[ ᭒᭘ 28B]
᭒᭘᭞
ᬓ᭄ᬓ᭞ᬫᬯᬾᬲᬶᬢ᭄ᬓᬾᬗ᭄ᬧᬢᬶ᭞ᬦᬾᬤᬶᬲᬶᬦ᭄ᬢᬸᬂᬤᬶᬢᬸᬳᬮᬶᬄᬧᬓᬾᬤᭂᬧ᭞ᬫᬸᬜᬶᬦᬾᬳ᭄ᬦᬸᬪᬓ᭄ᬢᬶ᭞ᬫᬗ᭄ᬓᬶᬦ᭄ᬳᬧᬂᬲᬶᬦᬄ᭞ᬫᬦᬶᬳᬫ᭄ᬩ᭄ᬬᬭᬶᬦ᭄ᬓᭂᬫ᭞ᬧᬸᬗ᭄ᬕᬯᬧ᭄ᬭᬫᬾᬦᬓ᭄ᬲᬫᬶ᭞ᬩᬾᬩᬲ᭄ᬗᬶᬭᬶᬗᬂ᭞ᬩᬩᬯᭀᬲ᭄ᬮᬶᬦ᭄ᬢᬂ
ᬩ᭄ᬘᬶᬓ᭄᭟ᬲᬓᬶᬂᬕ᭄ᬮᬶᬲ᭄ᬚᬦᬶᬩᬳᬦ᭄ᬫᬜᬸᬭᬢᬂ᭞ᬩᬸᬦᬫ᭄ᬧᬶᬕᬮᬂᬓᬗᬶᬦ᭄᭞ᬲᭂᬓᭂᬧ᭄ᬤᬶᬦᬃᬫ᭄ᬫᬤᬲᬸᬩᬦᬧᬓ᭄ᬤᬶᬧᬲᬂ᭞ᬳᬦᬓ᭄ᬳᬕᬸᬂᬫᬥᬾᬫᬶᬚᬶᬮ᭄᭞ᬯᬃᬡ᭄ᬦᬤᬸᬫᬶᬮᬄ᭞ᬫᬗᬗ᭄ᬕᭀᬩ᭄ᬘᬶᬓ᭄᭟ᬩᬳᬸ
ᬭᬦ᭄ᬤᬲᬫ᭄ᬧᬸᬦ᭄ᬦᬫ᭄ᬧᬶᬧᬗᬦ᭄ᬤᬶᬓ᭞ᬲᬦᬾᬬᭀᬕ᭄ᬬᬫᬸᬘᬸᬓᬶᬦ᭄᭞ᬓᬫ᭄ᬧᬶᬤ᭄ᬓᬾᬭᬶᬓᬦᬦ᭄᭞ᬯᬢᭂᬓ᭄ᬧᬸᬭᬸᬱᬭᬶᬂᬧ᭄ᬭᬂᬫᬫᬃᬕ᭄ᬕᬶᬳᬢᬧ᭄ᬫᬩᬭᬶᬲ᭄᭞ᬯᬦ᭄ᬢᬄᬯᬮᬸᬬ᭞ᬲᭀᬮᬄᬓᬤᬶᬭᬢᬸᬮᬶᬲ᭄᭟ᬳᬦ
ᬓ᭄ᬳᬕᬸᬂᬫᬥᬾᬓᬭᬗ᭄ᬳᬲᭂᬫ᭄ᬬᬢ᭄ᬦ᭞ᬯᬢᭂᬓ᭄ᬩᬩ᭄ᬘᬶᬓ᭄ᬗᬩᬶᬄ᭞ᬲᬾᬬᭀᬲ᭄ᬫᬳᬤ᭄ᬯᬶᬚ᭞ᬢᬦ᭄ᬳᬸᬘᬧᬦ᭄ᬤᬶᬚᬮᬦ᭄᭞ᬭᬳᬸᬳᬾᬤᬶᬲᬶᬦ᭄ᬢᬸᬂᬕ᭄ᬮᬶᬲ᭄᭞ᬢ᭄ᬯᬭᬤᬳᬧᬳᬶᬲᬶᬦ᭄ᬢᬸᬂᬓᬢᬫ᭄ᬧᭂᬓᬶᬦ᭄᭟ᬳᬧᬦ᭄ᬳᬾ
[ ᭒᭙ 29A]
