[᭓᭕ 35B]
᭓᭕
ᬯᬾᬦ᭄ᬓᬦᬓᬭᬦ᭄ᬤᬳᬶᬦ᭄᭞ᬓᬭᬵᬚᬩᬬᬄᬮᬾᬦ᭄ᬓᬢᬾᬩᭀᬧ᭄ᬭᬫᬗ᭄ᬓᬶᬦ᭄᭟ᬧ᭄ᬬᬦᬓ᭄ᬲᬵᬫᬄᬫᬜ᭄ᬚᬶᬂᬓᬢᬸᬃᬓᬚ᭄ᬭᭀᬧᬸᬭ᭞ᬮᬫᬓᬦ᭄ᬓᬲᬫ᭄ᬧᭀᬮᬶᬄ᭞ᬤᬤᭀᬲ᭄ᬤᬕᬶᬂᬧᬭ᭞ᬫᬫᬋᬓᬦ᭄ᬗᬯᬸᬮ᭞ᬧᬸᬦᬶᬓᬯᬦ᭄ᬢᬄᬧᬶ᭠
ᬦᬸᬚᬿ᭞ᬭᬶᬂᬧᬓᬬᬸᬦᬦ᭄᭞ᬳᬗ᭄ᬕᬾᬦ᭄ᬗᭂᬩ᭄ᬓᬶᬦ᭄ᬧᬸᬭᬷ᭟ᬭᬾᬄᬪᬝᬭᬤᬍᬫ᭄ᬢᬦ᭄ᬯᬾᬦ᭄ᬳᬸᬧᬾᬓ᭄ᬱ᭞ᬳᬲᬶᬗᬢᬸᬃ᭠ᬮᬶᬗ᭄ᬕᬶᬳᬶᬦ᭄᭞ᬲᬗ᭄ᬓᬦ᭄ᬮᬶᬬᬸᬲᬮᬄ᭞ᬫᬵᬢᬶᬩᬳᬓ᭄ᬧᬶᬱᬸᬦ᭞ᬚᭂᬚᭂᬮ᭄ᬧᬜ᭄ᬚᬓᬾᬢᬦ᭄ᬲᬶᬧᬶ᭞ᬭᬶᬂᬓᭀᬢᬕ᭄ᬬᬜᬭ᭄᭞
ᬲᬓᬢᬳᬕᬸᬗᬮᬶᬢ᭄᭟ᬲᬧ᭄ᬭᬫᬦᬾᬓ᭄ᬓ᭄ᬮᬸᬗ᭄ᬓᬸᬂᬫᬳᬾᬩᬸᬳᬾᬩᬸᬳᬦ᭄᭞ᬮ᭄ᬯᬶᬃᬪᬸᬢᬳᬦᭀᬫ᭄ᬤᬕᬶᬂ᭞ᬫᬫᭂᬜ᭄ᬘᬭᬂᬤᬬ᭞ᬩ᭄ᬯᬢᬶᬂᬧᬗᬶᬦ᭄ᬤ᭄ᬭᬚᬮ᭞ᬫᬗ᭄ᬤᬲᬶᬤᬫᬧᬶᬓᭀᬮᬶᬄ᭞ᬧᬦ᭄ᬲᬩᬾᬂᬧᬸᬭ᭞ᬫᬸᬜᬶᬫᬦᬶᬲ᭄ᬫᬦᭂ᭠
ᬲᬶᬦ᭄᭟ᬯᬾᬦ᭄ᬢᭂᬦ᭄ᬋᬓᬾᬕᬸᬫᬦ᭄ᬢᬶᬫᬸᬜᬳᬸᬜᬬᬦ᭄᭞ᬭᬶᬢᬢ᭄ᬓᬵᬮᬓᬧᬗ᭄ᬕᬶᬄ᭞ᬲ᭄ᬟᭂᬓᬦ᭄ᬭᬶᬂᬕ᭄ᬬᬜᬭ᭄᭞ᬗᬾᬜᭀᬃᬫᬓᬶᬢᬲᬶᬗ᭄ᬕᬄ᭞ᬗᬶᬤᬶᬄᬲᬶᬬᬧ᭄ᬗᬶᬤᬶᬄᬦᬲᬶ᭞ᬋᬫᬸᬓ᭄ᬩᬦᭀᬃᬣ᭞ᬗᭀᬭᬳᬂᬲᬩᬾᬂᬧᬸᬭᬷ᭟ᬲᬵ
[᭓᭖ 36A]
ᬫ᭄ᬧᬸᬦ᭄ᬚᬦ᭄ᬢᭂᬦ᭄ᬓᬤᬶᬤᬾᬯᬕ᭄ᬠᬾᬲᬶᬗ᭄ᬕᬳᬦ᭄᭞ᬲᬓᬾᬂᬕᬾᬮ᭄ᬕᬾᬮ᭄ᬧ᭄ᬭᬤᬾᬰᬶ᭞ᬲ᭄ᬫᬸᬓᬧᬶᬢᬺᬱ᭄ᬡᬦ᭄᭞ᬜᬶᬤᬶᬸ᭠ᬗᬶᬤ᭄ᬫᬗᬩᬳᭀᬃᬢ᭞ᬓᭀᬘᬧ᭄ᬧᬥᬂᬓᬩᬸᬲ᭄ᬩᬸᬲᬶᬦ᭄᭞ᬤᬶᬦᬦᬾᬩᬾᬜ᭄ᬚᬂ᭞ᬕ᭄ᬠᬾᬧᬲᭂᬓ᭄ᬮᬓᬃᬲᬶᬲᬶᬧ᭄᭟ᬲᬤᬲᭂ
