[᭓᭔ 34B]
᭓᭔
ᬦ᭄᭞ᬬᬦ᭄ᬓᬓᭂᬦᭂᬄᬩᬦ᭄ᬩᭂᬮᬶ᭞ᬧᬢᬹᬢ᭄ᬪᬝᬭᬤᬾᬯᬕᬸᬂ᭞ᬢᬦ᭄ᬩᬶᬦᬦᬗᬸᬦ᭄ᬲᬗ᭄ᬕᬄᬢ᭄ᬯᬭᬳᬶᬗᭂᬢ᭄ᬫᬫᬦ᭄ᬢᭂᬦᬶ᭠ᬦ᭄᭞ᬘᬦᬂᬳᭂᬢᬸᬄ᭞ᬢᬦᬸᬭᬸᬂᬗᬦ᭄ᬗᬭᬸᬩᬾᬤ᭟ᬳᬸᬮᬶᬳᬶᬮᬸᬩᬦ᭄ᬗᬾᬲ᭄ᬢᬶᬬᬂ᭞ᬫᬸᬗ᭄ᬓᬸᬲᬂᬲᬕᬸᬫᬶᬩᬮᬶ᭞ᬕ᭄ᬬᬜᬭᬾᬫ᭄ᬮ
ᬢ᭄ᬤᬶᬢ᭄ᬗᬄ᭞ᬳᬯᬦᬦ᭄ᬢᭀᬂᬲᬶᬤᬕᬶᬮᬶᬓ᭄᭞ᬕ᭄ᬬᬜᬭᬾᬫᬸᬮᬧ᭄ᬮᬶᬄ᭞ᬫᬓ᭄ᬮᭀᬳᭂᬫ᭄ᬧᭂᬢ᭄ᬓᬓ᭄ᬮᬸᬗ᭄ᬓᬸᬂ᭞ᬢᬸᬃᬫᬾᬜ᭄ᬚᬸᬮᬶᬦ᭄ᬳᬸᬢᬸᬲᬦ᭄᭞ᬤᬸᬕᬲᬶᬤᬩᬕᬸᬲ᭄ᬯᬢᬶ᭞ᬳᬚᬓ᭄ᬮᬶᬬᬸ᭞ᬓᬳᬸᬢᬸᬲ᭄ᬗᭂᬫ᭄ᬩᬓᬂᬚᬕᬢ᭄᭟ᬚ᭄ᬗᬄᬩᬸᬤᬮ᭄ᬗᬸᬲᬧ᭄ᬢᬗᬦ᭄᭞ᬩᬳ᭠
ᬕ᭄ᬩᬶᬳᬶᬂᬩᬸᬓᬮᬦ᭄ᬢᬶᬕ᭄᭞ᬲᬗ᭄ᬓᬦᬶᬂᬧᬗᬶᬦ᭄ᬤ᭄ᬭᬚᬮ᭞ᬫᬥᬾᬧᬲᭂᬓ᭄ᬲᬕᬾᬢ᭄ᬚᬳᬶᬮ᭄᭞ᬗᬤᭀᬯᬂᬳᬦᬓ᭄ᬳᬶᬲ᭄ᬢ᭄ᬭᬷ᭞ᬢᬢᬕᭀᬦᬶᬤᬤᬾᬯᬕᬸᬂ᭞ᬫᬡᬶᬓᬶᬧᬸᬭᬷᬕ᭄ᬬᬜᬭ᭄᭞ᬓᬳᬫ᭄ᬩᬶᬮ᭄ᬓᬲᬸᬓᬯᬢᬶ᭞ᬲᬗ᭄ᬓᬦ᭄ᬩᭂᬦ᭄ᬤᬸ᭞ᬤᬾᬯᬕᬸᬗᬶᬤ
ᬓᬾᬭᬦᬦ᭄᭟ᬲᬳᬸᬭᬶᬧᬸᬦ᭄ᬦᬂᬲᬫ᭄ᬧᬮᬦ᭄᭞ᬲᬚᬓᬾᬢᭀᬢ᭄ᬯᬭᬧ᭄ᬮᬶᬄ᭞ᬧᬦ᭄ᬲᬂᬭᬢᬸᬜᬢ᭄ᬭᬾᬂᬲᬭᬵᬢ᭄᭞ᬧᬗᭂᬲ᭄ᬢᬸᬦ᭄ᬲᬃᬯ᭄ᬯᬯᬾᬘᬶ᭞ᬫᬕᭂᬳᬂᬚᬰᬰᬡᬮ᭄ᬯᬶᬄ᭞ᬳᬧᬂᬕᬸᬫᬶᬦᬾᬭᬢᬸᬳᬬᬸ᭞ᬦᬗ᭄ᬳᬶᬗᬶᬲᬶᬗ᭄ᬳᬵᬭᬵᬚ᭞ᬤᬤᬶᬢᭀᬂ
[᭓᭕ 35A]
