[᭙᭘98B]
᭙᭘
ᬲᬳᬸᬃᬫᬗᬶᬭᬶᬂ᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬘᬕᭂᬃᬧᬓᬬᬸᬦᬦᬾᬗᬸᬕᬸ᭞ᬓᬲᬶᬦᬳᬂᬯᬦ᭄ᬢᬄᬲᬶᬤ᭄ᬥ᭞ᬧᬘᬂᬜᬦ᭄ᬢᭀᬲ᭄ᬭᬶᬂᬫᬗ᭄ᬯᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬸᬩᬬᬗᬜ᭄ᬘᬬᬂᬩᬸᬤᬮ᭄᭟ᬲᬯᬢᬭᬧᬶᬢᬸᬂᬤᬶᬦ᭞ᬭᬶᬂᬲᬶᬩᬂᬲᬸᬯᬾᬫᬗᬮᬶᬗ᭄ᬕᬶᬄ᭞ᬦᭂ
ᬳᭂᬃᬢᬸᬫᬸᬮᬶᬫᬫᬃᬵᬕ᭄ᬕ᭞ᬢᬦᬸᬘᬧᬦᬾᬭᬶᬂᬫᬃᬵᬕ᭄ᬕᬶ᭞ᬕ᭄ᬮᬶᬲ᭄ᬭᬯᬸᬄᬭᬶᬂᬫᬗ᭄ᬯᬶ᭞ᬘᬭᬶᬢᬳᬦᬓᬾᬳᬕᬸᬂ᭞ᬲᬵᬫ᭄ᬧᬸᬦ᭄ᬜᬦ᭄ᬢᭀᬲ᭄ᬭᬶᬂᬚᬩ᭞ᬯᬦ᭄ᬢᬄᬧ᭄ᬭᬬᬫᬫᭂᬦ᭄ᬤᬓᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬚ᭄ᬭᭀᬫᬤᬦ᭄ᬤᬦ᭄ᬢᬗᬦ᭄᭟ᬲᬃᬯ᭄ᬯᬶᬫᬳᬶᬘᬳᬶᬘ᭠
ᬬᬦ᭄᭞ᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬣᬲᬫᬶ᭞ᬲᬢᬶᬗ᭄ᬓᬄᬭᬶᬂᬲᬶᬩᬂᬓᬨᬮ᭄᭞ᬳᬦᬓᬕᬸᬂᬭᬶᬂᬫᬗ᭄ᬯᬶ᭞ᬩᬶᬗᬃᬢᬦ᭄ᬧᬦᬦ᭄ᬤᬂᬍᬯᬶᬄ᭞ᬕᬸᬲ᭄ᬢᬶᬫᬥᬾᬗᬸᬭᬄᬓ᭄ᬭᬸᬕ᭄᭞ᬓ᭄ᬤᬾᬓ᭄ᬤᬦᬾᬫᬗᬓᬓ᭄᭞ᬫᬵᬢᬹᬃᬬᬦ᭄ᬢ᭄ᬯᬭᬗᬦᬹᬢᬶᬦ᭄᭞ᬫᬦᬄᬢᬶᬢ᭄ᬬᬂ᭞
ᬧ᭄ᬭᬬᬗᬼᬩᭀᬦᬶᬦ᭄ᬓᬲᬶᬩᬂ᭟ᬳᬶᬓ᭄ᬭᬸᬕ᭄ᬭᬢᬸᬘᬭᬸᬯᬂ᭞ᬢ᭄ᬯᬭᬓᭀᬓᬾᬗ᭄ᬤᬸᬳᬶᬂᬚᬸᬭᬶᬢ᭄᭞ᬦᬵᬗ᭄ᬳᬶᬂᬤᭀᬄᬢ᭄ᬯᬭᬜᬶᬤ᭄ᬥᬳᬂ᭞ᬩ᭄ᬭᬲ᭄ᬢᬕᭂᬫ᭄ᬧᬸᬂᬤᬤᬶᬬᬲ᭄ᬢᬶ᭞ᬧᬥᬡ᭄ᬳᬤᬾᬦ᭄ᬓᬬᬸᬫᬍᬳᬶᬦ᭄᭞ᬕᬸᬲ᭄ᬢᬶᬲᬵᬫ᭄ᬧᬸᬦ᭄ᬓᬤᬮᬸᬫᬸᬓ᭄᭞
