬭ᭞ᬭᬾᬄᬩᭀᬬᬤᬤᭀᬲ᭄ᬳᬶᬯᬗᬶᬦ᭄᭞ᬲᬸᬩᬳᬲᬸᬩ᭞ᬓᬃᬫ᭄ᬫᬶᬦᬾᬲᬦᬾᬭᬶᬳᬶᬦ᭄᭟ᬳᬦᬓ᭄ᬳᬕᬸᬂᬗᬸᬭᬄᬫᬮᬶᬄᬫᬯᬘᬦ᭞ᬦᬄᬓᬾᬢᭀᬲᬸᬩᬧᬲ᭄ᬢᬶᬳᬶᬥᭂᬧ᭄ᬘᬳᬶᬧᬤ᭞ᬩᬧᬲᬸᬓᬦᬸᬳᬸᬢᬂ᭞ᬳᬳᬳᬬᬸᬩᬳᬦ᭄ᬘᬳᬶ
᭞ᬦᬓ᭄ᬳᬕᬸᬂᬩᬸᬤᬮ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬧᬸᬲ᭄ᬧᬶᬢᬦᬶᬂᬤᬍᬫ᭄ᬧᬸᬭ᭞ᬫᬗ᭄ᬓᬶᬦ᭄ᬫᬸᬯᬸᬄᬲ᭄ᬫᬂᬦᬗᬶᬲ᭄᭞ᬭᬚᬧᬸᬢ᭄ᬭᬶᬧᬭᬭᬦ᭄ᬤ᭞ᬧᬶᬦᬘᬂᬦᬘᬗᬦ᭄ᬲᬫᬶ᭞ᬫᬶᬯᬄᬲᭀᬭᭀᬄᬓᬧᬶᬗᬶᬢ᭄᭞
ᬢᬗᬶᬲᬾᬳᬸᬫᬸᬂᬫᬗ᭄ᬕᭂᬮᬸᬃ᭞ᬫᬲᬯᬂᬫᬸᬜᬶᬦ᭄ᬳᭀᬫ᭄ᬩᬓ᭄᭞ᬧᬦ᭄ᬤᭂᬂᬳᬗᬶᬦᬾᬳᬭᬶᬲ᭄᭞ᬢ᭄ᬯᬭᬲᬾᬬᭀᬲ᭄ᬫᬦ᭄ᬤᬤᬶᬧᬭᬦᬶᬂᬲ᭄ᬫᭂᬂ᭟ᬳᬦᬓ᭄ᬳᬕᬸᬂᬓ᭄ᬢᬸᬢ᭄ᬓᬭᬂ᭞ᬲᬂᬮᬶᬫᬫᭀᬓ᭄ᬱᬭᬶᬂᬚᬸᬭᬶᬢ᭄᭞ᬤᬾᬄᬫᬗ᭄ᬤᬤᬶᬲ᭄ᬓᬃᬧᬦᭀ
ᬦ᭄᭞ᬲᬫᬮᬶᬄᬧᬸᬦᬶᬓᬯ᭄ᬬᬓ᭄ᬢᬶ᭞ᬯᬶᬃᬬ᭄ᬬᬧᭀᬢ᭄ᬭᬓᬳᬸᬕᬶ᭞ᬧᬸᬢᬸᬦ᭄ᬤᬦᬾᬯᬢᬲᬫ᭄ᬧᬸᬦ᭄᭞ᬗᬯᬦᬶᬦ᭄ᬓᬦᬶᬦ᭄ᬭᬳᬢ᭄᭞ᬧ᭄ᬭᬓᭀᬲᬫᬗᬤᬸᬚᬸᬭᬶᬢ᭄᭞ᬤᬸᬓ᭄ᬓᬚᬬᬤᬾᬰᬦᬾᬭᬶᬂᬧᬕᭂᬲᬗᬦ᭄
Kaca:Bali-lontar-gaguritan-rusak-sasak-02-300ppi.pdf/62
Kaca puniki sampun kauji-wacén
