[ ᭕᭕ 55B]
᭕᭕᭞
ᬦ᭄ᬓᬶᬓᬶᬲ᭄ᬫᬫ᭄ᬩᭂᬤᬶᬮ᭄᭞ᬳᬤᬗᬸᬭᬾᬧᬓ᭄᭞ᬧᬧᬲᬂᬳᭂᬚᬦ᭄ᬕᬶᬧᬶᬄ᭞ᬢᬶᬢᬶᬃᬫ᭄ᬩᭂᬤᬶᬮ᭄ᬢ᭄ᬯᬭᬢᬓᭂᬢ᭄ᬢᭂᬓᬾᬦ᭄ᬢᬫ᭄ᬩᬓ᭄᭞ᬳᬤᬫ᭄ᬦᬾᬓᬶᬦ᭄ᬓᬶᬓᬶᬲ᭄᭞ᬜᬢᬶᬸᬩᬢ᭄ᬩᬦ᭄ᬚᬋᬦᬢ᭄᭞ᬫᬓᭂᬧ᭄ᬮᬕ᭄ᬲᬫ᭄ᬩᭂᬄᬩᬸᬬᬃ᭞ᬲᬶᬓᭂᬧ᭄ᬦᬕᬭᬦᬾ
ᬤᬤᬶ᭞ᬲᬫ᭄ᬩᭂᬦ᭄ᬫᬩ᭄ᬬᬸᬭᬦ᭄᭞ᬳᬓᬾᬄᬫᬢᬢᬸᬫᬢᬶ᭟ᬳᬤᬗᬫᬸᬓ᭄ᬤᬶᬧᬲᬭᬾᬫᬩ᭄ᬬᭀᬬᭀᬗᬦ᭄᭞ᬩᬩᬭᬸᬫᬫᬲ᭄ᬫᬮᬶᬄ᭞ᬲᬶᬓᭂᬧᬾᬕ᭄ᬩᭀᬕᬦ᭄᭞ᬲᬶᬂᬧᭂᬲᬸᬢ᭄ᬯᬭᬢᬸᬮᬓ᭄᭞ᬧᬗ᭄ᬮᬶᬗ᭄ᬲᬶᬃᬤᬶᬢᬸᬗᭂᬫᬲᬶᬦ᭄᭞ᬳᬸ
ᬦ᭄ᬢᬢ᭄ᬧᬸᬭᬸᬱ᭞ᬢᬸᬳᬸᬲᬸᬭᬭᬶᬂᬚᬸᬭᬶᬢ᭄᭟ᬢᬸᬃᬭᬸᬲᬓᬾᬲᬶᬤ᭄ᬥᬫᬧᬸᬢᬦᬼᬓᬲ᭄᭞ᬗᬗ᭄ᬕᬾᬥᬃᬫ᭄ᬫᬓᬧᬢᬶᬦ᭄᭞ᬯᬭᬳᬶᬂᬧᬡ᭄ᬥᬶᬢ᭞ᬤᬦᬾᬫᬸᬮᬫᬰᬲ᭄ᬢ᭄ᬭ᭞ᬫᬧ᭄ᬦᬶᬗᬦ᭄ᬲᬳᬶᬲᬳᬶ᭞ᬧᭂᬧᭂᬤ᭄ᬜᬾᬯᬓ᭞ᬭᬶᬂᬧ᭄ᬭᬡ᭄ᬥᬯᬶᬪᬸᬄ
ᬳᬚᬶ᭟ᬫᬗ᭄ᬓᬶᬦ᭄ᬗᬄᬗᬄᬕᬮᬓ᭄ᬲᬶᬓᭂᬧᬾᬤᬶᬤᬾᬰ᭞ᬓᬧᭀᬩᬦ᭄ᬘᭂᬮᬂᬭᬶᬭᬶᬄ᭞ᬦᬾᬫᬗᬩᬶᬄᬳᬶᬤ᭞ᬳᬦᬓ᭄ᬳᬕᬸᬂᬗᬸᬭᬄᬳᬗ᭄ᬕᬮ᭄᭞ᬚᬸᬭᬸᬧᬶᬓᬸᬮᬾᬯᬗ᭄ᬲᬶᬢᬶᬦ᭄᭞ᬳᬾᬗ᭄ᬕᬮ᭄ᬗᬶᬍᬲᬂ᭞ᬳᬦᬓᬾᬳᬕᬸᬂ
[ ᭕᭖ 56A]
