[᭒᭙ 29B]
᭒᭙
ᬓᬾᬯᬦ᭄ᬢᭂᬦ᭄ᬦᬸᬦᬲ᭄ᬯᭂᬓᬲᬦ᭄᭟ᬲᬵᬫ᭄ᬧᬸᬦ᭄ᬧᭀᬮᬶᬄᬧᬫᬋᬓᬦ᭄᭞ᬧᬗ᭄ᬭᬯᭀᬲᬾᬫᬤᬸᬫ᭄ᬧᬶᬮᬶᬄ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬓᬲᬫ᭄ᬧᭂᬢᬦ᭄᭞ᬓᬾᬯᬦ᭄ᬢᭂᬦ᭄ᬓᬭᬶᬗᭂᬲᬾᬗᬶᬦ᭄᭞ᬭᬢᬸᬦᬾᬭᬶᬂᬫᬗ᭄ᬯᬶ
᭞ᬤᬾᬦᬶᬂᬢᬦ᭄ᬩᬶᬦᬭᬶᬂᬩᬥᬸᬂ᭞ᬧᬶᬦᬓᬩᬳᬸᬥᬡ᭄ᬥ᭞ᬧᬫᬭᬧᬶᬢ᭄ᬓᬦᬦ᭄ᬓᬾᬭᬶ᭞ᬦᬾᬓᬲᬸᬫ᭄ᬩᬸᬂ᭞ᬫᬳᬵᬓᬵᬮᬦ᭄ᬡ᭄ᬥᬶᬰ᭄ᬰ᭄ᬯᬭ᭟ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬫᬥᬾᬳᬕᬸᬂᬢᭀᬲ᭄ᬧ᭄ᬭᬚᬸᬭᬶ
ᬢ᭄᭞ᬳᬗ᭄ᬳᬶᬂᬬᬸᬱᬓᬭᬶᬳᬦᭀᬫ᭄᭞ᬲᬵᬫ᭄ᬧᬸᬦ᭄ᬳᬪᬶᬱᬾᬓᬧᬢᬶᬄ᭞ᬘᬶᬢ᭄ᬭᬗ᭄ᬕᬤᬦ᭄ᬤᬸᬫᬤᬶ᭞ᬓᬦᬸᬕ᭄ᬭᬳᬦ᭄ᬫ᭄ᬧᬓᬧ᭄ᬭᬪᬸᬦ᭄᭞ᬦᬸᬭᬕᬩᬳᬸᬫᬶᬢᬺ᭞ᬓᬵᬮᬗᬦ᭄ᬗᬫ᭄ᬩᬶᬮ᭄ᬧᬯᬾᬲ᭄ᬢ᭄ᬭᬷ
᭞ᬤᬸᬭᬸᬂᬧᬸᬧᬸᬢ᭄᭞ᬧᬧᬮᬶᬦᬶᬂᬧᬯᬭᬗᬦ᭄᭟ᬭᬭᬶᬲ᭄ᬕᭂᬮᬶᬤ᭄ᬫᬧᭀᬢᬸᬲᬦ᭄᭞ᬫᬜ᭄ᬘᬳᬕᬸᬂᬓᬮᬶᬄᬲᬶᬓᬶ᭞ᬧᬘᬂᬦᬸᬦᬲ᭄ᬧᬗᬵᬫ᭄ᬧᬸᬭ᭞ᬧᬺᬦᬄᬲᬫ᭄ᬢᭀᬦ᭄ᬲᬲᬶᬓᬶ᭞ᬮ᭄ᬬᬸᬭᬵᬚ᭠
[᭓᭐ 30A]
ᬭᬶᬂᬫᬗ᭄ᬯᬶᬧᬸᬭᬸᬱᬲ᭄ᬭᬶᬂᬓᬋᬩᬸᬢ᭄᭞ᬳᬦᬓ᭄ᬳᬕᬸᬂᬫᬥᬾᬭᬓ᭞ᬯᬦ᭄ᬢᬄᬫᬶᬲᬥ᭄ᬬᬫᬓᬾᬃᬢ᭄ᬢᬶ᭞ᬲᬗ᭄ᬓᬦ᭄ᬳᬕᬸᬂ᭞ᬓᬳᬸᬗ᭄ᬕᬸᬄᬫᬜ᭄ᬘᬉᬢ᭄ᬢᬫ᭟ᬗᬫᬃᬕ᭄ᬕᬬᬂᬓᬲᬢ᭄ᬭᬶᬬᬦ᭄᭞ᬫᬫᬹᬚᬭᬶᬂᬲᬂ᭠
ᬳ᭄ᬬᬂᬯᬶᬥᬷ᭞ᬫᬫᬕᭂᬳᬂᬰᬶᬮᬓ᭄ᬭᬫ᭞ᬕ᭄ᬫᭂᬲ᭄ᬭᬶᬂᬳᬫᬢᬶᬫᬢᬶ᭞ᬫᬜᬚᬬᬂᬗᬮᬶᬦ᭄ᬢᬶᬓ᭄᭞᭠ᬜᬸᬍᬤ᭄ᬩᬳᬦ᭄ᬩ᭄ᬲᬶᬓ᭄ᬩᬸᬲ᭄᭞ᬫᬦᬸᬯᬾᬲ᭄ᬫᬸᬓᬂᬫᬸᬓᬂ᭞ᬬᬓᬾᬫᬧᬸᬮᬂᬓᬧᬲᬶᬄ᭞ᬢ᭄ᬯᬭᬗᬶᬢᬸᬂ᭞
ᬧᬭᬫᬾᬦᬓ᭄ᬓᬤᬂᬯᬃᬕ᭄ᬕ᭟ᬫᬫᬶᬥᬡ᭄ᬥᬳᬲᬶᬂᬘᭀᬭᬄ᭞ᬦᬸᬕᭂᬮ᭄ᬗᭂᬮᬸᬗᬶᬦ᭄ᬫᭂᬍᬲᬶᬦ᭄᭞ᬢᬸ᭠ᬮ᭄ᬬᬓᬤᬶᬲᬂᬳ᭄ᬬᬂᬬᬵᬫ᭞ᬫᬗᬕᬸᬮᬓᬶᬦ᭄ᬭᬶᬂᬫᬗ᭄ᬯᬶ᭞ᬳᬲᬶᬂᬢᬦ᭄ᬫᬵᬦᬹᬢ᭄ᬳᬶᬦ᭄ᬤᬶᬓ᭄᭞ᬲᬵᬫ᭄ᬧᬸᬦ᭄ᬲᬶᬤ᭄ᬥ᭠
ᬫᬧᬳᬬᬸ᭞ᬫᬲᬶᬧᬢ᭄ᬳᬦ᭄ᬢᬸᬓ᭄ᬰᬵᬲ᭄ᬢ᭄ᬭ᭞ᬬᬤᬶᬦ᭄ᬩ᭄ᬭᬳ᭄ᬫᬡᬲᬸᬮᬶᬗ᭄ᬕᬶᬄ᭞ᬫᬗ᭄ᬤᬾᬧᬵᬢᬹᬢ᭄᭞ᬗᬫᬃᬕ᭄ᬕᬬᬂᬳᬶᬦ᭄ᬤᬶᬓ᭄ᬧᬹᬚ᭟ᬦᬾᬳᬲᬶᬓᬶᬭᬵᬚᬧᬸᬢᬺ᭞ᬢᬍᬃᬯᬶᬬᭀᬲᬶᬂᬧ᭄ᬭᬚᬸᬭᬶᬢ᭄᭞ᬬᬦ᭄ᬲ
