[ ᭒᭗ 27B]
᭒᭗᭞
ᬳᬸᬗ᭄ᬕᬤᬭᬾᬜᬶᬫ᭄ᬧᬗᬶᬦ᭄᭞ᬲᬓᬶᬂᬳᬶᬭᬶᬓ᭞ᬳᬶᬧᬦᬸᬚᬸᬲ᭄ᬬᬢᬶᬦ᭄᭞ᬳᬶᬧ᭄ᬭᬓᬗ᭄ᬕᭀᬢᬶᬕᬲᬫ᭄ᬧᬸᬦ᭄ᬧᬫᬶᬢ᭄ᬩᬸᬤᬮ᭄᭞ᬢᬦ᭄ᬓᭀᬘᬧᬭᬶᬂᬯ᭄ᬗᬶ᭞ᬩᬾᬜ᭄ᬚᬂᬘᬭᬶᬢᬬᬂ᭞ᬳᬦᬓ᭄ᬳᬕᬸᬂᬫᬫᬃᬕ᭄ᬕ᭞
ᬭᬯᬸᬳᬾᬭᬶᬂᬳᬸᬗ᭄ᬕᬕ᭄ᬮᬶᬲ᭄᭞ᬤᬶᬢᬸᬫᬭ᭄ᬬᬦ᭄᭞ᬳᬶᬳᬸᬗ᭄ᬕᬫᬦ᭄ᬤᬕᬶᬗᬶᬦ᭄᭟ᬲᬧᬶᬲᬸᬕᬸᬄᬧᬫᬢᬶᬗᬾᬲᬸᬩᬳᬤ᭞ᬭᬬᬸᬦᬦ᭄ᬓᬧᬶᬂᬓᬮᬶᬄ᭞ᬫᬳᬾᬦᬓ᭄ᬳᬾᬦᬓᬦ᭄᭞ᬩᬸᬫᬭᬫᬶᬗ᭄ᬕᭂᬓ᭄ᬲᬸᬃᬬ᭄ᬬᬤᬾᬰ
ᬤᬭᬾᬦᬾᬧᬭᬦᬶᬦ᭄᭞ᬮᬭᬶᬲ᭄ᬗᬗᬶᬦᬂ᭞ᬳᬶᬭᬶᬓᬓᬭᬓ᭄ᬬᬦᬶᬦ᭄᭞ᬲᬦᬾᬩᬾᬜ᭄ᬚᬂᬩᬳᬓ᭄ᬓᬗᬶᬦ᭄ᬲᬫ᭄ᬧᬸᬦ᭄ᬫᬗ᭄ᬓᬢ᭄᭞ᬳᬦᬓᬾᬳᬕᬸᬂᬓᬮᬶᬄ᭞ᬫᬗ᭄ᬭᬶᬲ᭄ᬢᬧᬦᬸᬚ᭞ᬩᬸᬤᬢᬸᬄᬓᬮᬶᬩ᭄ᬮᬶᬸᬲᬸ᭄ᬩᬾ
ᬩᬲ᭄᭞ᬲᬢ᭄ᬭᬸᬦᬾᬫᬓ᭄ᬚᬂᬮᬶᬮᬶᬄ᭞ᬗᬸᬗ᭄ᬲᬶᬧ᭄ᬭᬬ᭞ᬤᬾᬰᬜᬓᬳᭂᬜ᭄ᬚᬸᬳᬶᬦ᭄᭟ᬳᬶᬧ᭄ᬭᬓᬗ᭄ᬕᭀᬩᬢᬸᬚᬸᬳᬶᬫᬗ᭄ᬓᬶᬦ᭄ᬳᬾᬕᬃ᭞ᬦᬧᬓ᭄ᬫᬲᬶᬮᬭᬤᬶᬦ᭄᭞ᬭᬶᬂᬳᬚᭂᬗᬦ᭄ᬳᬶᬤ᭞ᬳᬦᬓ᭄ᬳᬕᬸᬂᬗᬸᬭᬄ᭞ᬳᬢᬸ
[ ᭒᭘ 28A]
ᬭᬾᬤᬾᬯᬕᬸᬂᬫᬗ᭄ᬓᬶᬦ᭄᭞ᬦᬸᬦᬲ᭄ᬭᬭᬶᬲᬂ᭞ᬕᬫᭂᬮ᭄ᬧᬜ᭄ᬚᬓᬾᬪᬓ᭄ᬢᬶ᭞ᬳᬦᬓ᭄ᬳᬕᬸᬂᬗᬸᬭᬄᬓᬮᬶᬄᬭᬶᬂᬳᬦᬓ᭄ᬤ᭞ᬭᬶᬂᬩᬢᬸᬚᬳᬶᬫᬮᬶᬗ᭄ᬕᬶᬄ᭞ᬢᬦ᭄ᬳᬸᬘᬧ᭄ᬳᬶᬭᬶᬓ᭞ᬳᬾᬦᬓ᭄ᬲᬫᬶᬦ᭄ᬤ᭄ᬭᬯᬶᬦ᭞ᬭ