[᭙᭙99A]
ᬩᬳᭀᬲᬾᬫᬗ᭄ᬓᬶᬦ᭄ᬧᬶᬋᬗᬂ᭞ᬗᬶᬭᬶᬂᬳᬦᬓᬕᬸᬂᬓᬵᬮᬶᬄ᭞ᬓᬤᬶᬕᬸᬦ᭄ᬢᬸᬃ᭞ᬳᬶᬘᬓ᭄ᬤᬾᬓᬾᬫᬩ᭄ᬭᬶᬬᬕ᭄᭟ᬲᬓᬢᬳᬾᬗᬤᬾᬲᭂᬫᬂ᭞ᬳᬶᬭᬶᬗᬦ᭄ᬓᬭᬗ᭄ᬳᬲᭂᬫ᭄ᬗᬤ᭄ᬫᬶ᭞ᬢ᭄ᬯᬭᬓᭀᬜᬦ᭄ᬤᬂᬕ᭄ᬭᭀᬳᬂ᭞ᬤᬶᬢᬗ᭄ᬓᬶᬮᬦ᭄ᬤᭂ
ᬗ᭄ᬓᬓ᭄ᬤᭂᬗ᭄ᬓᬶᬓ᭄᭞ᬬᬦ᭄ᬢᬸᬳᬸᬢ᭄ᬯᬄᬧ᭄ᬭᬚᬸᬭᬶᬢ᭄᭞ᬓᬸᬤᬫᬗᬮᬶᬄᬩᬩᬦ᭄ᬢᬸ᭞ᬢ᭄ᬯᬭᬜᬦ᭄ᬤᬂᬘᬼᬕᭂᬓᬂ᭞ᬳᭂᬗ᭄ᬕᬸ᭠ᬗᬾᬤᬶᬧᬗ᭄ᬓᬸᬂᬳᬶᬤᬶᬂ᭞ᬢ᭄ᬓᬚᬸᬫ᭄ᬩᬸᬄ᭞ᬓᬤᬾᬦ᭄ᬢ᭄ᬯᬭᬳᬦᬓ᭄ᬦᬯᬂ᭟ᬮᬕᬸᬢᬾᬩᬶᬱᬜᭂᬳᭂᬩᬂ᭞ᬢ᭄ᬯᬭᬓᭀᬦᭀᬮᬶᬄ
ᬓᬲᬫ᭄ᬧᬶᬂ᭞ᬧᬤᬶᬤᬶᬬᬦ᭄ᬫᬜᬸᬯᬂᬓᬭᬂ᭞ᬜᬾᬦ᭄ᬲᬾᬦ᭄ᬤᭂᬫ᭄ᬫᬗᭂᬦᭂᬫᬶᬦ᭄᭞ᬳᬢᬗᬸᬘᬧᬶᬂᬦᬗ᭄ᬓᬶᬮ᭄᭞᭠ᬧᬥᬓᭂᬘᬸᬄᬗᬭᬸᬫᬸᬓ᭄᭞ᬫᬗ᭄ᬓᬶᬦ᭄ᬲᬂᬭᬢᬸᬓᬭᭀ᭞ᬲᬵᬫ᭄ᬧᬸᬦᬗ᭄ᬮᬸᬯᬭᬶᬢᬗ᭄ᬓᬶᬮ᭄᭞ᬓᬕᬾᬢ᭄ᬭᬳᬸᬄ᭞ᬭᬬᬸ᭠
ᬦᬦ᭄ᬲᬵᬫ᭄ᬧᬸᬦ᭄ᬘᬸᬫᬤᬂ᭟ᬧᭂᬧᭂᬓ᭄ᬘᬭᬦᬶᬂᬭᬬᬸᬦᬦ᭄᭞ᬳᬧᬦ᭄ᬲᭀᬢᬦᬶᬂᬯᬄᬪᭀᬕᬶ᭞ᬭᬭᬶᬲ᭄ᬫᬸᬗ᭄ᬕᬄ᭠ᬲᬶᬤᬋᬗᬦ᭄᭞ᬧᬋᬓᬦᬾᬫᬗᬬᬳᬶᬦ᭄᭞ᬘᬶᬳ᭄ᬦᬤᬤᭀᬲ᭄ᬳᬲᬶᬓᬶ᭞ᬳᬶᬗᬬᬧᬶᬂᬧᬭᬯᬥᬹ᭞ᬲᬫ᭄ᬢᭀᬦ᭠
Kaca:Bali-lontar-gaguritan-rereg-gianyar-300ppi.pdf/99
Kaca puniki sampun kauji-wacén
