Kaca:Bali-lontar-gaguritan-rusak-sasak-02-300ppi.pdf/53

Saking Wikisource
Kaca puniki sampun kauji-wacén

[ ᭕᭒ 52B]
᭕᭒᭞
ᬓ᭄ᬚᭂᬃᬦᬢ᭄ᬢᬶᬢᬶᬃ᭟ᬫᬢᬭᬫᬾᬓᬲᬓᬶᬢᬦ᭄ᬧ᭄ᬚᭂᬂᬍᬫᬄ᭞ᬫᬸᬯᬸᬄᬫᬩ᭄ᬬᬸᬭᬦ᭄ᬓᬤᬶ᭞ᬢᬯᬦ᭄ᬲᬓᬶᬂᬕᬶᬳ᭞ᬧᬤᬫᬗᬸᬗ᭄ᬲᬶᬘᬓ᭄ᬭ᭞ᬳᬤᬓᬧᬤᬲᬦ᭄‌ᬦ᭄ᬤᭂᬗᬶᬮ᭄᭞ᬮᭀᬃᬯᬾᬢᬦ᭄ᬘᬓ᭄ᬭ᭞ᬗ᭄ᬳᬶᬂᬢᬫ᭄ᬧᭂ
ᬓ᭄ᬓᬦᬕᬭᬶ᭟ᬢ᭄ᬯᬶᬳᬤᬫᬗ᭄ᬮᭀᬦ᭄‌ᬦᭀᬦᬶᬦ᭄ᬫᬦᬶᬯᬶᬢ᭞ᬭᬶᬂᬓᬸᬫ᭄ᬧᭂᬦᬶᬢᬸᬃᬮᬭᬶᬲ᭄᭞ᬯᬢᭂᬓ᭄ᬩᬳᬸᬤᬦ᭄ᬤ᭞ᬳᬤᬫᬗᬸᬗ᭄ᬲᬶᬢ᭄ᬗᬄ᭞ᬓᬗᬶᬦ᭄ᬚᬸᬭᬶᬂᬫᬗ᭄ᬭᬭᬶᬲ᭄᭞ᬢ᭄ᬮᬲ᭄ᬓᬭᬸᬲᬓ᭄᭞ᬫᬗ᭄ᬓᬶᬦ᭄‌ᬓᭀᬘᬧᬂᬫ
ᬮᬶᬄ᭟ᬰ᭄ᬭᬶᬧᬤᬸᬓᬢ᭄ᬯᬦ᭄ᬋᬲᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄᭞ᬫᬧᬧᬭᬫᬗᬫ᭄ᬩᬶᬮ᭄᭞ᬤᬾᬰᬧᬕᭂᬲᬗᬦ᭄᭞ᬤ᭄ᬮᭀᬤ᭄ᬓᬸᬢᬫᬢᬭᬫ᭄᭞ᬧ᭄ᬭᬧᬸᬢ᭄ᬭᬤᬶᬢᬸᬫᬮᬶᬗ᭄ᬕᬶᬄ᭞ᬮᬸᬫ᭄ᬭᬄᬫᬧᬭᬩ᭄᭞ᬯᬶᬃᬬ᭄ᬬᬧᭀᬢ᭄ᬭᬓᬘ᭄ᬮᬶᬭᬶᬂ
᭟ᬧᬺᬦᬄᬧᬸᬢ᭄ᬭᬳᬦ᭄ᬢᬸᬓ᭄ᬳᬦᬓ᭄ᬳᬕᬸᬂᬗᬸᬭᬄ᭞ᬫᬢᬗ᭄ᬕᬮ᭄ᬲᬫᬶᬕᬶᬦ᭄ᬢᬶᬂ᭞ᬲᬳᬶᬭᬶᬗᬦ᭄ᬳᬶᬤ᭞ᬓᬮᬶᬄᬦᬓ᭄ᬳᬕᬸᬂᬗᬸᬭᬄ᭞ᬭᬯᬸᬄᬫᬧᬶᬢᬸᬮᬸᬂᬕᬶᬧᬶᬄ᭞ᬲᬗ᭄ᬓᬦ᭄ᬫᭀᬲᭀᬕᬦ᭄᭞ᬲ᭄ᬬᬢᬾᬩᬸᬓᬢᬸᬮᬶᬲ᭄᭟ᬭᬾᬄ