ᬤᭂᬕ᭄ᬫᬫᬸᬜᬶᬗᬓᬸᬫᬩ᭄ᬭᬬ᭞ᬓᬤᬸᬢᬦᬾᬓᬢᬕᬶᬄ᭞ᬮᬓᬃᬓᬲᬶᬂᬲᬾᬓᬂ᭞ᬯ᭄ᬓᬲ᭄ᬬᬦ᭄ᬓᬲᬫ᭄ᬧᬸᬭ᭞ᬧᬘᬂᬓᬩᬸᬤᬮᬂᬫᬮᬶᬄ᭞ᬳᬶᬕ᭄ᬥᬾᬢᬦ᭄ᬧᬜ᭄ᬚᬂ᭞ᬮᬲ᭄ᬬᬫᬲᭂᬭᬄᬭᬭᬶᬲ᭄᭟ᬧᬾᬮᬾᬢ᭄ᬢᭀᬕᭀᬕ᭄ᬓ᭄ᬭᬶᬲ᭄ᬫᬓᬦ᭄ᬤᭂᬮ᭠
ᬦ᭄ᬳᭂᬫᬲ᭄᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬓᬢᬸᬦ᭄ᬤᬸᬂᬓᬦᬸᬱ᭞ᬲᬲᬸᬯᬾᬦᬾᬭᬶᬂᬦᬸᬱ᭞ᬢ᭄ᬯᬭᬳᬶᬗᭂᬢ᭄ᬫᬫᬧᬾ᭠ᬢᬶᬦ᭄᭞ᬚᬶᬦᬳᬩᬶᬤᬂ᭞ᬫᬸᬲ᭄ᬩᬸᬲᬶᬦ᭄ᬲᬓᬶᬂᬲᬶᬮᬶᬩ᭄᭟ᬩᬲ᭄ᬤ᭄ᬭᭀᬯᬓᬢᬦ᭄ᬩᬶᬦᬓᬤᬶᬲᬂᬪᬓ᭞ᬓᭀᬘᬧ᭄ᬲᬂ᭠
ᬓᬲᬶᬂᬲᬶᬲᬶᬧ᭄᭞ᬓᬢᬸᬦ᭄ᬤᬸᬂᬓᬦᬸᬱ᭞ᬲᬧᬲ᭄ᬓᬾᬭᬶᬂᬕ᭄ᬬᬜᬭ᭄᭞ᬭᬯᬸᬄᬓᬓᬸᬭᬫᬲ᭄ᬲᬫᬶ᭞ᬢ᭄ᬕᬮ᭄ᬫᭂᬤᬳ᭠ᬦ᭄᭞ᬩᬜ᭄ᬚᬭᬗ᭄ᬓᬦ᭄ᬤᬾᬕᬶ᭟ᬯᬬᬦ᭄ᬕᭂᬤᬾᬲᬋᬂᬳᬶᬓ᭄ᬢᬸᬢ᭄ᬲᭂᬓᬭ᭄᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬫᬮᬶᬄ᭞ᬫ᭄ᬯᬗᬶᬯᬬᬦ᭄ᬳᬜ᭄ᬘ
Kaca:Bali-lontar-gaguritan-rusak-gianyar-02-300ppi.pdf/36
Kaca puniki sampun kauji-wacén
