[ ᭑᭓ 13B]
᭑᭓᭞
ᬓᬾᬳᬕᬸᬮᬶᬗ᭄ᬲᬶᬃ᭞ᬧᬘᬂᬤᬯᬸᬄᬯᬶᬘᬦ᭞ᬧᬗᬾᬫᬦᬾᬢ᭄ᬯᬭᬫᬮᬶᬄ᭞ᬯᬶᬭᬾᬳᬵᬲᬓᬤᬶᬫᬗ᭄ᬓᬶᬦ᭄᭞ᬳᬶᬧ᭄ᬭᬬᬮᬶᬦ᭄ᬢᬂᬤᬸᬤᬸ᭞ᬫᬳᬫ᭄ᬩᭂᬓ᭄ᬧᬂᬧᬂᬫᭀᬫᭀ᭞ᬩᬗ᭄ᬕᬬᬂᬦ᭄ᬤᬾᬯᬾᬓ᭄ᬗᭂᬫᬲᬶᬦ᭄᭞ᬳᬦᬓ᭄ᬳᬕᬸᬂ
ᬗᬸᬭᬄᬓᬮᬶᬦ᭄ᬢᬸᬗᬶᬂᬲ᭄ᬯᬾᬘ᭄ᬙ᭟ᬧᬓᬬᬸᬦᬦ᭄ᬗᬯᬸᬮᬬᬂ᭞ᬭᬶᬂᬭᬬᬢᬾᬲᬦᬾᬪᬓ᭄ᬢᬶ᭞ᬫᬗ᭄ᬤᬦᬸᬮᬸᬲ᭄ᬓᬳᬸᬭ᭄ᬬᬦ᭄᭞ᬕᬦ᭄ᬢᬶᬕᬸᬫᬦ᭄ᬢᬶᬫᬗᬶᬭᬶᬂ᭞ᬳᬦᬓᬾᬳᬕᬸᬂᬯ᭄ᬬᬓ᭄ᬢᬶ᭞ᬫᬫᬸᬧᭀᬦᬶᬦ᭄ᬚᬸᬕᬢ᭄ᬮᬦ᭄ᬤᬄ᭞ᬦᬗ᭄ᬳᬶᬂᬭᬶ
ᬳᬶᬦᬂᬧᬶᬲᬦ᭄᭞ᬓᬩᬭᬾᬳᬢᬸᬭᬂᬲᬫᬶ᭞ᬧᬶᬮᬶᬄᬓᬾᬗᬶᬦ᭄ᬯᬾᬦ᭄ᬢᭂᬦ᭄ᬲ᭄ᬯᬾᬘᬦᬶᬂᬪᬝᬵᬭ᭟ᬧᬗ᭄ᬭᬯᭀᬲᬾᬫᬜᬶᬦ᭄ᬥᬬᬂ᭞ᬧᬸᬘᬄᬢᬗ᭄ᬯᬦᬾᬕ᭄ᬮᬶᬲ᭄᭞ᬳᬶᬩᬗ᭄ᬓᭀᬮ᭄ᬫᬳᬶᬮ᭄ᬧ᭄ᬭᬬ᭞ᬳᬗ᭄ᬕᬮ᭄ᬧᬗ᭄ᬭᬶᬲ᭄ᬢ
ᬦᬾᬓᬶᬗᬶᬦ᭄᭞ᬦᬾᬫᬗ᭄ᬓᬶᬦ᭄ᬫᬗ᭄ᬭᬶᬳᬶᬦᬶᬦ᭄᭞ᬦᬾ ᬤᬶᬩᬢᬸᬓ᭄ᬮ᭄ᬬᬂᬢ᭄ᬤᬸᬦ᭄᭞ᬧ᭄ᬭᬓᬗ᭄ᬕᭀᬲᬫ᭄ᬧᬸᬦ᭄ᬢ᭄ᬯ᭞ᬋᬋᬄᬳᬶᬧᬸᬦ᭄ᬳᬸᬕᬶᬫᬗ᭄ᬓᬶᬦ᭄᭞ᬦᬾ ᬳᬶᬭᬶᬓᬧᬶᬤᬃᬣᬳᬶᬦ᭄ᬧᬗᬦ᭄ᬤᬶᬓ᭟ᬳᬸᬦ᭄ᬢᬸᬢ᭄ᬳᬫ᭄ᬮᬧᬸᬭᬳᬶᬤ᭞ᬓ
[ ᭑᭔ 14A]