ᬮᬶᬗ᭄ᬲᬶᬃ᭟ᬤᬶᬢᬸᬩ᭄ᬭᬶᬬᬸᬓ᭄ᬲᬶᬓᭂᬧᬾᬩ᭄ᬮᬶᬢ᭄ᬗᬦᬶᬦᬂ᭞ᬓᬘᬓ᭄ᬭᬧᬤᬗᬸᬗ᭄ᬲᬶ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬳᬶᬢ᭄ᬯᬦ᭄ᬋᬲᬶᬤᬾᬦ᭄ᬳᬸᬘᬧ᭄᭞ᬓᬮᬶᬄᬚᬾᬦ᭄ᬤ᭄ᬭᬮ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬯᬾᬦ᭄ᬢᭂᬦ᭄ᬗᬸᬢᬸᬲᬂ᭞ᬲᬸᬭᬤᬤᬸ
ᬗ᭄ᬕᭂᬦᬳᬶᬦ᭄᭟ᬧᬕᭂᬲᬗᬦ᭄ᬢᬸᬂᬓᬳᬾᬦ᭄ᬢᭂᬃᬩᬦ᭄ᬓᬧᬮ᭞ᬳᬓᬸᬤᬂᬧᭀᬳᭀᬲ᭄ᬢᬶᬦ᭄ᬤᬶᬄ᭞ᬗᬶᬭᬶᬂᬧᬓᬬᬸᬦᬦ᭄᭞ᬲᭀᬢᬦᬶᬂᬚᬢᬶᬲᬶᬭ᭞ᬯᬾᬃᬩᬾᬢ᭄ᬧᬸᬭᬸᬱᬭᬶᬂᬚᬸᬭᬶᬢ᭄᭞ᬯᬺᬤᬾᬂᬧᬧ᭄ᬭᬗᬦ᭄᭞ᬢᬸᬯᬭᬦᭀᬮᬶᬄ
ᬓᬳᬸᬭᬶ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬦᬾᬫᬗ᭄ᬓᬶᬦ᭄ᬫᬮᬶᬄᬘᬭᬶᬢ᭞ᬩᬮᬾᬃᬕᬸᬦᬸᬢᬜ᭄ᬚᬸᬂᬫᬫᭂᬦᬂᬕᬶᬧᬶᬄ᭞ᬕᬫᬢᬶᬃᬣᬯᬾᬦ᭄ᬢᭂᬦ᭄ᬤᬶᬢᬸ᭞ᬗ᭄ᬳᬶᬂᬓᬶᬜ᭄ᬘᬶᬢ᭄ᬧᬯᬶᬮᬗᬦ᭄᭞ᬬᬾᬦᬶᬂᬢᬓ᭄ᬱᬶᬃᬯᬾᬦ᭄ᬢᭂᬦ᭄ᬳᬗᬦ᭄ᬢᬶᬕᬂᬳᬢᬸᬲ᭄᭞ᬮᬦᬂ
ᬳᬶᬲ᭄ᬢ᭄ᬭᬶᬮᬶᬗ᭄ᬲᬶᬃᬳᬦ᭄ᬯᬫ᭄᭞ᬦᬾᬓᬮᬶᬄᬤᬾᬰᬗ᭄ᬕᭂᬦᬳᬶᬦ᭄᭟ᬩᬮᬶᬯᬾᬱ᭄ᬬᬧᬭᬤᬗ᭄ᬳ᭄ᬬᬂ᭞ᬫᬶᬦᬓᬤᬶᬩ᭄ᬭᬳ᭄ᬫᬦᬭᬶᬂᬲᬸᬮᬶᬗ᭄ᬕᬶᬄ᭞ᬫᬩ᭄ᬬᬸᬭᬦ᭄ᬓᬩᭀᬢᬕ᭄ᬳᬦ᭄ᬢᬸᬓ᭄᭞ᬚᬋᬦᬢ᭄ᬲᬓᬶᬂᬓᬧᬮ᭄᭞ᬧᭂᬄᬦᬶᬂᬓᬬᬸᬦ᭄ᬰ᭄ᬭᬶ
