[ ᭕᭔ 54B]
᭕᭔᭞
ᬢᬶ᭞ᬫᬸᬲᬸᬄᬮᬦ᭄ᬭᭀᬯᬂ᭞ᬲᭀᬢᬦᬶᬂᬯᬶᬭᬓᬮᬶᬄ᭟ᬰ᭄ᬭᬶᬧᬤᬸᬓᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬮᬶᬦ᭄ᬢᬂᬫᭂᬗ᭄ᬕᬄ᭞ᬫᬗᬸᬢᬸᬲ᭄ᬳᬩ᭄ᬭᬸᬲ᭄ᬓᬮᬶᬄᬓᬧ᭄ᬢᬾᬦ᭄ᬫᬗᬸᬮᬳᬂ᭞ᬗᬗ᭄ᬕᬃᬫ᭄ᬩᬓ᭄ᬢᬓᬮᬾᬯᬂ᭞ᬭᬸᬧᬦᬾᬲᬫᬶᬗᬺᬲᬺᬱᬶᬦ᭄᭞ᬓᬸᬫᬶᬲ᭄ᬜᬍᬩᬢ᭄᭞ᬮᬶ
ᬗ᭄ᬓᭂᬫᬳᬶᬭᬶᬲᬶᬸᬩ᭄ᬳᬭᬶᬢ᭄᭟ᬳᬶᬫ᭄ᬯᬩᬳᬕ᭄ᬮᬮ᭄ᬬᬢᬾᬳᬲᬺᬂᬕᬮᬓ᭄᭞ᬚᬾᬗ᭄ᬕᭀᬢᬾᬗᬯᬶᬃᬳᬯᬶᬃ᭞ᬫᬯᬗ᭄ᬲᬶᬢ᭄ᬗᬸᬮᬳᬂ᭞ᬦᬸᬤᬶᬗᬂᬩᬦ᭄ᬓᬮᬾᬯᬂ᭞ᬲᬸᬭᬤᬤᬸᬩᬸᬓᬢᬶᬕ᭄ᬢᬶᬕ᭄᭞ᬓᬸᬘᬸᬧ᭄ᬗᬋᬧᬂ᭞ᬫᬩ᭄ᬭᬶᬬᬸᬓ᭄ᬧᬤᬫ᭄ᬩᭂᬤᬶᬮ᭄᭟
ᬫᬕᬸᬮᬸᬗᬦ᭄ᬩᬸᬓᬳᭂᬫ᭄ᬩᬄᬢ᭄ᬯᬭᬧ᭄ᬕᬢ᭄᭞ᬫᬶᬫᬶᬲᬾᬓᬤᬶ᭞ᬳᬸᬚᬦ᭄ᬫᬓᭂᬳᭂᬕᬦ᭄᭞ᬫᬶᬫ᭄ᬩᬸᬄᬢ᭄ᬯᬭᬤᬧ᭄ᬕᬢ᭄᭞ᬚᬺᬦᬢᬾᬢᬶᬢᬶᬃᬜᭂᬫᭀᬮᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬳᬮᭀᬂᬫᬢᬢᬸᬫᬢᬶ᭞ᬓᬮᬶᬄᬲᬸᬩᬦᬾᬲᬶᬓᬳᬸᬄᬳᭀᬜ
ᬩᬸᬦ᭄ᬢᬲ᭄᭞ᬓᬢᬸᬭᬸᬢ᭄ᬓᬩ᭄ᬤᬶᬤ᭄ᬮᬶᬦ᭄᭞ᬫᬩᬮᬶᬓ᭄ᬫᬢᬗ᭄ᬕᬮ᭄᭞ᬤᬶᬤᬗᬶᬦ᭄ᬧᬲᬃᬫᬮᬄ᭞ᬫ᭄ᬩᭂᬤᬶᬮ᭄ᬲᬓᬶᬂᬚ᭄ᬭᬾᬦᬶᬂᬓᬶᬓᬶᬲ᭄᭞ᬤᬤᬶᬫᬋᬦᬦ᭄᭞ᬓᬸᬫ᭄ᬧᭂᬦᬶᬦᬾᬗᬸᬮᬳᬶᬦ᭄᭟ᬤᬶᬢᬸᬳᬶᬲᬶᬲ᭄ᬧᬕᬶᬳᬶᬦᬾᬤ᭄ᬮᭀᬤ᭄ᬧᬲᬂ᭞ᬓᬶᬯ
[ ᭕᭕ 55A]