ᬮᬶᬢ᭄ᬓᬾᬦ᭄ᬳᬢᬸᬜᬦᬾᬲᬸᬩ᭞ᬫᬗ᭄ᬕᭂᬄᬓᬭᬶᬲᬸᬦᬓ᭄ᬢᬶ᭞ᬰᬸᬭᬳᬫ᭄ᬮᬧᬸᬭ᭞ᬳᬶᬤᬩᬾᬩᬲ᭄ᬫᬫᬃᬕ᭄ᬕ᭞ᬧᬦᬫ᭄ᬧᭂᬓᬶᬦ᭄ᬓᬸᬩᭀᬦ᭄ᬲ᭄ᬭᬶᬧᬶᬢ᭄᭞ᬢ᭄ᬯᬭᬜᬾᬗᭂᬳᬂ᭞ᬫᬸᬲᬸᬳᬾᬫᬦ᭄ᬤᬾᬂᬓᬼᬧᬶᬦ᭄᭟ᬕ᭄ᬮᬶᬲ᭄ᬗᬫᬸᬓ᭄ᬳᬤ
ᬳᬗᬦ᭄ᬓᬮᬶᬄᬤᬰ᭞ᬲᬶᬓᭂᬧ᭄ᬜᬧᬤᬫᬶᬗᬶᬤ᭄᭞ᬜᭂᬧᭂᬕ᭄ᬩᬦ᭄ᬓᬮᬾᬯᬂ᭞ᬩᬜ᭄ᬘᬗᬶᬦ᭄ᬲᬶᬓᭂᬧ᭄ᬓᬶᬸᬮᬾᬶᬸᬯᬶᬸ᭄ᬫᬫᬲ᭄᭞ᬫᬕ᭄ᬮᬶᬬᬸᬭᬦ᭄ᬢᬗ᭄ᬓᭂᬧᬚᬸᬢ᭄ᬲᬫᬶ᭞ᬧᬢᬶᬓᬸᬭᬾᬧᬓ᭄᭞ᬫᬓ᭄ᬮᬶᬤ᭄ᬦᭂᬧᬾᬦ᭄ᬳᬶᬤ᭟ᬳᬧᬦ᭄ᬓᭀᬘ
ᬧ᭄ᬲᬶᬓᭂᬧ᭄ᬲᭂᬮᬫ᭄ᬭᬭᬂᬳᬶᬬ᭞ᬫᬸᬮᬜᬤ᭄ᬬᬬᬂᬕᬢᬶ᭞ᬳᬶᬥᭂᬧᬗᬭᬸᬲᬓ᭄᭞ᬳᬤᬰᬸᬭᬳᬫ᭄ᬮᬧᬸᬭ᭞ᬓᬧᬢᭀᬢᭀᬢ᭄ᬢ᭄ᬓᬤᬤᬶ᭞ᬫᬤᬸᬓ᭄ᬳᬦᬸᬓᬦ᭄᭞ᬜᭂᬧᭂᬕ᭄ᬓᬲᭂᬧᭂᬕ᭄ᬢᬶᬢᬶᬃ᭟ᬳᬶᬸᬧᬳᬸᬲᬸᬗᬦ᭄ᬲᬕᬾ
ᬢ᭄ᬫᬸᬲᬸᬄᬓᬤᬾᬦ᭄ᬭᭀᬯᬂ᭞ᬳᬓᬾᬄᬫᬢᬢᬸᬫᬢᬶ᭞ᬳᬧᬦ᭄ᬢ᭄ᬯᬭᬧ᭄ᬕᬢ᭄᭞ᬲᬶᬓᭂᬧ᭄ᬲ᭄ᬮᬫᬾᬢ᭄ᬓ᭞ᬫᬦᬾᬫ᭄ᬧᭀᬗᬶᬦ᭄᭞ᬫᬜᬫ᭄ᬧᬶᬗᬶᬦ᭄᭞ᬲᬶᬓᭂᬧ᭄ᬦᬦᬭ᭞ᬓᬩᭂᬢ᭄ᬫᬢᬗ᭄ᬕᬮ᭄ᬚᬸᬭᬶᬢ᭄᭞ᬤᬤᬶᬢ᭄ᬓᭂᬤ᭄ᬲᬶ
Kaca:Bali-lontar-gaguritan-rusak-sasak-02-300ppi.pdf/29
Kaca puniki sampun kauji-wacén
