[ ᭕᭑ 51B]
᭕᭑᭞
ᬲ᭄᭞ᬓᬦᬕᬭᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬗᬢᬸᬭᬂ᭟ᬗᬦ᭄ᬤᬶᬓᬦᬾᬳᬶᬳᬦᬓ᭄᭞ᬳᬦᬓ᭄ᬳᬕᬸᬂᬗᬸᬭᬄᬭᬭᬶᬲ᭄᭞ᬗᬦ᭄ᬤᬶᬓᬦᬄᬪᬬᬢᬶᬢᬄ᭞ᬧᬫᭂᬗ᭄ᬕᬄᬯᬶᬤ᭄ᬥᬶᬯᬦ᭄ᬤᬗᬶᬦ᭄᭞ᬩᭂᬲᬶᬓ᭄ᬢᬢᬓ᭄ᬧᬂᬕᬶᬮᬶᬲ᭄᭞ᬩ᭄ᬭᬢ
ᬓ᭄ᬱᬢ᭄ᬭᬶᬬᬦᬾᬳᬤᬸ᭞ᬕᬗ᭄ᬲᬭᬂᬜᬫ᭄ᬩᬢ᭄ᬲᬢ᭄ᬯ᭞ᬳᬦᬓ᭄ᬳᬕᬸᬂᬕ᭄ᬤᬾᬚ᭄ᬮᬦ᭄ᬢᬶᬓ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬫ᭄ᬩᬸᬤᬮᬶᬦ᭄ᬚᬕᬢ᭄ᬲᬲᬓ᭄᭟ᬦᬗ᭄ᬳᬶᬂᬳᬓᬾᬄᬗᬮᭀᬮᭀᬲᬂ᭞ᬓᬫᬸᬮᬦ᭄ᬤᬶᬲᬲᬓ᭄ᬗᬶᬭᬶᬂ᭞ᬢᬸᬢᬶᬂᬧ᭄ᬭᬡ᭄ᬥ
ᬰᬶᬯᬩᬸᬤ᭄ᬥ᭞ᬲᬳᬳᬦᬓ᭄ᬧᬸᬢᬸᬭᬩᬶ᭞ᬧᬸᬦᬶᬓᬫᬓᬘᬶᬭᬶ᭞ᬦᬕᬭᬦᬾᬧᬘᬂᬍᬩᬸᬃ᭞ᬓᬮᬶᬄᬧᬢᬸᬗ᭄ᬓᬲ᭄ᬭᬯᭀᬲ᭄᭞ᬧᬸᬗ᭄ᬕᬯᬢᭀᬂᬢᬳᬾᬦ᭄ᬗ᭄ᬕᬶᬮᬶᬲ᭄᭞ᬤᬸᬃᬫᬗ᭄ᬕᬮᬦ᭄ᬘᬓ᭄ᬭᬫᬢᬭᬫᬾᬲᬶᬦᬄ᭟᭐
᭟ᬧᬸᬧᬸᬄᬤᬸᬃᬫ᭄ᬫ᭟ᬢ᭄ᬯᬦ᭄ᬋᬱᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄ᬫᬗ᭄ᬓᬶᬦ᭄ᬳᬸᬘᬧ᭄᭞ᬭᬯᭀᬲ᭄ᬲᬦ᭄ᬤᬶᬫᬫᬃᬕ᭄ᬕᬶ᭞ᬗᬬᬸᬕ᭄ᬲᭀᬭᭀᬄᬲ᭄ᬮᬫ᭄᭞ᬤᬯᬸᬄᬓᬸᬢᬫᬢᬭᬫ᭄᭞ᬩᬮᬾᬃᬢᬸᬓᬤ᭄ᬚᬗ᭄ᬓᬸᬓ᭄ᬭᬤᬶᬦ᭄᭞ᬓᬮᬶᬂᬧᬸᬦᬶᬓ᭞ᬳᬶᬲ᭄ᬓᬃ