ᬬᬸᬦᬦ᭄᭞ᬭᬢᬫᬓ᭄ᬚᬂ᭞ᬧᬶᬲᬸᬕᬸᬄᬩᬢᬸᬚᬳᬶ᭟ᬭᬶᬂᬦᬃᬫ᭄ᬫᬤᬫᬗ᭄ᬓᬶᬦ᭄ᬓᭀᬘᬧ᭄ᬫᬶᬋᬂᬓᬩᬃ᭞ᬳᬦᬦᬾᬳᬕᬸᬂᬮᬶᬗ᭄ᬲᬸᬃ᭞ᬳᬦᬓ᭄ᬤᬗᬶᬭᬶᬗᬂ᭞ᬲᬫ᭄ᬧᬸᬦ᭄ᬩᬾᬩᬲ᭄ᬮᬶᬗ᭄ᬕ᭞ᬭᬶᬂᬩᬢᬸᬚᬳᬶᬗᬸᬓᬸᬳᬶᬦ᭄᭞ᬳᭂ
ᬦ᭄ᬢᭀᬫᬓ᭄ᬭᬡ᭞ᬓᬬᬸᬦᬾᬩᬸᬓᬧᬶᬭᬶ᭞ᬳᬦᬓ᭄ᬳᬕᬸᬂᬫᬥᬾᬭᬗ᭄ᬳᬲᭂᬫ᭄ᬳᬶᬤ᭞ᬓᬢᬗ᭄ᬓᬶᬮ᭄ᬲᬸᬩᬢᬶᬢᬶᬄ᭞ᬧᬸᬗ᭄ᬕᬯᬧ᭄ᬭᬫᬾᬦᬓ᭄᭞ᬳᬦᬓ᭄ᬳᬕᬸᬂᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬭᬭᬲᬦᬾᬫᬗ᭄ᬓᬶᬦ᭄᭞ᬯᬶᬭᬾᬄᬳᬶ
ᬩᬧ᭞ᬲᬶᬤ᭄ᬤᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭟ᬫᬦᬫ᭄ᬧᭂᬓᬶᬦ᭄ᬫᬸᬲᬸᬳᬾᬳᭂᬦ᭄ᬢᭀᬤᬶᬧ᭄ᬭᬬ᭞ᬳᬶᬥᭂᬧ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬲᬶᬄᬫᬗᬶᬮᬩᬂ᭞ᬲᬶᬓᭂᬧ᭄ᬓᬤ᭄ᬮᭀᬤ᭄ᬩᬩᬓ᭄᭞ᬳᬧᬂᬤᬭᬸᬧᬫᬗᭂᬜ᭄ᬚᬶᬂ᭞ᬤᬤᬶᬓᬢᬃ
Kaca:Bali-lontar-gaguritan-rusak-sasak-02-300ppi.pdf/28
Kaca puniki sampun kauji-wacén
