[᭑᭖ 16B]
᭑᭖
ᬤᭂᬗᬂᬧᬶᬦᭂᬳᬂᬫᬗ᭄ᬓᬶᬦ᭄᭞ᬘᭀᬓᭀᬃᬳᬶᬤᬾᬯᬭᬭᬶᬲ᭄᭞ᬕ᭄ᬮᬶᬲᬦ᭄ᬫᬓᬳ᭄ᬬᬸᬦ᭄ᬗᬫ᭄ᬩᬸᬮ᭄᭞ᬜᬦ᭄ᬗᬓ᭄ᬱᬶᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬪᬓ᭄ᬢᬶ᭞ᬳᬤᬾᬗᬤᬾᬂ᭞ᬭᬢᬸᬫᬧᬶᬦᭂᬄᬯᬶᬯᬾᬓ᭟ᬧᬸᬦᬶᬓᬶ
ᬢᬶᬢ᭄ᬬᬂᬗᬵᬢᬹᬭᬂ᭞ᬭᬯᭀᬲ᭄ᬜᬦ᭄ᬤᬂᬧᬶᬢᭂᬢᭂᬳᬶᬦ᭄᭞ᬦᬵᬗ᭄ᬳᬶᬂᬕᬫᭂᬮ᭄ᬪᬓ᭄ᬢᬶ+(ᬦ᭄ᬢᬶ)ᬢ᭄ᬬᬂ᭞ᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬪᬓ᭄ᬢᬶ᭞ᬧᬸᬦᬶᬓᬶᬭᬢᬸᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬬᬂᬭᬯᭀᬲᬾᬧᬵᬢᬹᬢ᭄᭞ᬬᬾᬦ᭄ᬧᬤᬾᬯ᭄ᬬᬓ᭄ᬢᬶᬘᭀ᭠
ᬗᬄ᭞ᬘᭀᬓᭀᬃᬤ᭄ᬥᬪᬷᬫᬫᬩᬮᬶᬓ᭄᭞ᬩᬾᬜ᭄ᬚᬂᬭᬢᬸ᭞ᬘᭀᬓᭀᬃᬳᬶᬤᬾᬯᬕ᭄ᬮᬶᬲᬂ᭟ᬳᬶᬬᬦᬓ᭄ᬭᬢᬸᬫᬃᬕ᭄ᬕᬶᬬᬂ᭞ᬓᬓ᭄ᬮᬸᬂᬓᬸᬂᬫᬗ᭄ᬤᬕ᭄ᬮᬶᬲ᭄᭞ᬧᬋᬓ᭄ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬤ᭄ᬥ᭞ᬓᬮᬶᬄᬦᬸᬦ᭠
ᬲ᭄ᬉᬧᬲᬓ᭄ᬱᬶ᭞ᬭᬯᭀᬲᬾᬲᬦᬾᬭᬶᬳᬶᬦ᭄᭞ᬧᬸᬦᬶᬓᬳᬾᬮᬶᬗᬂᬭᬢᬸ᭞ᬩᬵᬲ᭄ᬚᬦ᭄ᬢᭂᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬤᬚᬕᬗᬮᬶᬗ᭄ᬕᬶᬳᬶᬦ᭄᭞ᬭᬭᬶᬲ᭄ᬳᬶᬤ᭞ᬫᬦ᭄ᬤᬯᬸᬳᬂᬓᬦᬵᬕᬭ᭟ᬫᬗ᭄ᬤᬓᬤᬶ᭠
[᭑᭗ 17A]
ᬚᬢᬶᬫᬸᬮ᭞ᬪᬓ᭄ᬢᬶᬦ᭄ᬳᬶᬤᬦᬾᬫᬭᬶᬓᬶ᭞ᬫᬫ᭄ᬓᬸᬮ᭄ᬘᭀᬓᭀᬃᬳᬶᬤᬾᬯ᭞ᬳᬶᬭᬢᬸᬢᬍᬃᬬᬢ᭄ᬦᬳᬶᬦ᭄᭞ᬭᬶᬂᬓᬲᬾᬧᬦᬾᬓᬶᬤᬶᬓ᭄᭞ᬢᬶᬢ᭄ᬬᬂᬫᬗ᭄ᬕᬫᭂᬮ᭄ᬳᬶᬭᬢᬸ᭞ᬩ᭄ᬘᬶᬓ᭄ᬕᬶᬗ᭄ᬲᬶᬭᬶᬦ᭄ᬕᭂ᭠
ᬦᬄ᭞ᬲᬶᬩᬜ᭄ᬚᬭᬗ᭄ᬓᬦ᭄ᬫᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬭᬢᬸ᭞ᬫᬧᬫᬶᬢ᭄ᬚᬕᬦᬩ᭄ᬤᬩᬂ᭟ᬓ᭠ᬯᬸᬮᬜ᭄ᬘᭀᬓᭀᬃᬳᬶᬤᬾᬯ᭞ᬫᬗ᭄ᬤᬾᬦ᭄ᬢᭂᬤᬸᬦ᭄ᬲᬋᬂᬲᬫᬶ᭞ᬲᬺᬕᭂᬧ᭄ᬫᬗᬯᬲᬜ᭄ᬚᬢ᭞ᬬ᭠
ᬦ᭄ᬲᬵᬫ᭄ᬧᬸᬦ᭄ᬫᬧᬸᬦ᭄ᬤᬸᬄᬲᬫᬶ᭞ᬢᬶᬢ᭄ᬬᬂᬲ᭄ᬫᭂᬂᬫᬭᬶᬓᬶ᭞ᬫᬗ᭄ᬕᬫᭂᬮ᭄ᬧᬸᬭᬶᬦ᭄ᬳᬶᬭᬢᬸ᭞ᬬᬾᬦ᭄ᬧᬤᬾᬳᬶᬤᬢᬸᬮᬓ᭄᭞ᬘᭀᬓᭀᬃᬤ᭄ᬥᬪᬷᬫᬢᬦ᭄ᬗᬶᬭᬶᬂ᭞ᬢᬶᬢ᭄ᬬᬂᬭᬢᬸ᭞ᬦᭂᬯᭂᬓ᭄ᬫᬗ᭄ᬮᬯᬦ᭄ᬫ
ᬬᬸᬤ᭄ᬥ᭟ᬧᬸᬦᬶᬓᬧᬵᬢᬹᬢ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬭᬭᬶᬲ᭄ᬳᬶᬤᬗᬧᬸᬭᬶᬬᬦ᭄᭞ᬢᬗ᭄ᬓᬶᬮ᭄ᬦᬾᬩᬸᬤᬮ᭄ᬲᬫᬶ᭞ᬳᬶᬕᬸᬲ᭄ᬢᬶᬗᬸᬭᬄᬫᬗ᭄ᬓᬶᬦ᭄᭞ᬳᬕᬾᬧᬫᬃᬕ᭄ᬕᬶ᭠
