Kaca:Bali-lontar-gaguritan-rusak-gianyar-01-350ppi.pdf/29

[᭒᭘ 28B]
᭒᭘
ᬚᬦᬶ᭞ᬧᬗᭂᬫ᭄ᬩᬦᬾᬥᬃᬫ᭄ᬫᬲᬥᬸ᭞ᬤᬦᬾᬳᬶᬓ᭄ᬢᬸᬢ᭄ᬲᬭ᭞ᬲᬬᬦ᭄ᬫᬓ᭄ᬲᭂᬄᬲᬸᬢᬺᬧ᭄ᬢᬶ᭞ᬢ᭄ᬓᬦᬸᬳᬸᬦ᭄᭞ᬫᬗ᭄ᬕᬯᬾᬦᬂᬚᬕᬤ᭄ᬥᬶᬢ᭟ᬲᬵᬫ᭄ᬧᬸᬦ᭄ᬓᬲᬶᬤ᭄ᬥᬦ᭄ᬲᬵᬫ᭄ᬧᬹᬃᬡ᭄ᬦ᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶ
ᬲ᭄᭞ᬲᬓᬤᬶᬲᬂᬯᬶᬪᬶᬱᬡ᭞ᬜᭂᬮᭀᬲᬂᬭᬕᬫᬓᬾᬃᬢ᭄ᬢᬶ᭞ᬫᬗ᭄ᬢᬸᬢᬂᬲᬸᬪᬓ᭄ᬢᬶ᭞ᬭᬶᬂᬳᬶᬤᬳᬶᬤᬾᬯᬳᬕᬸᬂ᭞ᬕᬕᬢᬾᬦ᭄ᬫᬧᬸᬢᬸᬲᬦ᭄᭞ᬓᬩᬥᬸᬂᬗᬺᬋᬄᬓᬦ᭄ᬢᬶ᭞ᬧᬥᬭᬢᬸ᭞ᬲ᭄ᬤᭂᬂ
ᬢᬸᬦᬲᬶᬦ᭄ᬯᭂᬓᬲᬦ᭄᭟ᬢ᭄ᬮᬲ᭄ᬳᬢᬹᬭᬾᬫᬗᬵᬓ᭄ᬱᬫ᭞ᬫᬗ᭄ᬤᬧᬕᭂᬄᬓᬭᬶᬳᬾᬮᬶᬂ᭞ᬲᬲᬶᬓᬶᬦᬾᬓᬕ᭄ᬬᬜᬃ᭞ᬲᬓᬤᬶᬤᬾᬯᬢᬭᬶᬳᬶᬦ᭄᭞ᬫᬗ᭄ᬤᬲ᭄ᬯᬾᬘ᭄ᬙᬦᬾᬫᬗ᭄ᬓᬶᬦ᭄᭞ᬚᬕᬗ᭠
ᬮᬭᬧᬂᬳᬢᬹᬃ᭞ᬦᬸᬦᬲᬂᬧᬗᬵᬫ᭄ᬧᬸᬭ᭞ᬓᬤᬍᬫ᭄ᬗᬵᬢᬹᬭᬂᬪᬓ᭄ᬢᬶ᭞ᬤᬕᬶᬂᬳᬶᬧᬸᬦ᭄᭞᭠ᬫᬗᬾᬮᬶᬗᬶᬦ᭄ᬮᬮᬯᬲᬦ᭄᭟ᬗᬵᬢᬹᬭᬂᬧᬢᬶᬕᬲᬦ᭞ᬫᬦᬢᬓ᭄ᬲᬧᬦᬲ᭄ᬢᬶᬲ᭄᭞ᬫᬗᬬᬄ᭠

[᭒᭙ 29A]
ᬗᬃᬬ᭄ᬬᬦᬶᬜ᭄ᬚ᭄ᬭᭀ᭞ᬧᬸᬧᬸᬢ᭄ᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬢᬓᬶᬢᬓᬶ᭞ᬳᬦᬓᬾ᭠ᬳᬕᬸᬂᬭᬶᬂᬩᬥᬸᬂ᭞ᬗᬫᬃᬕ᭄ᬕᬬᬂᬧᭀᬢᬸᬲᬦ᭄᭞ᬫᬜ᭄ᬘᬳᬕᬸᬂᬓᬮᬶᬄᬲᬶᬓᬶ᭞ᬓᬓ᭄ᬮᬸᬂᬓᬸᬂ᭞ᬜᬥ᭄ᬬ
ᬫᬗᬵᬢᬹᬭᬂᬲᬸᬭᬵᬢ᭄᭟ᬳᬦᬓᬾᬳᬕᬸᬂᬭᬶᬂᬓᬲᬶᬫᬦ᭄᭞ᬫᬸᬮᬢᬾᬢᬾᬄᬳᬍᬧ᭄ᬭᬶᬭᬶᬄ᭞ᬢᬸᬮ᭄ᬬᬲᬜ᭄ᬚᬬᬭᬶᬂᬭᬯᭀᬲ᭄᭞ᬧᬺᬦᬄᬧᬫᬦ᭄ᬧᬶᬦᬶᬳᬮᬶᬢ᭄᭞ᬲᬫᬵᬧ᭄ᬢᬫᬓᬓᬮᬶᬄ᭞ᬧ
ᬥᬲ᭄ᬤᭂᬂᬧᬘᬂᬉᬢᬸᬲ᭄᭞ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬭᬶᬂᬩᬮᬮ᭄ᬯᬦ᭄ᬜᬋᬗᬶᬦ᭄᭞ᬗᬵᬕᭂᬫ᭄‌ᬧ᭄ᬘᬸᬢ᭄᭞ᬭᬭᬶᬲ᭄ᬧᬥᬵᬦᬸᬗ᭄ᬕᬗ᭄ᬓᬸᬤ᭟ᬓᬋᬫ᭄ᬧᭂᬕ᭄ᬩᬳᬦ᭄ᬳᬶᬭᬶᬗᬦ᭄᭞ᬫᬲᬋᬗᬦ᭄ᬓᬫ᭄ᬧᬸᬂᬩᬸᬕᬶ᭠
ᬲ᭄᭞ᬧᬦ᭄ᬢᭂᬲ᭄ᬫᬗᬩᬩᬦ᭄ᬤ᭄ᬭᬗᬦ᭄᭞ᬮᬾᬦ᭄ᬳᬤᬫᬗᬩᬩ᭄ᬤᬶᬮ᭄᭞ᬳᬢᬧ᭄ᬧᬥᬫᬗᬶᬭᬶᬂ᭞ᬘᭂᬡ᭄ᬥᭂᬓᬦ᭄ᬫᬚᬮᬦ᭄ᬫᬮᬸ᭞ᬗ᭄ᬕᭂᬘᬾᬓ᭄ᬫᬩᬩᭂᬤᬮᬦ᭄᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬧᬲᬲᬶ᭞ᬕ᭄ᬮᬶᬲ᭄ᬭᬯᬸᬄ᭞