ᬢ᭄ᬗᬦ᭄ᬚᬕᬦᬶᬦ᭄᭞ᬩᬸᬦ᭄ᬢᬲ᭄ᬫᬗᬗᬶᬦᬂ᭞ᬓᬢᬸᬳᬸᬓ᭄ᬫᬩ᭄ᬬᬸᬬᬸᬳᬦ᭄᭞ᬩᬾᬘᬾᬓ᭄ᬫᬢᬢᬸᬮᬾᬦ᭄ᬫᬢᬶ᭞ᬯᬶᬃᬬ᭄ᬬᬧᭀᬢ᭄ᬭᬓ᭞ᬳᬶᬭᬶᬓᬦᬦ᭄ᬤᬂᬓᬦᬶᬦ᭄᭟ᬫᬫᬾᬄᬫᬾᬳᬦ᭄ᬓᬕᭀᬲᭀᬓᬤᬗᬶᬦ᭄ᬧᬲᬃᬫᬗ᭄ᬓᬶᬦ᭄ᬳᬘᬧᬂᬫᬮᬶᬄ᭞ᬳᬦ
ᬓ᭄ᬳᬕᬸᬂᬗᬸᬭᬄ᭞ᬗᬸᬢᬸᬲᬂᬩᬢᬸᬩᬢ᭞ᬲᭀᬭᭀᬄᬦᬾᬜᬫ᭄ᬩᬸᬢ᭄ᬧᬗᬯᬶᬦ᭄᭞ᬫᬓᬤᬶᬫᬫᬲ᭄᭞ᬩᬩᬭᬸᬫᬦᬗ᭄ᬕᬮᬶᬦ᭄᭟ᬲ᭄ᬭ᭄ᬬᬓ᭄ᬲ᭄ᬭᬶᬬᬸᬓ᭄ᬫᬸᬜᬶᬦ᭄ᬩᭂᬤᬶᬮ᭄ᬫᬢᬶᬫ᭄ᬩᬮᬦ᭄᭞ᬧᬶᬦᭂᬄᬮᬶᬗ᭄ᬲᬶᬃᬳ᭄ᬬᬂᬭᬯᬶ᭞ᬢ᭄ᬯᬭᬤᬭᬾᬭᬾᬦᬦ᭄
᭞ᬲ᭄ᬬᬢᬾᬧᬤᬤᬶᬭ᭞ᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬫᬗ᭄ᬓᬶᬦ᭄ᬫᬮᬶᬄ᭞ᬗᬸᬢᬸᬲ᭄ᬗᬸᬮᬳᬂ᭞ᬳᬶᬲᬸᬭᬤᬤᬸᬫ᭄ᬩᭂᬤᬶᬮ᭄᭟ᬢᬸᬃᬓᬳᬾᬦ᭄ᬢᭂᬃᬩᬳᬦ᭄ᬲᭀᬭᭀᬄᬫᬢ᭄ᬕᬓᬦ᭄᭞ᬚᬭᬦ᭄ᬫᬲᬶᬓᭂᬧ᭄ᬩᭂᬤᬶᬮ᭄᭞ᬓᬭᭀᬭᬶᬂᬓᬮᬾᬯᬂ᭞ᬳᬸᬩ᭄ᬭᬸᬲ᭄ᬓᬧ᭄ᬢᬾᬦ᭄ᬧᬕᬤᬄ
᭞ᬮᬾᬢ᭄ᬦᬦ᭄ᬓᬸᬫᬦ᭄ᬤᬦ᭄ᬧᬤᭂᬗ᭄ᬓᬶᬓ᭄᭞ᬕᭀᬗ᭄ᬲᭀᬃᬗᬋᬧᬂ᭞ᬢ᭄ᬯᬭᬫᬗᬶᬢᬸᬂᬫᬢᬶ᭟ᬫᬳᬸᬲᬸᬗᬦ᭄ᬳᬤᬮᬚᬸᬦ᭄ᬤᭂᬲᭂᬓ᭄ᬚᭂᬩᬕ᭄᭞ᬓᬢᬸᬫ᭄ᬩᬓ᭄ᬫᬜᬸᬗ᭄ᬓᬶᬮᬶᬂ᭞ᬳᬤᬚᬚᭀᬢᭀᬗᬦ᭄᭞ᬗᬸᬮᬄᬦᭂᬕᬓᬶᬦ᭄ᬚᬭᬦ᭄᭞ᬦ᭄ᬤᭂᬲᭂᬓᬶ
Kaca:Bali-lontar-gaguritan-rusak-sasak-02-300ppi.pdf/55
Kaca puniki sampun kauji-wacén
