[ ᭑᭔ 14B]
᭑᭔᭞
ᬓᬾᬤᬸᬓᬾᬭᬶᬸᬳᬶᬸᬦ᭄ᬮᬯᬲ᭄᭞ᬓᬯᬶᬢᬦᬶᬧᬸᬦ᭄ᬲᬯ᭄ᬬᬓ᭄ᬢᬶ᭞ᬦᬸᬳᬸᬃᬭᬚᬩᬮᬶᬗ᭄ᬭᬶᬲ᭄ᬢ᭞ᬲᬲᬓᬾᬫᬯᬦ᭄ᬓ᭄ᬦᬶ᭞ᬳᬶᬩᬢᬸᬓ᭄ᬮ᭄ᬬᬂᬢᬸᬗ᭄ᬕᬶᬮ᭄ᬭᬶᬂᬧ᭄ᬭᬬᬢᬺᬳᬶᬧᬸᬦ᭄᭞ᬢᬸᬭᬸᬦᬦ᭄ᬩᬜ᭄ᬚᬃᬕᬲ᭄᭞ᬤ᭄ᬯ
ᬦᬶᬂᬧᬶᬦᬶᬄᬓᬚᬕ᭄ᬭᬳᬶᬦ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬳᬶᬧ᭄ᬭᬓᬗ᭄ᬕᭀᬦᬾᬤᬶᬓᭀᬧᬂ᭞ᬘ᭄ᬮᬂᬫᬤᬬᬳᬸᬧᬬ᭞ᬲᬓ᭄ᬱᬢ᭄ᬧᬢᬶᬄᬭᬶᬂᬫᬤᬳᬶᬦ᭄᭞ᬓᭀᬘᬧ᭄ᬭᬶᬂᬮᭀᬦ᭄ᬢᬃᬓᬯᬶᬢᬦ᭄᭞ᬧᬢᬶᬄᬩᬓ᭄ᬢᬓ᭄ᬗᭀ
ᬘᬾᬢ᭄ᬲᬫᬶ᭞ᬭᬯᭀᬲᬾ ᬧᬾᬦ᭄ᬢᭂᬃᬲᬗᬶᬤ᭄᭞ᬢ᭄ᬯᬭᬲᬸᬳᬸᬤ᭄ᬗᬤᬸᬳᬤᬸ᭞ᬫᬓ᭄ᬭᬡᬚᬕᬢ᭄ᬭᬸᬦ᭄ᬤᬄ᭞ᬳᬶᬧ᭄ᬭᬕᬗ᭄ᬕᭀᬓᭀᬧᬂᬯ᭄ᬬᬓ᭄ᬢᬶ᭞ᬫᬸᬮᬦᬶᬧᬸᬦ᭄ᬓᬢᬳᬦ᭄ᬲᬓᬶᬂᬭᬶᬳᬶᬦᬦ᭄᭟ᬭᬶᬂᬦᬕᬭᬲᬶᬲᬶᬧ᭄ᬢᭂ
ᬫᬦ᭄᭞ᬢ᭄ᬯᬭᬭᬚᬶᬦ᭄ᬫᬗ᭄ᬯᬶᬮᬗᬶᬦ᭄᭞ᬫᬦᬸᬤᬸᬓ᭄ᬳᬃᬣᬳᬲᬶᬮᬦ᭄᭞ᬭᬶᬂᬭᬾᬜ᭄ᬘᬗᬾᬳᬮᬶᬢ᭄ᬲᬫᬶ᭞ᬳᬓᬸᬤᬂᬫᬲᬓᬶᬗᬶᬦ᭄᭞ᬳᬸᬢᬗᬾᬲᬫ᭄ᬧᬸᬦ᭄ᬫᬘᬸᬘᬸᬮ᭄᭞ᬧᬶᬮᬶᬄᬢᭀᬂᬦᬯᬂᬳᬸᬫᬄ᭞
[ ᭑᭕ 15A]