ᬩᬓᬢ᭄ᬭᬯᭀᬲᬶᬦ᭄᭞ᬜᬭᬸᬜᬭᬸ᭞ᬫᬓ᭄ᬮᭀᬕᭂᬮᬳᬂᬩ᭄ᬮᬦ᭄ᬤ᭟ᬲᬓᬭᬶᬂᬤᬾᬯᬕᬸᬂᬳᬶᬃᬱ᭄ᬬ᭞ᬳᬋᬧᬾᬓᬕ᭄ᬬᬜᬃᬚᬢᬶ᭞ᬓᬯᬶᬤᬯᬦᬾᬩᬲ᭄ᬮᬶᬯᬢ᭄᭞ᬳᬧᬦ᭄ᬫᬲᬶᬄᬤᬍᬫ᭄ᬚᬢᬶ᭞ᬢᭂᬋᬄᬤᬍᬫ᭄ᬲᬕᬦᬶᬂ᭞ᬘᬳᬶ᭠
ᬩ᭄ᬮᬶᬦᬶᬹᬤᬦ᭄ᬤᬾᬦᬶᬚᬸ᭞ᬫ᭄ᬮᬄᬧ᭄ᬮᬧᬦᬶᬦ᭄ᬗᭀᬫᭀᬂ᭞ᬳᬧᬗ᭄ᬤᬫᬓ᭄ᬭᬡᬧ᭄ᬮᬶᬄ᭞ᬕᬸᬫᬶᬩᬶᬬᬸᬭ᭄᭞ᬚ᭄ᬦᭂᬂᬲᬶᬧ᭄ᬢᬦ᭄ᬤᬸᬃᬫ᭄ᬫ᭠ᬗ᭄ᬕᬮ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬢᬦᬶᬦᬸᬘᬧᬦᬓᬾᬳᬕᬸᬂᬭᬶᬂᬲᬢ᭄ᬭ᭄ᬬ᭞ᬳᬶᬭᬶᬗᬦ᭄ᬓᬾᬄᬦᬶᬗ᭄ᬕᬮᬶᬦ᭄᭞
ᬫᬗᭂᬮᬶᬤᬗᬯᬓ᭄᭞ᬫᬗᬮᬶᬄᬧᬲᬬᬸᬩᬦ᭄᭞ᬓᬧᬸᬭᬷᬗᬢᬸᬭᬂᬪᬓ᭄ᬢᬶ᭞ᬭᬶᬂᬮᬶᬗ᭄ᬕᬦᬶᬤ᭞ᬲᬂᬓᬲᬸᬂᬲᬸᬂ᭠ᬗᬾᬂᬩᬮᬶ᭟ᬫᬲ᭄ᬮᬶᬯᭂᬭᬦ᭄ᬧᬥᬫᬗᬸᬗ᭄ᬲᬶᬯ᭄ᬓᬲᬦ᭄᭞ᬭᬶᬂᬲᬂᬓᬲᬸᬩᬾᬂᬧᬸᬭᬷ᭞ᬗᬢᬸᬭᬂᬮᬦ᭄ᬤᬬᬦ᭄᭞ᬕ
ᬭᬦ᭄ᬢᬶᬫ᭄ᬮᭀᬘᬾᬂᬫᬢᬢᬄ᭞ᬲᬸᬓᬲᬂᬯᬶᬦ᭄ᬓᬲ᭄ᬦᬫ᭄ᬧᬶ᭞ᬫᬮᬶᬄᬭᬶᬂᬲᬢ᭄ᬭ᭄ᬬ᭞ᬲᬂᬓᬭᬶᬫᬗ᭄ᬕᭂᬄᬪᬓ᭄ᬢᬶ᭟ᬳᬓᬾᬄ
Kaca:Bali-lontar-gaguritan-rusak-gianyar-02-300ppi.pdf/35
Kaca puniki sampun kauji-wacén
