[᭑᭕ 15B]
᭑᭕
ᬕᬸᬲ᭄ᬢᬶᬦᬾᬩᬳᬢ᭄ᬧᬶᬲᬦ᭄᭞ᬮ᭄ᬬᬸᬩ᭄ᬮᬶᬫᬳᬦ᭄ᬕᬸᬫᬶ᭞ᬓ᭄ᬭᬡᬳᬤ᭞ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄ᬦᬶᬢᬄ᭟ᬓᬮᬶᬄᬲᬯᬯᭂᬗ᭄ᬓᭀᬦ᭄ᬕ᭄ᬬᬜᬃ᭞ᬍᬄᬮᬦ᭄ᬤᭂᬄᬩᬸᬓᬳᬫ᭄ᬧ᭄ᬮᬲᬶᬦ᭄᭞ᬩᬳᬦ᭄ᬩᭂᬮᬶᬫ᭄ᬫᬗ᭄ᬕᬯᬾᬦᬂ᭞ᬓ
ᬢᬶᬫᬦ᭄ᬫᬸᬲᬸᬄᬗᬼᬳᬶᬦ᭄᭞ᬳᬶᬤᬧ᭄ᬭᬫᬜ᭄ᬘᬲᬫᬶ᭞ᬫᬦᬸᬮᬸᬲ᭄ᬪᬓ᭄ᬢᬶᬫᬜᬸᬗ᭄ᬲᬸᬂ᭞ᬩ᭄ᬮᬶᬜ᭠ᬳᬢᬂᬧᬶᬲᬦ᭄᭞ᬢᬶᬤᭀᬂᬚᬩᬸᬓᬳᬶᬘᬳᬶ᭞ᬭᬶᬭᬶᬄᬓᬲᬸᬩ᭄᭞ᬗᭂᬫ᭄ᬩᬓᬂᬕᬸᬫᬶᬕ᭄ᬬᬜᬃ᭟ᬳ᭠
ᬦᬓ᭄ᬳᬕᬸᬂᬳᬕᬸᬂᬧᬶᬲᬦ᭄᭞ᬲᬸᬕᬶᬄᬢ᭄ᬯᬭᬓ᭄ᬯᬂᬳ᭄ᬲᬶᬂ᭞ᬘᬳᬶᬮᬯᬸᬢ᭄ᬫᬗ᭄ᬕᬯᬾᬦᬂ᭞ᬫᬗ᭄ᬤᬾᬳᬶᬤᬗ᭄ᬮᬕ᭄ᬕᬸᬲ᭄ᬢᬶ᭞ᬓᬾᬄᬤᬤᬶᬜᬘᬳᬶ᭞ᬤᭀᬂᬦᬄᬓᬾᬘᬳᬶᬤᬗᬸᬬᬸᬓ᭄᭞ᬳᬢᬹᬭᬂᬧᬯᬶᬮᬗᬦ᭄᭞
ᬳᬦᬓᬾᬳᬕᬸᬂᬦᬫ᭄ᬧᬢᬶᬦ᭄᭞ᬲᬸᬯᬸᬤ᭄ᬦᬸᬧ᭄ᬢᬸᬧ᭄᭞ᬤᬾᬦᬶᬂᬬᬫᬕᭀᬩᬲᬮᬄ᭟ᬚᬦᬶᬓᬾᬦ᭄ᬓᬾᬦ᭄ᬩᬵᬦ᭄ᬫᬤᬬ᭞ᬳᬶᬘᬾᬤᭀᬓ᭄ᬫᬳᬢᬹᬭᬭᬶᬲ᭄᭞ᬩᭀᬬᬓᬵᬢᬹᬃᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬚ᭠
[᭑᭖ 16A]
ᬯᬦ+(ᬭᬢᬸᬲᬲᬶᬓᬶ)᭞ᬰᬹᬭᬩ᭄ᬭᬢᬦᬾᬉᬕᬶ᭞ᬲᬾᬤ᭄ᬥᬲ᭄ᬯᬃᬕ᭄ᬕᬳᬦᬓ᭄ᬳᬕᬸᬂᬓᬤᬶᬉᬘᬧᬦ᭄ᬪᭀᬫ᭞ᬧᬶᬢᬸᬢᬸᬃᬧᬶᬣᬦᬾᬗᬹᬦᬶ᭞ᬦᬶᬓᬭᬢᬸ᭞ᬫᬃᬕ᭄ᬕᬬᬂᬧᬕᭂᬳᬂᬧᬶᬲᬦ᭄᭟ᬳᬶᬓ᭄ᬢᬸᬢ᭄ᬧᬲᭂᬓ᭄ᬫᬦᬶᬫ᭄ᬩᬮ᭄᭞ᬳᬢᬹᬃᬓᬃᬡ᭄ᬦ
ᬦᬾᬕᬸᬕ᭄ᬯᬦᬶᬦ᭄᭞ᬳᬋᬧᬾᬭᬶᬂᬲᬂᬪᬹᬫᬶᬚ᭞ᬧᬸᬦᬶᬓᬳᬾᬮᬶᬗᬂᬉᬕᬶ᭞ᬢᬶᬢ᭄ᬬᬂᬭᬢᬸᬫᬗᬶᬭᬶᬂ᭞ᬲᬤᬾᬤᬾᬮᬶᬗ᭄ᬕᬶᬄᬳᬶᬭᬢᬸ᭞ᬧᬭᬧᬸᬢ᭄ᬭᬲᬫ᭄ᬬᬦ᭄᭞ᬫᬳᬢᬹᬃᬚᬕᬫᬗᬶᬭᬶᬂ᭞ᬧᬘᬂᬮᬫᬸᬲ᭄᭞᭠
ᬲᬋᬂᬫᬗᭂᬢᭀᬳᬂᬚᬷᬯ᭟ᬳᬶᬤᬾᬯᬫᬗ᭄ᬕᬶᬲ᭄ᬫᬕᬾᬩ᭄ᬭᬲ᭄᭞ᬲᬵᬫ᭄ᬧᬸᬦ᭄ᬫᬧᬶᬦᭂᬄᬤᬶᬳᬢᬶ᭞ᬪᬬᬦ᭄ᬢᬶᬓᬾᬃᬢ᭄ᬢᬶᬳᭀᬜ᭞ᬳᬫ᭄ᬩᬸᬮ᭄ᬢᭀᬧᬲᬸᬂᬪᬝᬵᬭᬶ᭞ᬓ᭄ᬫᬳᬶᬩᬦᬾᬚᬦᬶ᭞ᬧ᭄ᬦᭂᬓᬶᬦ᭄ᬓᬸᬮ᭄ᬓᬸ᭠
ᬮᬾᬕ᭄ᬩᬸᬕ᭄᭞ᬩᬯᬸᬳᬲᬧᬸᬦᬶᬓ᭞ᬳᬶᬕᬸᬲ᭄ᬢᬶᬗᬸᬭᬄᬜᬤᭂᬮᬶᬦ᭄᭞ᬲᬵᬫ᭄ᬧᬸᬦ᭄ᬭᬢᬸ᭞ᬕ᭄ᬮᬶᬲᬦ᭄ᬫᬩ᭄ᬬᬬᬸᬳᬦ᭄᭟ᬧᬸᬦᬧᬶᬭᬢᬸᬓᬵᬃᬬ᭄ᬬᬦᬂ᭞ᬫᬭᬋᬚᭂᬓᬦ᭄ᬳᬶᬭᬶᬓᬶ᭞ᬧᬶᬲᬸᬦᬦᬾᬲᬬᬦ᭄ᬫᬗᬦ᭄᭞ᬳ᭠
