[᭓᭗ 37B]
᭓᭗
ᬤᬤᬍᬫ᭄ᬫᬮᬗ᭄ᬲᬶᬗᬦ᭄᭞ᬲᬲᬸᬓᬢ᭄ᬓᬤᬶᬫᬗ᭄ᬓᬶᬦ᭄᭞ᬗᬫᬜ᭄ᬚᬓᬂᬕ᭄ᬬᬜᬭ᭄᭞ᬯ᭄ᬬᬓ᭄ᬢᬶᬳᬶᬤᬲᬓᬫ᭞ᬢᬸ᭠ᬮ᭄ᬬᬲᬂᬳ᭄ᬬᬂᬰᬶᬯᬕ᭄ᬦᬶ᭞ᬳᬶᬗᬬᬧᬬᬧ᭄᭞ᬯᬢᭂᬓ᭄ᬕᬡ᭄ᬠᬃᬯ᭄ᬯᬧᬢᬶ᭟ᬧ᭄ᬭᬕᬸᬂᬫᬗ᭄ᬯᬶᬧᬸᬗ᭄ᬕᬯᬩᬤᬸᬂᬢᬩᬦᬦ᭄᭞᭠
ᬜᬩ᭄ᬭᬦ᭄ᬓᬓ᭄ᬮᬸᬗ᭄ᬓᬸᬂᬢᬗ᭄ᬓᬶᬮ᭄᭞ᬳᬸᬢᬸᬲᬦ᭄ᬢᬦ᭄ᬢᬸᬦ᭞ᬭᬢᬸᬩᬗ᭄ᬮᬶᬢᬦ᭄ᬧᭂᬕᬢ᭄᭞ᬓ᭄ᬭᬗᬲᭂᬫ᭄ᬗᭂᬕᭂᬃᬤᬶᬧᬸᬭᬷ᭞ᬲᭀᬓ᭄ᬫᬧᬸᬢᬸᬲᬦ᭄᭞ᬧᬸᬗ᭄ᬕᬯᬭᬯᬸᬄᬢᬗ᭄ᬓᬶᬮ᭄᭟ᬢᬍᬃᬤᬾᬭᬾᬂᬤᬸᬦ᭄ᬬᬦᬾᬓᬤᬶᬭᬶᬂᬓᬸᬦ᭞ᬤᬯᭂᬕ᭄ᬮᬶᬗ᭄ᬕᬃ᭠
ᬋᬧᬸᬭᬷ᭞ᬭᬾᬳᬶᬲᬶᬗ᭄ᬳᬵᬭᬵᬚ᭞ᬓᬦ᭄ᬢᬸᬦ᭄ᬕᬫᭂᬮ᭄ᬩᬮᬦ᭄ᬤ᭞ᬦᬾᬦ᭄ᬢᭂᬦ᭄ᬜᬶᬤᬬᬗ᭄ᬭᬯᭀᬲᬶᬦ᭄᭞ᬫᬓᬤᬶᬕ᭄ᬬᬜᬭ᭄᭞ᬪᬓ᭄ᬢᬶᬫᬧ᭄ᬯᬭᬲᬶᬲᬶᬧ᭄᭟ᬧ᭄ᬭᬕᬸᬂᬕ᭄ᬬᬜᬃᬫᬓᬤᬶᬧᬭᬧᬸᬗ᭄ᬕᬯ᭞ᬜᬩ᭄ᬭᬦ᭄ᬓᬓ᭄ᬮᬸᬗ᭄ᬓᬸᬂᬢᬗ᭄ᬓᬶᬮ᭄᭞
ᬜᬯᬓᬬᬂᬭᬕ᭞ᬯᬮᬸᬬᬓᬤᬶᬓᬸᬦ᭞ᬤᬯᭂᬕ᭄ᬭᬶᬂᬮᬶᬗ᭄ᬕᬵᬃᬱᬧᬸᬭᬷ᭞ᬧᬜ᭄ᬦᭂᬗᬶᬤ᭞ᬤᬍᬫ᭄ᬩᭂᬓᬸᬂᬦᬾ᭠ᬗᬸᬦᬶ᭟ᬘᭀᬭᭀᬓ᭄ᬘᬶᬦᭀᬭᬵᬓ᭄ᬯᬢᭂᬓ᭄ᬧᬭᬧᬸᬗ᭄ᬕᬯ᭞ᬧᬶᬲᬸᬓᬦᬾᬩᬦ᭄ᬫᬭᬶ᭞ᬜᬾᬦ᭄ᬫᬢᬸᬃᬤᬸᬫᬸᬦᬦ᭄᭞ᬧᬸ
[᭓᭘ 38A]
