[᭓᭘ 38B]
᭓᭘
ᬳᬶ᭟ᬫᬮᬶᬄᬬᬾᬦᬶᬭᬶᬲ᭄ᬠᭂᬓ᭄ᬓᬵᬃᬬ᭄ᬬᬧᬢᬶᬃᬱᬦ᭄᭞ᬳᬶᬮᬾᬦᬶᬮᬾᬦ᭄ᬢᬦ᭄ᬫᬭᬶ᭞ᬩᬩ᭄ᬘᬶᬓᬶᬂᬕ᭄ᬬᬜᬭ᭄᭞ᬪᬝ᭠ᬭᬤᬍᬫ᭄ᬮᬾᬤᬂ᭞ᬦᭀᬦ᭄ᬢᭀᬦᬶᬮᬾᬦᬶᬮᬾᬦ᭄ᬩᭂᬘᬶᬓ᭄᭞ᬮᬾᬕᭀᬂᬦᬵᬕᬭ᭞ᬮᬦ᭄ᬧᬦ᭄ᬤᬾᬢ᭄ᬲᬸᬓᬯᬢᬶ᭟
ᬚᬯᬸᬓ᭄ᬩᬭᬶᬲ᭄ᬳᬶᬲᬗ᭄ᬕ᭄ᬭᬄᬓᬲᬸᬩ᭄ᬗᬯᬬᬂ᭞ᬓ᭞ᬕᬫ᭄ᬩᬸᬄᬧ᭄ᬮ᭄ᬬᬢᬦ᭄ᬓᬧᬸᬚᬶ᭞ᬫᬳᬗ᭄ᬓᭂᬧ᭄ᬓᬕ᭄ᬬᬜᬭ᭄᭞ᬤ᭄ᬯ᭠ᬮᬾᬩᬾᬂᬰᬩ᭄ᬤᬕᭀᬬ᭞ᬫᬧᬦᬲᬃᬦᬦᬂᬭᬸᬓ᭄ᬢᬶ᭞ᬭᬾᬄᬕᬸᬤᬶᬂᬲ᭄ᬯᬭ᭞ᬩᭀᬬᬯᬾᬦ᭄ᬢᭂᬦ᭄ᬜᬫᬾᬦᬶᬦ᭄᭟᭠
ᬫ᭄ᬩᬸᬄᬳᭂᬮᬸᬄᬓᬵᬘᬧ᭄ᬦᬶᬘᬶᬧᬾᬃᬦᬶᬩᬸᬮ᭞ᬭᬗ᭄ᬓᬾᬲᬭᬶᬫᬳᬶᬭᬰ᭄ᬫᬶᬦ᭄᭞ᬚᭂᬕᬾᬕᬾᬫᬗᬬᬂ᭞ᬓᬫᬸᬮ᭠ᬦ᭄ᬮᬾᬕᭀᬂᬕ᭄ᬬᬜᬭ᭄᭞ᬩᬶᬲᬫᬗ᭄ᬜᬕᬗ᭄ᬳᬢᬶ᭞ᬲᬧᬭᬫᬾᬦᬓ᭄᭞ᬫᬘ᭄ᬧᭀᬮ᭄ᬭᬲᬫᬵᬢᬶ᭟ᬕᬕ᭄ᬭᬾᬧᬾ᭠
ᬗᬦ᭄ᬩᬶᬮᬶᬄᬫ᭄ᬢᬸᬲ᭄ᬫᬭᬢᬸᬭ᭞ᬓᬯᭂᬗᬦ᭄ᬲᬂᬫᬩᬮᬶᬄ᭞ᬩᬢᬸᬄᬫᬓ᭄ᬢᬧᬃᬯ᭄ᬯ᭞ᬚᬦ᭄ᬫᬓᬢᬾᬳᬶᬕᭂᬮᬂ᭞ᬦᭂᬫ᭄ᬩᬾᬳᬦᬓᬾᬫᬗ᭄ᬕᬶᬳᬶᬦ᭄᭞ᬚᬦ᭄ᬫᬧᬢᬓ᭞ᬫᬭᬹᬧᬓᭂᬫ᭄ᬩᬃᬓᬵᬮᬶᬄ᭟ᬓᬾᬄᬬᬦ᭄ᬢᬸᬢᬸᬭᬶᬩᬩᭂᬘᬶ᭠
[᭓᭙ 39A]
ᬓ᭄ᬲᬓᬾᬂᬕ᭄ᬬᬜᬭ᭄᭞ᬢᬦ᭄ᬜᬦ᭄ᬤᬗᬸᬘᬧ᭄ᬫᬮᬶᬄ᭞ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬲᬂᬫᬕᭂᬦᬄᬭᬶᬂᬕ᭄ᬬᬜᬭ᭄᭞ᬧ᭄ᬭ᭠ᬓᬗ᭄ᬕᬾᬯᬺᬩ᭄ᬓᭂᬮ᭄ᬭᬶᬳᬶᬦ᭄᭞ᬯᬮᬸᬬᬳᬬᬫᬫ᭄᭞ᬳᬶᬦᬦ᭄ᬜᬫᬗᬯᭀᬦᬶᬦ᭄᭟ᬧᬩᬭᬶᬬᬓ᭄ᬓᬶᬚᬮᬓᬸᬫ