ᬚᬦᬶᬫ᭄ᬗᬳᬦ᭄ᬤᬬᬩ᭄ᬘᬶᬓ᭄ᬫ᭄ᬫᬍᬲ᭄ᬳᬸᬓᬸᬫ᭄ᬓᬦᬕᬭᬧᬘᬂᬘᭀᬗᬄ᭟ᬳᬶᬧ᭄ᬭᬓᬗ᭄ᬕᭀᬩᬢᬸᬓ᭄ᬮ᭄ᬬᬂ᭞ᬤᬃᬣᬬᬂᬓᬤᬗᬶᬦ᭄ᬚᬸᬭᬂ᭞ᬫᬢᬶᬦᬾᬩᬳᬦ᭄ᬲᬜ᭄ᬚᬢ᭞ᬩᬯᬸᬢ᭄ᬓᬓᬓᭂᬫ᭄ᬩᬭᬶᬦ᭄᭞ᬫᬗᬚᬓ᭄ᬧᬦᬄᬫ
ᬢᬶ᭞ᬳᬶᬧ᭄ᬭᬓᬗ᭄ᬕᭀᬓᭀᬧᬂᬲᬫ᭄ᬧᬸᬦ᭄᭞ᬲᬶᬤ᭄ᬥᬫᬫ᭄ᬩᬳᬦ᭄ᬤᬬ᭞ᬮᭀᬮᭀᬲᬾᬓᬤᬗᬶᬦ᭄ᬚᬸᬭᬂ᭞ᬢ᭄ᬓᬗ᭄ᬮᬯᬸᬢ᭄ᬓᬩᬢᬸᬓ᭄ᬮ᭄ᬬᬂᬜᬭᬶᬢ᭟ᬯᬶᬸᬯᬶᬸᬫᬶᬯᬄᬢ᭄ᬓᬾᬦ᭄ᬳᬶᬓᬧᬮ᭞ᬤᬾᬰᬘᭀᬭᬄᬤᬗᬶᬦ᭄ᬚᬭᬶᬂ
᭞ᬳᬧᬂᬓᬧ᭄ᬭᬚᬦᬶᬧᬶᬲᬦ᭄᭞ᬫᬩ᭄ᬭᬶᬬᬸᬓ᭄ᬘᭀᬗᬄᬭᬾᬄᬚᬢᬶ᭞ᬦᬾ ᬓᬗ᭄ᬕᭀᬗᬧᬮᬳᬶᬦ᭄᭞ᬤᬶᬩᬢᬸᬓ᭄ᬮ᭄ᬬᬂᬬᬲᬫ᭄ᬧᬸᬦ᭄᭞ᬭᬸᬲᬓ᭄ᬫᬗᬚᬓ᭄ᬧᬦᬓ᭄᭞ᬓᬾᬢᭀᬩᬳᬦ᭄ᬜᬦ᭄ᬤᬂᬯᬳᬶᬦ᭄᭞
ᬯ᭄ᬓᬘᬸᬦᬸᬢ᭄ᬳᬶᬧ᭄ᬭᬓᬗ᭄ᬕᭀᬦᬾᬫᬓ᭄ᬚᬂ᭟ᬫᬗ᭄ᬕᬸᬕᭀᬦᬶᬦ᭄ᬧᬶᬲᬦ᭄ᬓ᭄ᬭᬸᬦ᭞ᬦᬾᬗᬤᬬᬂᬦᬾᬦᬾ ᬢᭀᬲᬶᬂᬧ᭄ᬭᬕᬢ᭄ᬭᬭᬲᬜᬲᬸᬩ᭞ᬲᬓᭀᬗ᭄ᬓᭀᬮ᭄ᬭᬶᬂᬩᬦ᭄ᬓᭀᬮ᭄ᬫᬳᬶᬮ᭄᭞ᬧᬘᬂᬜᬶ
Kaca:Bali-lontar-gaguritan-rusak-sasak-02-300ppi.pdf/15
Kaca puniki sampun kauji-wacén