ᬦᬶᬓᬮᬶᬗ᭄ᬕᬶᬭᬦ᭄᭞ᬚᭂᬚᭂᬄᬧᬜ᭄ᬚᬓᬾᬢᬦ᭄ᬲᬶᬧᬶ᭞ᬭᬾᬄᬲᬂᬫᬯᬂᬦᬢ᭄᭞ᬲᬃᬢᬹᬃᬧᬭᬶᬓ᭄ᬱᬫᬭᬶ᭟ᬢᬸᬭᬶᬦ᭄ᬤᬍᬫ᭄ᬳᬭᬂᬫᬶᬲᬦᬶᬤᬫ᭄ᬤᬮ᭄᭞ᬲ᭄ᬭᬶᬗᬦ᭄ᬢᬩ᭄ᬓᬶᬮ᭄ᬭᬶᬂᬧᬸᬭᬷ᭞ᬢᬸᬗ᭄ᬓᬸᬮ᭄ᬫᬮᬗ᭄ᬲᬶᬗᬦ᭄᭞ᬧᬸᬢ᭄ᬭᬧᬗᬋᬧ᭄ᬤ᭠
ᬤ᭄ᬯ᭞ᬤ᭄ᬯᬕᬸᬂᬕ᭄ᬠᬾᬤ᭄ᬯᬕᬸᬗᬮᬶᬢ᭄᭞ᬧᬦᬯᬶᬂᬳᬶᬤ᭞ᬓᬾᬄᬯᬾᬦ᭄ᬢᭂᬦ᭄ᬮᬦᬂᬳᬶᬲ᭄ᬢ᭄ᬭᬷ᭟ᬤ᭄ᬯᬕᬸᬂᬕ᭄ᬠᬾᬢᬍᬃᬳᬶᬤᬫᬮᬗ᭄ᬲᬶᬗᬦ᭄᭞ᬫᬓᬤᬶᬤ᭄ᬯᬕᬸᬗᬮᬶᬢ᭄᭞ᬳᬫᬹᬃᬓᬦ᭄ᬬᬓ᭞ᬫᬫᭀᬢᬵᬄᬫᬲᬚ᭄ᬗᬦ᭄᭞ᬓᭀᬘᬧ᭄ᬢᬦ᭄ᬫᬧᬶᬮᬶᬳᬶ
ᬲ᭄ᬢ᭄ᬭᬷ᭞ᬗᬸᬮᬸᬭᬶᬦ᭄ᬮᬾᬦᬂ᭞ᬩᭀᬬᬯᬾᬦ᭄ᬢᭂᬦ᭄ᬜᬦ᭄ᬢᬸᬮᬶᬦ᭄᭟ᬤᬸᬓ᭄ᬧᬸᬦᬶᬓᬫᬢᬫ᭄ᬩᭂᬄᬭᬵᬫ᭄ᬬᬦᬶᬂᬚᬕᬢ᭄᭞ᬧ᭄ᬭᬕᬸᬂᬓ᭄ᬮᬸᬗ᭄ᬓᬸᬂᬲᬫᬶ᭞ᬪᬹᬱᬡᬦᬾᬩᬸᬗᬄ᭞ᬫ᭄ᬯᬂᬩ᭄ᬭᬳ᭄ᬫᬵᬩᬧᬶᬤᬤ᭞ᬩᬕᬸᬲ᭄ᬕᭂᬥᬾᬩᬕᬸᬲ᭄ᬭᬳᬶ᭞ᬕᬸᬲ᭄ᬢᬶᬫᬶᬬᬦ᭞
ᬕᬸᬲ᭄ᬢᬶᬓ᭄ᬤᬧᭂᬤ᭄ᬤᬾᬍᬫᬶᬦ᭄᭟ᬫᬓᬲᬗᬸᬢ᭄ᬳᬶᬧᬸᬦᬶᬧᬕᭂᬄᬭᬶᬂᬍᬩᬄ᭞ᬗᬫᭀᬂᬳᬶᬩᬤᬸᬂᬧᬜ᭄ᬚᬶ᭞ᬓᬢᬄᬬᬦ᭄ᬢᬸᬢᬸᬭᬂ᭞ᬳᬶᬦ᭄ᬤᬶᬓ᭄ᬫᬮᬶᬂᬫᬕᬸᬡ᭞ᬫᬸᬮᬓᬲᬸᬩᬸᬮᬶᬗᬹᬦᬶ᭞ᬳᬾᬫᬦᬾᬫᬦᬦ᭄᭞ᬪᬝᬭᬤ᭄ᬯᬕᬸᬂᬭ᭠
Kaca:Bali-lontar-gaguritan-rusak-gianyar-02-300ppi.pdf/38
Kaca puniki sampun kauji-wacén