[ ᭕᭒ 52A]
ᬩᬾᬮᬗ᭄ᬕᬶᬮᬶᬲ᭄᭟ᬲᬚᬚᬳᬦ᭄ᬓᭂᬮᭀᬤ᭄ᬓᬳᬸᬄᬩᬮᬾᬃᬩᬩᬓ᭄᭞ᬫᬦᬸᬗ᭄ᬓᭂᬤ᭄ᬓᬧᬲᬶᬲᬶ᭞ᬘᭀᬗᬄᬓᬦᬕᬭ᭞ᬫᬦᬸᬦᬲ᭄ᬓᬳᬸᬭᬶᬧᬦ᭄᭞ᬭᬶᬂᬳᬶᬢ᭄ᬯᬦ᭄ᬋᬲᬶᬤᬾᬦ᭄ᬓᬮᬶᬄ᭞ᬳᬶᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄᭞ᬲ᭄ᬯᬾᬘᬧᬶ
ᬲᬦ᭄ᬦ᭄ᬤᬕᬶᬗᬶᬦ᭄᭟ᬤ᭄ᬮᭀᬤ᭄ᬩᬩᬓ᭄ᬢ᭄ᬯᬶᬲᬸᬩᬲᬶᬓᭂᬧ᭄ᬘᬗᬄ᭞ᬫᬫ᭄ᬩᬸᬦ᭄ᬢᬸᬢ᭄ᬫᬫ᭄ᬩᭂᬢᬾᬦᬶᬸᬦᬶᬸᬢᬶᬦ᭄᭞ᬫᬋᬧ᭄ᬓᬦᬕᬭ᭞ᬬᬤᬶᬦ᭄ᬦᬃᬫ᭄ᬫᬤ᭞ᬦᬸᬗ᭄ᬓᭂᬤ᭄ᬓᬧᬸᬦᬶᬢᬦ᭄ᬕᬶᬮᬶᬲ᭄᭞ᬫᬩ᭄ᬭᬶᬬᬸᬓ᭄ᬘᭀᬗᬄ᭞ᬗᬋᬧᬶ
ᬦ᭄ᬭᬭᬩᬮᬶ᭟ᬳᭂᬦ᭄ᬢᭀᬓ᭄ᬭᬡᬳᬶᬲᬸᬭᬤᬤᬸᬫ᭄ᬩᬸᬗ᭄ᬓᬢᬂ᭞ᬧᬕᬸᬢᬦ᭄ᬓᬳᬫ᭄ᬩ᭄ᬬᬭᬶᬦ᭄᭞ᬳᬤᬤᬯᬸᬄᬧᬶᬲᬦ᭄᭞ᬓᬗᬶᬦ᭄ᬫᬓ᭄ᬚᬂᬩᬸᬦ᭄ᬢᬲ᭄᭞ᬲᬤᬕᬶᬂᬤᬾᬰᬦᬾᬗᬸᬗ᭄ᬲᬶ᭞ᬦᬕᬭᬘᬓ᭄ᬭ᭞ᬤᬶᬢᬸᬧ᭄ᬭᬬᬦ
ᬗ᭄ᬕᬮᬶᬦ᭄᭟ᬲᬓᬶᬂᬕ᭄ᬮᬶᬲ᭄ᬚᬦᬶᬩᬳᬦ᭄ᬜᬭᬶᬢᬬᬂ᭞ᬓᬸᬫ᭄ᬧᭂᬦᬶᬫᬫᭀᬦ᭄ᬤᭀᬓᬶᬦ᭄᭞ᬤᬶᬓ᭄ᬱᬾᬢ᭄ᬭᬦ᭄ᬫᬢᬭᬫ᭄᭞ᬓᬳᬸᬄᬢ᭄ᬯᬶᬫᬳᬤᬦ᭄᭞ᬧᬤᬲᬦ᭄ᬳᬕᬸᬂᬫᬗ᭄ᬭᬭᬶᬲ᭄᭞ᬓᬸᬫ᭄ᬧᭂᬦᬶᬗᭀᬢᬕ᭄᭞ᬳᬦ᭄ᬢᬸ
Kaca:Bali-lontar-gaguritan-rusak-sasak-02-300ppi.pdf/52
Kaca puniki sampun kauji-wacén