[ ᭕᭓ 53A]
ᬫᬬᬢᬦ᭄ᬳᬦᬓ᭄ᬳᬕᬸᬂᬗᬸᬭᬄᬳᬶᬤ᭞ᬫᬫᬶᬋᬂᬓᬩᬃᬚᬢᬶ᭞ᬧᬫᬃᬕ᭄ᬕᬶᬦ᭄ᬳᬶᬢ᭄ᬯᬦ᭄᭞ᬭᬯᬸᬳᬾᬫᬗᬭᬶᬲ᭄ᬢ᭞ᬧᬕᭂᬲᬗᬦ᭄‌ᬳᬦ᭄ᬢᬸᬓ᭄ᬓᬶᬜ᭄ᬘᬶᬢ᭄᭞ᬤᭀᬦᬶᬂᬭᬦ᭄ᬢᬩᬦ᭄‌᭞ᬤᬕᬶᬂᬘᬓ᭄ᬭᬦᬾᬗᬶᬭᬶᬂ᭟ᬲᬓᬶᬂᬧᬸ
ᬢ᭄ᬯᬢᬶᬗ᭄ᬓᬄᬧᬲ᭄ᬬᬢᬾᬓᬦ᭄ᬤᬬᬂ᭞ᬩᬸᬫᬭᬩᬳᬓ᭄ᬓᬗᬶᬦ᭄᭞ᬲᬸᬭᬤᬤᬸᬦᬧᬓ᭄᭞ᬗᬫ᭄ᬩ᭄ᬬᬭᬶᬦ᭄ᬧᬕᭂᬲᬗᬦ᭄᭞ᬲᬓᬶᬂᬓ᭄ᬮᭀᬤ᭄‌ᬓᬳᬸᬄᬢᬶᬢᬶᬩ᭄᭞ᬗᭂᬦᬄᬮᬓ᭄ᬱᬬᬦ᭄᭞ᬩᬸᬗᬄᬧᬤᬫᬢᬸᬧᬶ᭞ᬩᬳᬦ᭄ᬲᭂ
ᬍᬫ᭄‌ᬫᬘᬸᬤᬫᬦᬶᬗᬭᬜᬄ᭞ᬧᬸᬢᬶᬄᬳᬧᬶᬢᬂᬓᬸᬦᬶᬂ᭞ᬩᬚᬸᬧᬧᬢᬸᬳᬦ᭄᭞ᬚᬮᬾᬃᬧᬤᬫᬗᭂᬩᬄ᭞ᬳᬦ᭄ᬢᬸᬓ᭄ᬮᬓᭂᬦᬾᬧᬳᬚᬶ᭞ᬲᭀᬭᭀᬄᬓᬸᬫᭂᬦ᭄ᬤᬦ᭄᭞ᬫᬸᬭᬸᬩ᭄ᬫᬢᬦ᭄ᬤᬓᬸᬦᬶᬂ᭟ᬓᬧ᭄ᬢᬾᬦ᭄ᬳᬸᬩ᭄ᬭᬸᬲ᭄
ᬲᭀᬭᭀᬄᬦᬾᬫᬗᬗ᭄ᬕᭀᬩᬶᬦ᭄ᬢᬂ᭞ᬫᬓᬤᬶᬲᬦᬾᬓᬓᬶᬮᬶᬄ᭞ᬋᬲᬶᬤᬾᬦ᭄ᬭᬯᬶᬂᬚᬾᬦ᭄ᬤ᭄ᬭᬮ᭄᭞ᬫᬗᬗ᭄ᬕᬾᬓᬪᬶᬦᬯ᭞ᬢᬸᬧᬶᬦᬾᬩᬸᬗᬄᬫᬗᭂᬦ᭄ᬤᬶᬄ᭞ᬫᬍᬗ᭄ᬓᭂᬃᬳ᭄ᬫᬲ᭄᭞ᬧᬧᬢ᭄ᬭᬦᬾᬭᬯᬶᬢ᭄᭟ᬢᬸᬃᬫᬘᬶᬭᬶᬧᬬᬸᬂ