ᬮᬶᬄᬩᬳᬸᬤᬦ᭄ᬤᬲᬶᬸᬲᬫᬶ᭞ᬫᬫᬢᬸᬢ᭄ᬭᬯᭀᬲᬾᬩᬾᬩᬲ᭄᭞ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬗᭂᬲᬾᬗᬶᬦ᭄ᬧᬭᬫᬗ᭄ᬓᬶᬦ᭄᭞ᬧ᭄ᬭᬓᬗ᭄ᬕᭀᬢ᭄ᬯᬯᬸᬲ᭄ᬓᬢᬸᬃ᭞ᬭᬶᬂᬳᬚᭂᬂᬰᬸᬭᬫ᭄ᬮᬧᬸᬭᬫᬧᬸᬢᬸᬲᬦ᭄ᬕ᭄ᬮᬶᬲ᭄᭞ᬫᬦ᭄ᬤᬸ
ᬯᬸᬳᬂᬓᬤᬶᬧᭂᬢᭂᬂᬧᬓᬬᬸᬦᬦ᭄᭟ᬳᬶᬢ᭄ᬯᬢᬦ᭄ᬳᬓᬾᬄᬫᬦᬄ᭞ᬧᬧᭀᬮᭀᬲᬦ᭄ᬢᭂᬓᬗᬶᬭᬶᬂ᭞ᬗᬚᬓ᭄ᬧ᭄ᬬᬦᬓ᭄ᬦᬾᬘ᭄ᬭᬶᬓᬦ᭄᭞ᬳᬤᬶᬭᬶᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬸᬳᬸᬲᬦ᭄ᬫᬫ᭄ᬩᬋᬗᬶᬦ᭄᭞ᬦᬫ᭄ᬧᬶᬧᬯᬘᬦᬧᬸ
ᬧᬸᬢ᭄᭞ᬧᬘᬂᬓᬢᬸᬃᬭᬶᬂᬳᬶᬤ᭞ᬳᬦᬓ᭄ᬳᬕᬸᬂᬗᬸᬭᬄᬮᬶᬗ᭄ᬲᬶᬃ᭞ᬕ᭄ᬮᬶᬲ᭄ᬭᬯᬸᬄᬭᬶᬂᬦᬕᬭᬲᬫ᭄ᬧᬸᬦ᭄ᬩᬾᬩᬲ᭄᭟ᬲᬯᬶᬸᬧᬶᬯ᭄ᬓᬲ᭄ᬯ᭄ᬓᬲ᭄ᬳᬶᬤ᭞ᬰᬸᬭᬳᬫ᭄ᬮᬧᬸᬭᬭᬭᬶᬲ᭄᭞ᬳᬶᬧ᭄ᬭᬓᬗ᭄ᬕᭀᬩᬢᬸᬓ᭄ᬮ᭄ᬬᬂᬓᬧ᭄ᬭᬾᬓ᭄ᬱᬫ
ᬢᬳᬦ᭄ᬭᬭᬶᬲ᭄᭞ᬯᬶᬭᬾᬄᬓᬳᬢᬸᬃᬚᬢᬶ᭞ᬲᬓᭀᬗ᭄ᬓᭀᬮ᭄ᬓᬧ᭄ᬭᬬᬢᬶᬦᬸᬢ᭄᭞ᬦᬗ᭄ᬳᬶᬂᬓᬭᬶᬫᬶᬚᬦ᭄ᬢᭀᬲ᭄᭞ᬫᬗᬦ᭄ᬢᭂᬦᬂᬫᬦᬄᬭᬸᬘᬶ᭞ᬳᬫ᭄ᬩᭂᬓ᭄ᬧᬸᬗ᭄ᬕᬸᬂᬘᭀᬗᬄᬢ᭄ᬓᬾᬦ᭄ᬧᬦᬸᬗ᭄ᬲᬸᬗᬦ᭄᭟ᬓᭀᬘᬧ᭄ᬋ
Kaca:Bali-lontar-gaguritan-rusak-sasak-02-300ppi.pdf/14
Kaca puniki sampun kauji-wacén