ᬲᬬᬸᬩᬦ᭄᭞ᬤᬾᬦᬶᬂᬓᬶᬮᬗᬦ᭄ᬕᬸᬲ᭄ᬢᬶ᭞ᬳᬶᬤᬤᬾᬯᬗᬸᬭᬄ᭞ᬢ᭄ᬮᬶᬓᬸᬧ᭄ᬓᬭᬶᬭᬶᬂᬕ᭄ᬬᬜᬭ᭄᭞ᬗᬫᭂᬮᬂᬲᬤᬕᬶᬂᬧᬸᬭᬷ᭞ᬤᬾᬯᬩ᭄ᬬᬂᬘᬦᬂ᭞ᬲᬋᬂᬫᬓᬧᬗ᭄ᬮᬶᬗ᭄ᬲᬶᬭ᭄᭟ᬤᬾᬯᬗᬸᬭᬄᬢᬸᬮᬶᬓᬸᬧ᭄ᬫᬧᬭᬄᬧᬭᬄ᭞ᬧᬸᬢ᭄ᬭᬦᬶ
ᬤᬓᬓᬮᬶᬄ᭞ᬤᬾᬯᬕ᭄ᬠᬾᬲ᭄ᬦᭂᬢᬦ᭄᭞ᬤᬾᬯᬕ᭄ᬠᬾᬭᬳᬶᬫᬶᬯᬄ᭞ᬭᬶᬢ᭄ᬮᬶᬓᬸᬧ᭄ᬓᬭᬶᬫᬮᬶᬗ᭄ᬕᬶᬄ᭞ᬗᬸᬓᬸᬳᬶᬦ᭄ᬧᬸᬭ᭞ᬓᬓ᭄ᬮᬸᬗ᭄ᬓᬸᬂᬲᬋᬂᬦᬗ᭄ᬓᬶᬮ᭄᭟ᬓᬗ᭄ᬕᬾᬦ᭄ᬧᬦ᭄ᬯᬳᬦ᭄ᬢᬸᬓ᭄ᬲᬧᬺᬩ᭄ᬓᭂᬮ᭄ᬕ᭄ᬬᬜᬭ᭄᭞ᬲᬂᬓᬭᬶᬰᬾᬱᬦ᭄ᬲᬶᬲ᭠
ᬧ᭄᭞ᬭᬶᬂᬚ᭄ᬭᭀᬓᬸᬢᬕ᭄ᬬᬜᬭ᭄᭞ᬕᬸᬲ᭄ᬢᬶᬓ᭄ᬢᬸᬢ᭄ᬕᭂᬢᬲᬦ᭄᭞ᬓᬮᬶᬳᬶᬤᬓᭀᬫ᭄ᬧ᭄ᬬᬂᬩᬚᬶᬂ᭞ᬳᬶᬤᬾᬯᬫᬶ᭠ᬢ᭄ᬬ᭞ᬤ᭄ᬯᬜᭀᬫ᭄ᬢᬭᬸᬩ᭄ᬫᬮᬶᬄ᭟ᬤᬾᬯᬲᬶᬢᭂᬩ᭄ᬤᬾᬯᬦᬓ᭄ᬱᬤ᭄ᬯᬬᬦ᭄ᬮᬦ᭄ᬢᬭ᭄᭞ᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄ᬫ
Kaca:Bali-lontar-gaguritan-rusak-gianyar-02-300ppi.pdf/39
Kaca puniki sampun kauji-wacén
